Jeremias 8:8 - Ti Baro a Naimbag a Damag Biblia

⁸ Kasano a kunayo a masiribkayo, ken ammoyo dagiti lintegko? Kitaenyo, nabaliwan dagiti linteg; binaliwan ida dagiti ulbod nga eskriba.

Ti Biblia (1973)

⁸ Casano ti panagcunayo, Masiribcami, ket ti linteg ni Jehova adda cadacami? Ngem, adtoy, ti naulbod a pluma dagiti escriba nagaramid a siuulbod.

Jeremias 8:8 Iomraidhean Croise

Ti Libro ni Job 11:12

Agbalinto la a masirib dagiti nanengneng inton agbalin a naamo dagiti atap nga asno.

Ti Libro ni Job 12:20

Pagulimekenna dagiti matalek a mammagbaga, ket pukawenna ti sirib dagiti lallakay.

Dagiti Salmo 147:19

Ipakaammona ti saona ken ni Jacob, dagiti alagaden ken paglinteganna iti Israel.

Dagiti Proverbio 17:6

Ipannakkel dagiti lallakay dagiti appokoda kas iti panangipanakkel dagiti barito kadagiti ammada.

Isaias 43:27

Nagbasol daydi immuna a kapuonam; nagbasol kaniak dagidi pangulom.

Jeremias 18:18

Kinuna dagiti tattao, “Isikattayo a pukawen ni Jeremias. Uray ta addanto latta papadi a mangisuro kadatayo, mamasirib a mamagbaga ken profeta a mangiwaragawag iti sao ti Dios. Padpadaksentayo ketdi ket isardengtayo a denggen ti ibagbagana.”

Jeremias 19:7

Iti daytoy a lugar, lapdakto ti amin a panggep dagiti tattao ti Juda ken Jerusalem. Bay-akto a parmeken ida dagiti kabusorda ket mataydanto iti paggugubatan. Ipakankonto ti bangkayda kadagiti tumatayab ken kadagiti atap nga animal.

Jeremias 2:8

Saan a sinaludsod dagiti papadi, ‘Sadino ti ayan ti Apo?’ Saandak nga am-ammo dagiti papadik; binusordak dagiti agtuturay. Iti nagan ni Baal, nagsao dagiti profeta ket nagdaydayawda kadagiti didiosen nga awan serbina.”

Jeremias 4:22

Kinuna ti Apo, “Nengneng dagiti tattaok; saandak nga am-ammo. Kasda la maag nga ubbing; saanda a makaawat. Nalaingda nga agaramid iti dakes, ngem dida ammo ti agaramid iti naimbag.”

Jeremias 48:14

Apay a kunayo a bannuarkayo, lallaki ti Moab, natutured a soldado a natenneb iti gubat?

Oseas 8:12

“Uray no isuratko dagiti adu a lintegko nga agpaay kadakuada, ibilangda dagitoy nga awan serserbina.

San Mateo 15:6

saanen a masapul a dayawenna ni amana. Iti kasta, laksidenyo ti pannursuro ti Dios tapno surotenyo ti bukodyo a pannursuro.

San Juan 9:41

“No bulsekkayo, awan koma ti pakabasolanyo,” insungbat ni Jesus. “Ngem gapu ta kunayo met a makakitakayo, kayatna a sawen nga adda latta basolyo.”

Taga-Roma 1:22

Kunkunada a mamasiribda, ngem maagda met.