Jeremias 8:9 - Ti Baro a Naimbag a Damag Biblia

⁹ Naibabain dagiti mamasirib a tattaoyo; nariribuk ken nasiloanda. Dida inawat ti saok, ania ngarud ita ti sirib ti adda ita kadakuada?

Ti Biblia (1973)

⁹ Dagiti masirib a lallaki maibabainda, maupayda ken mabaludda: Adtoy, naglictadanda ti sao ni Jehova; ket ania a kita ti sirib ti adda cadacuada?

Jeremias 8:9 Iomraidhean Croise

2 Ar-ari 17:15

Dida kinayat a tungpalen dagiti bilinna. Sinalungasingda ti katulaganna kadagidi kapuonanda ket dida inkankano dagiti ballaagna. Nagdaydayawda kadagiti awan serserbina a didiosen ket nagbalinda met nga awan serserbina. Tinuladda dagiti ugali dagiti kabangibang a nasion ket sinukirda ti bilin ni Yahweh a dida tultuladen ida.

Ti Libro ni Job 5:12

Lapdanna ti panggep dagiti nasikap, ket ipalab-ogna dagiti masirib iti kinasikapda met laeng, tapno saan nga agballigi ti aramidenda.

Dagiti Salmo 19:7

Ti linteg ti Apo awan pagkuranganna; baro a pigsa ti itedna. Pudno ti pammaneknek ti Apo, pagsiribenna uray dagiti nanumo.

Isaias 19:11

Maag dagiti papangulo iti siudad ti Zoan! Minamaag ti balakad dagiti mamasirib iti Egipto. Ania ket a tureddan a mangibaga iti ari nga isuda ti timmawid iti laing dagiti mamasirib ken dagiti ari!

Isaias 29:14

Ngarud, makigtotdanto inton agsasaruno a yegko ti saan a mapakpakadaan a didigra. Agbanagto a maag dagiti masirib ket awanto ti imbag nga ipaay kadakuada ti kinasikapda.”

Isaias 43:27

Nagbasol daydi immuna a kapuonam; nagbasol kaniak dagidi pangulom.

Isaias 8:20

Kastoyto ti isungbatyo kadakuada, “Ipangagyo ti isursuro kadakayo ti Apo! Diyo ipangag dagiti makiuman kadagiti natay ta awan magunggonayo iti ibagada kadakayo.”

Jeremias 15:6

Dakayo a tattao, linaksiddak, dakayo amin tinallikudandak. Ngarud, dinissoankayo agingga a narumrumekkayo gapu ta diak magawidanen ti pungtotko.

Jeremias 19:7

Iti daytoy a lugar, lapdakto ti amin a panggep dagiti tattao ti Juda ken Jerusalem. Bay-akto a parmeken ida dagiti kabusorda ket mataydanto iti paggugubatan. Ipakankonto ti bangkayda kadagiti tumatayab ken kadagiti atap nga animal.

Jeremias 2:8

Saan a sinaludsod dagiti papadi, ‘Sadino ti ayan ti Apo?’ Saandak nga am-ammo dagiti papadik; binusordak dagiti agtuturay. Iti nagan ni Baal, nagsao dagiti profeta ket nagdaydayawda kadagiti didiosen nga awan serbina.”

Jeremias 49:7

Daytoy ti kinuna ni Yahweh a Mannakabalin-amin maipapan iti Edom: “Napukaw kadin dagiti taga-Edom ti husto a panagpampanunotda? Saanen aya a kabaelan dagiti masirib nga ibaga ti aramidenda? Napukawdan aya dagiti siribda?

Jeremias 6:15

Nagbainda kadi idi inaramidda dagitoy makarimon a bambanag? Saan! Pulos a dida nagbain; dida pay ammo ti rikna ti mabainan. Iti kasta, mapasagdanto a kas kadagiti dadduma inton dusaek ida ket daytanton ti paggibusanda. Siak, ni Yahweh ti agsasao.”

Jeremias 6:19

Dumngegka, daga! Kas dusa a maipatay kadakuada gapu kadagiti dakes nga aramidda, yegko ti pannakadadael kadagitoy a tattao. Ngamin ta dida tinungpal dagiti saok, ket linaksidda ti pannursurok.

Ezekiel 7:26

Agsasarunonto a dumteng ti didigra, kasta met ti dakes a damag. Agpakpakaasikayto kadagiti profeta nga ipakaammoda dagiti mapasamak iti masakbayan. Awanto ti maisuro dagiti papadi kadagiti tattao. Awanto met ti maibalakad dagiti panglakayen.

Amos 2:4

Kuna ni Yahweh, “Kanayon nga agbasol dagiti taga-Juda, isu nga awan duadua a dusaekto ida. Linaisda dagiti pannursurok ket dida tinungpal dagiti bilinko. Inyaw-awan ida dagiti didiosen a nagdaydayawan met idi dagiti kapuonanda.

Zacarias 13:4

Inton dumteng dayta a tiempo, awanto ti profeta a mangipalangguad kadagiti parmatana wenno agkawes wenno agparang a kas profeta tapno allilawenna dagiti tattao.

Deuteronomio 4:6

Tungpalenyo ida a sipapasnek tapno maiparangarang kadagiti tattao kadagiti sabali a pagilian ti kinasiribyo. Inton madamagda amin dagitoy a linteg, kunadanto, ‘Masirib ken mannakaawat unay daytoy naindaklan a nasion!’

2 Timoteo 3:15

Laglagipem a sipud pay iti kinaubingmo, naammoamon dagiti Nasantoan a Sursurat. Mabalindaka nga isuro maipapan iti pannakaisalakan babaen iti pammati ken ni Cristo Jesus.