Jeremias 8:4 - Ti Baro a Naimbag a Damag Biblia

⁴ Imbaga ti Apo nga ibagak daytoy kadagiti tattaona, “No adda matuang, saan kadi aya a bumangon? No adda mayaw-awan iti dalan, saan kadi aya nga agsubli?

Ti Biblia (1973)

⁴ Castamet cunaemto cadacuada, Castoy ti cuna ni Jehova; Matuangto aya dagiti lallaki ket saandanto a bumangon manen? Sumiasinto aya iti maysa, ket saanto nga agsubli?

Jeremias 8:4 Iomraidhean Croise

1 Ar-ari 8:38

ipangagmo koma ti kararagda. No adda kadagiti tattaom ti naimpusoan ti panagbabawina ket yunnatna ti imana nga agkararag iti daytoy a Templo,

Dagiti Proverbio 24:16

Uray no mamin-ano a matuang ti nalinteg, bumangon latta. Ngem dadaelen ti didigra ti managdakdakes.

Isaias 44:22

Pinunasko dagiti basbasolmo, kasla ulep a pinukawko. Agsublika ngarud kaniak ta siak ti mangisalakan kenka.”

Isaias 55:7

Masapul nga isardeng dagiti managdakdakes ti wagas ti panagbiagda, ket baliwanda ti panagpampanunotda. Agsublida koma iti Apo a Diostayo, isu a manangngaasi ken madadaan a mamakawan.

Jeremias 23:14

Ngem nakitak a nakarkaro ti aramid dagiti profeta ti Jerusalem: makikamalala ken agulbodda; tulonganda dagiti tattao nga agaramid iti dakes, isut' gapuna nga awan kadakuada ti agsardeng nga agaramid iti saan a rumbeng. Iti imatangko, dakesda a kas kadagiti tattao iti Sodoma ken Gomorra.

Jeremias 3:1

Kuna ti Apo, “No isina ti lalaki ti asawana, ket pumanaw ti babai sa asawaen ti sabali, saan a mabalin a sublian ti lalaki ti asawana. Daytoy nga aramid ti mangtulaw iti daga. Ngem adu idi ti kaayan-ayatmo, Israel, ket ita kayatmo manen ti agsubli kaniak!

Jeremias 3:22

Agsublikayo, dakay amin a nangtallikud iti Apo; paimbagennakayto ket pagbalinennakayto a napudno. Kunayo, “Wen, agsublikami iti Apo, agsipud ta isu ti Diosmi.

Jeremias 36:3

Nalabit nga inton mangngeg dagiti tattao ti Juda dagiti amin a didigra a pinanggepko nga idissuor kadakuada, agbalbaliwda ket ikkatenda dagiti amin a dakes a kababalinda. Iti kasta, pakawanekto ti kinadakes ken basolda.”

Jeremias 4:1

Kuna ti Apo, “Tattao ti Israel, no kayatyo ti agbabawi, agsublikayo kaniak. No napudnokayo kaniak, ket ibellengyo dagiti didiosen a kagurgurak,

Ezekiel 18:23

Maragsakanak aya iti ipapatay ti managdakdakes?” kuna ti Apo a Dios. “Saan! kaykayatko ketdi nga agbabawi iti dakes nga aramidna tapno agbiag.

Oseas 14:1

Tattao ti Israel, agsublikayo iti Apo a Diosyo. Naitibkol ken natnagkayo gapu iti basolyo.

Oseas 6:1

Kuna dagiti tattao, “Agsublitayo iti Apo. Rinangrangkaynatayo, wen, ngem agasannatayto; sinugatnatayo ngem bedbedannanto dagiti sugattayo.

Oseas 7:10

Natangsit ti Israel. Saksinto daytoy a maibusor kenkuana. Uray no napasamak amin dagitoy, saanda a nagsubli kaniak, siak, ni Yahweh a Diosda.

Amos 5:2

Natnagen ti birhen nga Israel, ket saanen a bumangon. Pulos a saan a bumangonen! Napasag iti bukodna a daga ket awan ti mangpatakder kenkuana a tumakder.

Mikias 7:8

Dakayo a kabusor, dikay agragsak iti dakes a napasamak kadakami. Natuangkami ngem bumangonkami manen. Addakam ita iti kasipngetan ngem ikkanakami ti Apo iti silaw.