Jeremias 9:10 - Ti Baro a Naimbag a Damag Biblia

¹⁰ Kinunak, “Dung-awakto dagiti bantay, sangitakto met dagiti pagpaaraban idiay let-ang ngamin ta namagaandan, ket awanen ti magmagna kadakuada. Saanen a mangngeg ti uga dagiti baka; pimmanawen dagiti tumatayab ken dagiti atap nga animal.”

Ti Biblia (1973)

¹⁰ Maipanggep cadagiti banbantay ipapasconto ti agsangit ken agasug, ket maipanggep cadagiti pagaraban iti let-ang maysa a panagunnoy, agsipud ta nauramda, iti casta awan ti lumasat; ket saan met a mangngegan dagiti tattao ti uni dagiti vaca; dagiti tumatayab ti langit ken dagiti animal nagtalawanda, awandan.

Jeremias 9:10 Iomraidhean Croise

Isaias 41:15

Pagbalinenka a kasla pagirikan, nga addaan kadagiti ngipen a baro ken natatadem. Irikemto dagiti bantay ket dadaelem ida; margaayto dagiti turod ket tumapokda.

Isaias 49:19

“Nadadael ken naglangalang ti pagiliam, ngem ita, saanen nga umanay a pagnaedan. Dagiti nangdadael kenka, mapapanawdanto iti bukodmo a daga.

Jeremias 12:10

Adu a pastor ti nangdadael iti kaubasak, inasak-asakda dagiti taltalonko; pinaglangalangda ti nasayaat a dagak.

Jeremias 12:11

Pinagbalinda nga awan serserbina, nakaay-ay-ay ti buyana. Nagbalin a let-ang ti entero a daga, ket awan man la ti mangikanawa.

Jeremias 12:4

Kasano pay kabayag ti kinatikag ti dagami ken ti pannakalaylay dagiti ruot iti tunggal talon? Matayen dagiti animal ken tumatayab gapu iti kinadakes dagiti tattaomi, isuda nga agkuna, ‘Saan a makita ti Dios ti ar-aramidentayo.’”

Jeremias 14:6

Agtakder dagiti atap nga asno iti tapaw dagiti turturod, ket agal-alda a kasla atap nga aso. Kumudrep ti panagkitada, agsipud ta awanen ti arabenda.

Jeremias 2:15

Kasda la leon a nagngernger kenkuana; pinagbalinda a disierto ti dagana ket dagiti ilina narbada, naan-anay a nagpanawan, awan agnaed kadakuada.

Jeremias 2:6

Saanda a sinaludsod, ‘Sadino ti ayan ti Apo a nangiruar kadatayo idiay Egipto? Sadino ti ayan ti nangidalan kadatayo idiay let-ang, daga a langalang ken ayan ti adu nga abut, namaga ken napeggad a daga, daga a saan a mapagpagnaan ken daga nga awan agnaed?’

Jeremias 23:10

Napno ti daga iti tattao a nangtallikud iti Apo. Dakes ti panagbiagda ket saan a nasayaat ti panangusarda iti bilegda. Agdung-aw ti daga gapu iti panangilunod ti Apo ket magango dagiti ruot iti pagaraban.

Jeremias 50:3

“Immay ti maysa a nasion a taga-amianan tapno rautenna ti Babilonia ket paglangalangennanto. Agtatarayto nga agtalaw dagiti tattao ken dagiti animal, ket awanton ti agnaed sadiay.”

Jeremias 7:29

Kuna ti Apo, “Agladingitkayo, dakayo a tattao ti Jerusalem; agpukiskayo ket ibellengyo ti buokyo. Agdung-awkayo iti tapaw dagiti turod, ta siak, ni Yahweh, makapungtotak ket linaksidko dagiti tattaok.

Jeremias 8:18

Maladingitanak ket saanak a maliwliwa, nalpay ti pusok gapu iti leddaangko.

Dungdung-aw 1:16

“Isut' gapuna nga agar-arubos dagiti luluak. Awan makaliwliwa ken makaparegta kaniak. Pinarmeknakami ti kabusor; awanen natda a sanikua dagiti tattaok.

Dungdung-aw 2:11

Limtegen dagiti matak iti kasasangit; mariribuk ti kararuak. Napakapsutanak iti ladingit gapu iti pannakadadael dagiti kailiak. Matalimudaw dagiti ubbing ken maladaga kadagiti kalsada iti siudad.

Dungdung-aw 5:18

Ngamin, napanawanen ti Bantay Sion, awanen matagtagitao. Agdakdakiwas sadiay dagiti atap nga aso.

Ezekiel 14:15

“Wenno nalabit a mangibulosak kadagiti narungsot nga animal tapno patayenda dagiti umili ket pagbalinenda a napeggad ti pagilian agingga nga awan ti agdaliasat sadiay,

Ezekiel 27:2

“Anak ti tao, dung-awam ti Tiro,

Ezekiel 29:11

Awanto ti tao wenno animal a bumaddek iti dayta a disso. Iti las-ud ti 40 a tawen, awanto ti agnaed sadiay.

Ezekiel 33:28

Pagbalinekto a langalang ken awan serserbina ti daga. Agpatingganton ti pannakabalin a pagtangtangsitda. Agbalinto a nakabutbuteng dagiti bantay ti Israel ket awanton ti agdaliasat sadiay.

Ezekiel 6:6

Marebbekto dagiti amin a siudad ti Israel. Iti kasta, madadaelto dagiti amin a lugar a pagdaydayawanda kadagiti imahen. Marumrumekto dagiti amin nga altar ken imahenda, maburakto dagiti pagpuoranda iti insenso, ket mapukawto dagiti amin nga inaramidda.

Oseas 4:3

Daytoy ti gapuna nga agladingit ti daga. Matay amin a sibibiag, amin nga animal ken tumatayab agraman dagiti ikan.”

Joel 1:13

Dakayo a papadi nga agserserbi iti altar, agkaweskayo iti nakersang a lupot ket agsangitkayo. Inkay iti Templo ket agpatpatnag nga agsangsangitkayo. Awanen ti trigo wenno arak a maidaton iti Diosyo.

Joel 1:19

Umasugak kenka, O Apo, agsipud ta nagango dagiti karuotan ken dagiti kayo, a kasla ketdin inda nauram.

Amos 5:1

Tattao ti Israel, denggenyo ti idung-awko kadakayo:

Amos 5:16

Ngarud, kuna ti Apo Dios a Mannakabalin-amin, “Addanto panagdung-aw ken panagsangit iti nasaem kadagiti kalsada iti siudad. Maayabanto dagiti tattao ti away tapno makipagdung-awda kadagiti natangdanan nga agdung-aw.

Mikias 2:4

Inton dumteng dayta a tiempo, aramatento dagiti tattao ti napasamak kadakayo a kas pangngarig ti didigra. Ikantadanto daytoy nasaem a kanta: “Nadadaelkami a namimpinsan. Innala ni Yahweh ti dagami, ket intedna kadagiti nangitalaw kadakami a kas balud!”

Mikias 3:12

Ngarud, gapu kadakayo, maaradonto ti Sion a kas iti maysa a talon. Marebbekto ti Jerusalem ket agbalin a nagrebbaan. Agbalinto met a kabakiran ti bantay nga ayan ti Templo.