Jeremias 8:2 - Ti Baro a Naimbag a Damag Biblia

² Maiwaranto dagiti tultulang iti imatang ti init, ti bulan ken dagiti bituen nga inay-ayat ken nagserserbianda. Isuda ti nakiumanan ken nagdaydayawanda. Imbes a maummong ken maikali dagiti tulang, kasladanto takki a maiwarwara.

Ti Biblia (1973)

² Ket ibilagdanto ida iti init, ken iti bulan, ken amin ti buyot ti langit, isuda nga inayatda, ken nagservianda, ken dagidiay sinurotda, ken sinapulda, ken nagrucbabanda; saandanto a maururnong, wenno maicali, agbalindanto a rugit iti rabaw ti daga.

Jeremias 8:2 Iomraidhean Croise

2 Ar-ari 17:16

Sinalungasingda ti amin a linteg ni Yahweh a Diosda. Nangsukogda iti dua a sinan-baka a nagdaydayawanda; nangaramidda pay iti imahen ni diosa nga Asera. Nagdaydayawda kadagiti bituen ken nagserbida ken ni didiosen a Baal.

2 Ar-ari 21:3

Binangon manen ni Manases dagiti pagdaydayawan dagiti pagano a dinadael idi ni Hezekias nga amana. Nagaramid kadagiti altar nga agpaay iti pagdaydayawan ken ni didiosen a Baal ket nangaramid iti imahen ni Asera a diosa a kas iti inaramid idi ni Ahab nga ari ti Israel. Nagdaydayaw met ni Manases kadagiti bituen.

2 Ar-ari 21:5

Nagpaaramid kadagiti altar a pagdaydayawan kadagiti bituen a nabangon kadagiti dua a paraangan ti Templo.

2 Ar-ari 23:5

Inikkat ni Josias iti akem dagiti papadi nga inordenan dagiti ari ti Juda a mangidatag kadagiti sakrifisio kadagiti altar dagiti pagano kadagiti siudad ti Juda ken kadagiti lugar iti asideg ti Jerusalem—amin a papadi a nagidatag kadagiti sakrifisio ken ni Baal, iti init, iti bulan, kadagiti planeta ken kadagiti bituen.

Dagiti Salmo 53:5

Ngem napalalo ti panagbutengda; saan pay a napasamak ti kastoy kadakuada! Ngamin, iwarawaranto ti Dios dagiti tultulang ti kabusor ti ilina. Nailaksidda isut' gapuna a parmeken ti Israel ida.

Dagiti Salmo 83:10

Pinarmekmo ida idiay Endor, ket nagrupsa ti bangkayda iti daga.

Dagiti Salmo 83:11

Aramidem kadagiti panguloda ti kas iti inaramidmo kada Oreb ken Zeeb; parmekem dagiti amin nga agtuturayda kas iti panangparmekmo kada Zeba ken Salmunna

Eclesiastes 6:3

Uray no maaddaan ti tao iti sangagasut nga annak ken napaut ti panagbiagna, ngem awan met ti ragsakna, ken saan a nasayaat ti pannakaipumponna, kunak a naim-imbag ti kasasaad ti maysa a maladaga a natay a nayanak.

Jeremias 14:16

Kastoyto met ti pannakapapatay dagiti tattao a nangibagaanda kadagitoy. Maiwalangto dagiti bangkayda kadagiti lansangan ti Jerusalem, ket awanto ti mangitanem kadakuada. Mapasamakto amin dagitoy kadakuada, kadagiti assawada, kadagiti annakda a lallaki ken babbai. Pagbayadekto ida gapu iti kinadakesda.”

Jeremias 16:11

Ibagamto kadakuada a kastoy ti kunak, ‘Linaksiddak dagiti kapuonanyo ket nagserbi ken nagdaydayawda kadagiti sabali a dios. Saanda a tinungpal dagiti pannursurok.

Jeremias 16:4

Mataydanto kadagiti nakabutbuteng a sakit, ket awanto ti mangdung-aw wenno mangitanem kadakuada. Maiwalangto dagiti bangkayda a kasla nabunton a rugit iti daga. Mataydanto iti paggugubatan, wenno iti bisin ket kanento dagiti tumatayab ken atap nga animal dagiti bangkayda.

Jeremias 16:6

Matayto dagiti nabaknang ken dagiti napanglaw iti daytoy a daga, ngem awanto ti mangitanem wenno mangdung-aw kadakuada. Awanto ti mangsugat iti bagina wenno mangpukis iti buokna a mangipakita iti ladingitna.

