Jeremias 9:2 - Ti Baro a Naimbag a Damag Biblia

² Adda koma lugar a pagnaedak idiay let-ang tapno maadaywak dagiti tattaok. Agpapadada a managdakdakes, bunggoy ida dagiti mangliliput.

Ti Biblia (1973)

² O no adda coma idiay let-ang maysa a disso a pagdagusan dagiti agpagpagna a tattao; tapno panawac coma ti ilic, ket mayadayuac cadacuada! ta isuda amin mannakicamalalada, ken bonggoy ida dagiti nagulib a tattao.

Jeremias 9:2 Iomraidhean Croise

Isaias 59:3

Ngamin ta nagbasolkayo. Nagpapataykayo ken nagsaokayo iti ulbod ken panangallilaw.

Jeremias 12:1

“O Apo, no agreklamoak kenka, maipakita a nalintegka. Ngem sadino ti ayan ti hustisia? Apay a narang-ay ti panagbiag dagiti managdakdakes? Apay nga agballigi dagiti manangallilaw?

Jeremias 12:6

Uray dagiti kakabsatmo, liniputandaka; dagiti kameng ti bukodmo a familia, tumiponda kadagiti mangdarup kenka. Dika agtalek kadakuada uray no nasayaat ti panagsaoda.”

Jeremias 13:22

Saludsodenyo no apay a napasamak kadakayo daytoy? Apay a naray-ab dagiti pagan-anayyo? Apay a naramrameskayo? Napasamak dagitoy agsipud ta nadagsen unay ti basolyo.

Jeremias 23:10

Napno ti daga iti tattao a nangtallikud iti Apo. Dakes ti panagbiagda ket saan a nasayaat ti panangusarda iti bilegda. Agdung-aw ti daga gapu iti panangilunod ti Apo ket magango dagiti ruot iti pagaraban.

Jeremias 4:22

Kinuna ti Apo, “Nengneng dagiti tattaok; saandak nga am-ammo. Kasda la maag nga ubbing; saanda a makaawat. Nalaingda nga agaramid iti dakes, ngem dida ammo ti agaramid iti naimbag.”

Jeremias 5:1

Dakayo a tattao ti Jerusalem, agtaraykayo kadagiti kalsadayo! Agsiimkayo a nalaing! Sukimatenyo dagiti plasa! Kitaenyo no adda masarakanyo a nalinteg ti aramidna ken kinapudno ti sapsapulenna. No adda, pakawanento ti Apo ti iliyo.

Jeremias 5:11

Liniputandak a namimpinsan, dagiti tattao ti Israel ken ti Juda.” Daytoy ti sao ni Yahweh.

Jeremias 5:2

Uray no ibagayo nga agdaydayawkayo iti Apo, dinto met la pudno ti saoyo.

Oseas 4:2

Sapataan dagiti tattao ti karida ngem salungasingenda met laeng. Agulbod, agpapatay, agtakaw ken makikamalalada. Umadu ti krimen ket agsasaruno ti pammapatay!

Oseas 5:7

Saanda a napudno kenkuana; saanna a kukua dagiti annakda. Ngarud, madadaeldanto, kasta met dagiti dagada.

Oseas 6:7

“Ngem apaman a simrekda iti daga ti Adam, sinalungasingda ti nagtutulaganmi.

Oseas 7:4

Saanda a napudno ket manangliliputda. Umasimbuyok a kas iti apuy ti urno ti gurada; wen, kas iti apuy a rubroban ti panadero no naisaganan a maluto ti masa.

Mikias 6:12

Naranggas dagiti babaknang ket gundawayanda dagiti napanglaw. Naulbod dagiti tattao.

Sofonias 3:4

Iresponsable ken mangliliput dagiti profetana. Tulawan dagiti papadina ti banag a nasantoan ket ballikugenda ti linteg ti Dios para iti bukodda a pagimbagan.

Malakias 2:11

Tinallikudan dagiti tattao ti Juda ti karida iti Dios ket nakaal-alliaw ti inaramidda idiay Jerusalem ken iti entero a pagilian. Tinulawanda ti Templo nga ipatpateg ti Apo. Nangasawa dagiti lallaki kadagiti babbai nga agdaydayaw kadagiti ganggannaet a didiosen.

Malakias 2:14

Saludsodenyo no apay a dina awatenen dagiti datonyo. Gapu ta ammona a saan a tinungpal ti tunggal maysa ti karina iti babai nga inasawana idi agtutubo pay. Kinataktakunaynayyo ida ket diyo tinungpal ti kariyo kadakuada uray no insapatayo iti Dios nga agtalinaedkayo a napudno kadakuada.

Santiago 4:4

Tattao a di mapagtalkan! Diyo kad ammo a maibusor iti Dios ti pannakigayyem iti lubong? Wen, siasinoman a makigayyem iti lubong, maibilang metten a kabusor ti Dios.

Uk-ukom 2:10

Natay met amin dayta a kaputotan, ket nabati ti sumaruno a kaputotan a saan a makaammo ken ni Yahweh ken iti amin nga inaramidna a pagimbagan ti Israel.