Jeremias 8:6 - Ti Baro a Naimbag a Damag Biblia

⁶ Nupay sipapasnekak a dimngeg kadakayo, saankayo a nagsao iti pudno. Awan ti uray maysa kadakayo a nagladingit gapu iti kinadakesna. Awan ti nagsaludsod no ania ti dakes nga inaramidna. Aramiden ti tunggal maysa ti kaykayatna, kas iti kabalio a sipapardas nga agturong iti paggugubatan.

Ti Biblia (1973)

⁶ Inimutectecac ken dinengngegco, ngem saanda a nagsao a sililinteg: awan ti tao nga agbabawi iti kinadakesna, a cunana, Ania ti inaramidco? tunggal maysa agsubli iti pagnaanna, a cas ti cabayo a sumaracusuc iti gubat.

Jeremias 8:6 Iomraidhean Croise

Ti Libro ni Job 10:2

Saannak koma nga ukomen, O Dios. Ibagam no ania ti pangpabasolam kaniak.

Ti Libro ni Job 34:31

Job, impudnom kadin dagiti basolmo iti Dios? Inkarim kadin kenkuana a saanka nga agbasolen?

Ti Libro ni Job 34:32

Dinawatmo kadi iti Dios nga ipakitana dagiti biddutmo? Immannugotka kadi nga isardengmon ti agaramid iti dakes?

Dagiti Salmo 14:2

Tannawagan ti Apo ti sangkataoan manipud langit, ta kitaenna no adda maysa a masirib, kitaenna no adda agdaydayaw kenkuana.

Isaias 30:18

Nupay kasta, agur-uray ti Apo a mangngaasi kadakayo. Wen, agur-uray a mangparabur kadakayo gapu ta kanayon a maiparbeng ti aramidna. Nagasat ti tao nga agtalek iti Apo.

Isaias 57:17

Nakapungtotak kadakuada gapu iti basol ken agumda, isu a dinusak ken binaybay-ak ida. Ngem nasukirda ket napanda iti kinaykayatda a papanan.

Isaias 59:16

Masdaaw a makakita nga awan ti uray maysa a tumulong kadagiti maparparigat. Ngarud, usarennanto ti bukodna a pannakabalin a mangisalakan kadakuada ket magun-odna ti balligi.

Jeremias 23:25

Nangngegko ti kuna dagitoy a profeta nga agsao iti ulbod iti naganko. Ibagada nga impakaammok kadakuada dagiti mensahek iti tagtagainepda.

Jeremias 3:5

Saan nga agnanayon ti pungtotmo; agpatingga ti ungetmo!’ Daytoy ti kinunam, Israel, ngem nagum-umaka a nagaramid iti dakes.”

Jeremias 5:1

Dakayo a tattao ti Jerusalem, agtaraykayo kadagiti kalsadayo! Agsiimkayo a nalaing! Sukimatenyo dagiti plasa! Kitaenyo no adda masarakanyo a nalinteg ti aramidna ken kinapudno ti sapsapulenna. No adda, pakawanento ti Apo ti iliyo.

Ezekiel 18:28

Mabigbigna ti kinadakesna ket insardengna ti agbasol. Iti kasta, saanto a matay no di ket agtultuloy ti panagbiagna.

Ezekiel 22:30

Nangbirokak iti makabael a mangbangon iti bakud ken mangtarimaan kadagiti narba a paset ti bakud ken mangikaluya iti daga inton dandani agdissuor ti pungtotko. Ngem awan ti nasarakak.

Daniel 9:11

Sinalungasing dagiti amin nga Israelita ti lintegmo ket saanda a nagtulnog iti imbagam. Nagbasolkami kenka ket indissuormo kadakami dagiti lunod a nailanad iti Linteg ni Moises nga adipenmo.

Mikias 7:2

Awanen ti uray maysa a nalinteg a tao a masarakan iti pagilian. Awanen ti napudno iti Dios. Agur-uray ti tunggal maysa iti gundawayna a mangpapatay iti padana a tao. Anupen ti tunggal maysa ti kailianna.

Sofonias 3:7

Impagarupko idi nga agbutengton kaniak dagiti tattaok ket awatenda ti panangdisiplinak kadakuada. Impagarupko a dida malipatan ti dusa nga inyegko a pangisuro kadakuada. Ngem iti saan a mabayag, ad-adda ketdi a dimmakesda.”

Haggeo 1:5

Diyo kadi makita ti mapaspasamak kadakayo?

Haggeo 1:7

Diyo kadi maawatan no apay a mapaspasamak dagitoy?

Malakias 3:16

Kalpasanna, nagsasarita dagiti tattao nga agbuteng ken ni Yahweh. Dimngeg ni Yahweh ket impangagna ida. Iti sangoananna, naisurat iti maysa a libro ti pakalaglagipan kadagiti agbuteng ken agdayaw ken ni Yahweh.

2 Pedro 3:9

Saan nga itantan ti Apo a tungpalen ti inkarina, kas ipagarup ti dadduma. Ngem an-anusannakayo ti Apo gapu ta dina kayat a madadael ti siasinoman, no di ket kayatna nga agbabawi ti amin a tattao kadagiti basbasolda.

Paltiing 9:20

Saan a nagbabawi dagiti tattao a nakalasat kadagitoy a didigra. Dida insardeng ti panagdaydayawda kadagiti demonio ken kadagiti didiosen nga inaramidda—dagiti ladawan a balitok, pirak, bronse, bato ken kayo a di makakita, makangngeg wenno makapagna.