Jeremias 19:13

Agbalinto a narugit dagiti balay iti Jerusalem ken dagiti balay dagiti ari ti Juda. Kinapudnona, agbalinto a narugit a kas iti Tofet dagiti amin a balay a kadagiti atepna, nagpuor dagiti tattao iti insenso para kadagiti bituen ken nagibuyat iti arak a daton kadagiti didiosen.”

Jeremias 22:19

Maitanemto a kasla natay nga asno, ulodendanto a yadayo sadanto ipurruak iti ruar dagiti ruangan ti Jerusalem.”

Jeremias 25:33

Iti dayta nga aldaw, maiwarawaranto dagiti pinatay ni Yahweh manipud maysa a pungto ti daga agingga iti sabali a pungto. Awanto ti mangdung-aw kadakuada. Saanto a maitanem dagiti bangkayda. Kasladanto takki a mabuntubunton iti daga.

Jeremias 31:40

Nasantoanto kaniak ti entero a tanap a pakaitaneman dagiti natay ken pagibellengan iti basura. Nasantoanto met ti amin a talon iti surongen ti waig a Kidron agingga iti lugar a managan iti Ruangan ti Kabalio iti daya. Saanton a marakrak wenno madadael daytoy a siudad.”

Jeremias 36:30

Siak, ni Yahweh, kunak kenka, Ari Jehoyakim, nga awanto kadagiti kaputotam ti agari. Maipurruakto ti bangkaymo iti lugar a mainitan iti aldaw ken malinnaawan iti rabii.

Jeremias 9:20

Kinunak, “Dakayo a babbai, denggenyo ti kinuna ti Apo, ket ipangagyo dagiti saona. Isuroyo nga agdung-aw dagiti annakyo a babbai isuroyo dagiti gagayyemyo nga agkanta iti kansion ti pumpon.

Jeremias 9:21

Simrek ni patay kadagiti tawtawatayo, ket immuneg kadagiti palasiotayo. Pinatayna dagiti ubbing kadagiti kalsada ken dagiti agtutubo kadagiti tiendaan.

Jeremias 9:22

Agkaiwara dagiti bangkay, kasda la nabunton a rugit iti taltalon, kasda la nagapas a pagay a nabati dagiti agani, pagay nga awan ti mangurnong. Daytoy ti imbaga ti Apo a sawek.”

Ezekiel 29:5

Ipurruakkayto iti let-ang, sika ken dagiti amin a lames. Agdissokanto iti daga, ket saankanto a maikali. Bay-akto ti bangkaymo a kanen dagiti tumatayab ken dagiti animal.

Ezekiel 39:5

Mapasagdanto iti tay-ak. Siak nga Apo a Dios ti nangibaga iti daytoy.

Ezekiel 6:5

Iwalangkonto ti bangkay dagiti Israelita; iwarawarakto dagiti tulangda iti lawlaw dagiti altar.

Ezekiel 8:16

Iti kasta, inserreknak iti akin-uneg a paraangan ti Templo. Adda agarup 25 a lallaki iti pagserkan ti santuario, iti nagbaetan ti altar ken ti pagnaan. Nakatallikudda iti santuario, ket agtamtamedda iti daya nga agdaydayaw iti lumlumgak nga init.

Sofonias 1:17

Kuna ti Apo, “Yegkonto dagiti kakasta a didigra iti sangkataoan ket urayto la kasla bulsek nga agkarkarawa a magna ti tunggal maysa. Nagbasolda kaniak ket kasla danum a maibuyatto ti darada; agkaiwaranto iti daga dagiti agruprupsa a bangkayda.”

Sofonias 1:5

Dadaelekto ti siasinoman a mapan iti tuktok ti balay nga agdaydayaw iti init, iti bulan ken kadagiti bituen. Dadaelekto pay dagiti agdaydayaw kaniak ken mangisapata iti kinapudnoda kaniak ngem pagsapatada met ti nagan ni didiosen a Milcom.

Dagiti Aramid 7:42

“Iti kasta, binaybay-an ida ti Dios. Inyawatna ida nga agdaydayaw kadagiti bituen ti langit, kas naisurat iti libro dagiti profeta: ‘Tattao ti Israel! Saan a siak ti nangipaayanyo kadagiti naparti nga animal ken daton, bayat ti uppat a pulo a tawen a kaaddayo iti let-ang.

Deuteronomio 17:3

babaen iti panagdaydayaw ken panagserbina kadagiti sabali a didiosen wenno iti init, bulan wenno kadagiti bituen, banag a maikaniwas iti bilin ti Apo,

Deuteronomio 4:19

Dikay masulisog nga agrukbab ken agserbi iti makitayo iti tangatang—ti init, ti bulan ken dagiti bituen. Intuding ti Apo a Diosyo a pagdaydayawan dagitoy dagiti sabali a tattao.