Jeremias 9:1 - Ti Baro a Naimbag a Damag Biblia

¹ Kasla koma bubon ti ulok, ket dagiti matak ubbog ti lua, tapno aldaw ken rabii nga agsangitak gapu kadagiti napapatay a tattaok.

Ti Biblia (1973)

¹ O no ti oloc dandanum coma, ket dagiti matac ubbog ti lulua, tapno mabalinco coma ti agsangit iti aldaw ken rabii gapu iti pannacapapatay ti anac a babai ti ilic.

Jeremias 9:1 Iomraidhean Croise

Dagiti Salmo 119:136

Kas karayan nga agayus dagiti luak, gapu kadagiti tattao a mangsukir iti lintegmo.

Dagiti Salmo 42:3

Aldaw-rabii nga agsangsangitak, ket pannakataraonko dagiti luluak. Kanayon a saludsoden dagiti kabusorko, “Sadino ti ayan ti Diosmo?”

Dagiti Salmo 55:7

Wen, innak iti adayo a disso, ket iti let-ang ti pagtaengak.

Isaias 16:9

Ita, sangitak dagiti ubas ti Sibma a kas iti panangsangitko iti Jazer. Agarubos dagiti luak gapu iti Hesbon ken Eleale, ta awanen ti maapit a mangparagsak kadagiti tattao.

Isaias 22:4

Ita, dakayo a tattao, bay-andak nga agsangit iti nasaem. Didak liwliwaen ta adu ti natay kadagiti tattaok.

Jeremias 13:17

No dikay mangipangag, sangitakto iti nalimed ti kinatangsityo. Agsangitakto iti napait ket agarubosto ti luak agsipud ta naipanaw a kas balud dagiti tattao ti Apo.

Jeremias 14:17

Imbilin ti Apo kaniak nga ibagak kadagiti tattao ti maipapan iti ladingitko ket kunak: “Aldaw ken rabii nga agarubos koma dagiti luluak, saanak koma a sumardeng nga agsangsangit agsipud ta nasaem ti sugat dagiti tattaok; wen, napalalo ti pannakadunorda.

Jeremias 3:10

Kalpasan amin dagitoy, naginsusubli kaniak ti Juda, ti manangallilaw a kabsat ti Israel. Saanna nga impapuso ti panagsublina. Siak, ni Yahweh, ti nagsao iti daytoy.”

Jeremias 4:19

Nagsakiten! Diak maibturan ti saemna. Aggutok-gutok ti pusok! Saanak a makatalna. Mangngegko ti uni ti trumpeta ken ti arimbangaw ti gubat.

Jeremias 5:7

Sinaludsod ti Apo, “Apay koma a pakawanek dagiti basol dagiti tattaok? Tinallikudandak ket nagdaydayawda kadagiti didiosen. Uray no intedko amin a masapulda, nakikamalalada latta ket dagiti balangkantis ti kinadendennada.

Jeremias 6:26

Kuna ti Apo kadagiti tattaona, “Agarruatkayo iti nakersang a lupot, dakayo a tattaok, ket agtulidtulidkay iti dapu. Agdung-awkayo a kasla natay ti kakaisuna nga anakyo. Agsangitkayo iti napait, gapu ta kellaatto a rumaut ti mangdadael kadakayo.

Jeremias 8:18

Maladingitanak ket saanak a maliwliwa, nalpay ti pusok gapu iti leddaangko.

Jeremias 9:18

Kuna dagiti tattao, “Ibagayo a darasenda ti umay, ket agdung-awda agingga nga agsasangitkami, ket agarubos dagiti luami.”

Dungdung-aw 2:11

Limtegen dagiti matak iti kasasangit; mariribuk ti kararuak. Napakapsutanak iti ladingit gapu iti pannakadadael dagiti kailiak. Matalimudaw dagiti ubbing ken maladaga kadagiti kalsada iti siudad.

Ezekiel 22:12

Matangdanan ti dadduma kadakayo tapno agpapatayda. Paanakan ti dadduma ti pautangda kadagiti padada nga Israelita ket bumaknangda iti pananggundawayda kadakuada. Nalipatandak.” Daytoy ti kuna ti Apo a Dios.

Oseas 7:4

Saanda a napudno ket manangliliputda. Umasimbuyok a kas iti apuy ti urno ti gurada; wen, kas iti apuy a rubroban ti panadero no naisaganan a maluto ti masa.