Jeremias 8:3 - Ti Baro a Naimbag a Damag Biblia

³ Dagiti tattao iti daytoy dakes a kaputotan a nakalasat nga agnaed kadagiti disso a nangibellengak kadakuada, kaykayatdanto ti matay ngem ti agbiag. Daytoy ti saok, siak ni Yahweh a Mannakabalin-amin.”

Ti Biblia (1973)

³ Ket ti patay mapilinto a nangnangrona ngem ti biag cadagiti amin a tidda a mabati iti daytoy dakes a capuonan, a mabati cadagiti amin a disso a namagtalawac cadacuada, cuna ni Jehova dagiti buybuyot.

Jeremias 8:3 Iomraidhean Croise

1 Ar-ari 19:4

Nagmalmalem a nagna ni Elias a nagturong iti let-ang. Nagsardeng ket nagtugaw iti sirok ti maysa a kayo. Tinarigagayanna ti matay ket inkararagna, “Saanakon a makaibtur, O Apo. Alaemon ti biagko; nasaysayaat laengen a matayak!”

Jeremias 23:3

Ayabakto dagiti natda a tattaok kadagiti daga a nangiwaraak kadakuada ket isublikto ida iti dagada. Adunto dagiti annakda, ket umadudanto.

Jeremias 23:8

Pagsapatadanto ketdi ti naganko a sibibiag a Dios a nangiruar kadagiti Israelita manipud kadagiti pagilian iti amianan, ken manipud kadagiti amin a lugar a nangiwarawaraak kadakuada. Agnaeddanto iti bukodda a daga.”

Jeremias 29:14

Wen, kunak a masapulandak ket isublikayto iti dagayo. Ummongenkayto manipud kadagiti nadumaduma a daga ken kadagiti amin a lugar a nangiwaraak kadakayo ket isublikayto iti daga a naggapuanyo. Siak, ni Yahweh, ti agsasao.’

Jeremias 29:28

Masapul a mababalaw ni Jeremias agsipud ta imbagana kadagiti tattao idiay Babilonia a maibaludda sadiay iti mabayag. Isut' gapuna nga agbalayda koma, agsimpada ken kanenda ti apitda.”

Jeremias 40:12

Iti kasta, pinanawanda met dagiti luglugar a nakaiwarawaraanda ket nagsublida idiay Juda. Napanda ken ni Gedalias idiay Mizpa ket nagidulinda iti adu nga arak ken bungbunga.

Jeremias 44:2

Kinuna ti Apo a Mannakabalin-amin a Dios ti Israel, “Nakitayo a mismo ti panangdadaelko iti Jerusalem ken kadagiti amin a siudad ti Juda. Langalangda pay laeng agpapan ita ket awan agnaed kadakuada.

Jeremias 44:6

Iti kasta, indissuorko ti unget ken pungtotko kadagiti il-ili ti Juda ken kadagiti lanlansangan ti Jerusalem ket pinuorak ida. Nagbalinda a rebrebba ket nakabutbuteng ti buyada agpapan kadagitoy nga aldaw.

Jeremias 6:9

Kinuna kaniak ti Apo a Mannakabalin-amin, “Awanto ti matda iti Israel. Maikisapto a kas iti kaubasan a naburas amin a bungana. Ngarud, ispalem ti tunggal maysa ita ta adda pay tiempo.”

Daniel 9:7

Sika, O Apo, kanayon a nalinteg ti aramidmo, ngem dakami, kanayon a nakababain ti aramidmi. Wen, dakami amin a tattao ti Juda ken Jerusalem, kasta met dagiti amin nga Israelita nga inwarawaram kadagiti nadumaduma a pagilian gapu ta saanda a napudno kenka.

Levitico 26:33

Yegkonto ti gubat kadakayo ket iwarawarakayto kadagiti nadumaduma a pagilian. Awanton ti matagtagitao iti dagayo ket aglangalangto dagiti siudadyo.

Amos 3:1

Tattao ti Israel, denggenyo daytoy sao ti Apo maipapan kadakayo, ti entero a nasion nga inruarna idiay Egipto:

Jonas 4:3

Ita, O Apo, alaem ti biagko, naim-imbag laengen a matayak ngem ti sibibiagak.”

Mikias 2:3

Isut' gapuna a kuna ti Apo, “Adda didigra nga isagsaganak nga idissuor kadakayo ket awanto ti makalasat. Dikayton magna a sipapalangguad inton dumteng ti aldaw a panagsagabayo.

Deuteronomio 30:1

Intuloy ni Moises, “Inikkankayo iti pagpilian: bendision wenno lunod. Inton mapasamak amin dagitoy kadakayo ket agnaedkayon kadagiti nasion a nangiwarawaraan kadakayo ti Apo a Diosyo, malagipyonto dagiti imbagak.

Deuteronomio 30:4

Nupay naiwaraskayo kadagiti kaadaywan a paset ti daga, ummongennakayto ti Apo ket parang-ayennakayto manen.

Paltiing 6:16

Kinunada kadagiti bato ken kadagiti bambantay: “Gaburandakami tapno saanmi a makita ti rupa ti nakatugaw iti trono ken marikna ti pungtot ti Kordero.

Paltiing 9:6

Kabayatan dagita nga aldaw, sapulento dagiti tattao ti patay ngem didanto masarakan. Kayatdanto ti matay ngem itarayanto ida ni patay.