Jeremias 8:16 - Ti Baro a Naimbag a Damag Biblia

¹⁶ Addan dagiti kabusortayo iti siudad ti Dan. Mangngegtayo ti banang-es dagiti kabalioda. No aggaraigi dagiti kabalioda, agkintayeg ti entero a daga. Immay dagiti kabusortayo tapno dadaelenda ti dagatayo ken ti amin a linaonna, ti siudadtayo ken dagiti tattaona.”

Ti Biblia (1973)

¹⁶ Ti banang-es dagiti cabayona nangngeg nanipud iti Dan: gapu iti uni ti garaigi dagiti nabilegna ti amin a daga agkintayeg; ta immayda, ket linamutda ti daga ken amin nga adda kencuana; ti ili ken dagiti agnaed idiay.

Jeremias 8:16 Iomraidhean Croise

Ti Libro ni Job 39:20

Palagtoem kadi ida a kas kadagiti dudon? Agbuteng dagiti tattao iti panagbang-esda.

Dagiti Salmo 24:1

Kukua ti Apo ti lubong ken amin a linaonna; kukuana ti daga ken ti amin nga agnaed kenkuana.

Jeremias 10:25

Idissuormo ti pungtotmo kadagiti nasion a di agdaydayaw kenka, kadagiti tattao a manglaksid kenka. Pinatayda dagiti tattaom, namimpinsan a dinadaeldakami ket binaybay-anda a rebrebba ti pagilianmi.

Jeremias 3:24

Ngem gapu iti panagdaydayaw ken ni Baal a didiosen ti pannakaibabain, napukawmi dagiti pangen, arban ken annakmi—amin a nagbannogan dagidi kapuonanmi manipud idi punganay.

Jeremias 30:16

Ngem ita, maalun-onto met dagiti mangalun-on kadakayo, ket maipanawto a kas balud dagiti amin a kabusoryo. Maparigatto met dagiti amin a mangparigat kadakayo, ket masamsamanto met dagiti mangsamsam iti kinabaknangyo.

Jeremias 30:5

“Nangngegmi ti nakabutbuteng nga ikkis, ikkis a nakaal-alliaw, saan nga ikkis ti talna.

Jeremias 4:24

Kinitak dagiti bantay—agkinkintayegda. Ket kinitak dagiti turod—agin-indayonda.

Jeremias 4:7

Kas iti leon a rummuar iti rukibna, umayen ti agdaddadael kadagiti nasion. Umayna dadaelen ti Juda. Madadaelto dagiti siudadna. Ket mabaybay-andanton a rebrebba nga awan ti agyan kadakuada.

Jeremias 47:3

Mangngegdanto ti dalagudog dagiti kabalio, ti karadakad dagiti luglugan a pakigubat dagiti ranitrit dagiti pilpilid. Saanto a sublien dagiti amma dagiti annakda, gapu ta agsalupaypay dagiti imada.

Jeremias 5:17

Kanendanto dagiti apit ken taraonyo. Patayendanto dagiti amin nga annakyo. Alaendanto amin nga arban ken pangenyo. Ibusendanto dagiti ubas ken igosyo. Rebbaento ti armadada dagiti siudad a nasarikedkedan a pagtaltalgedanyo.

Jeremias 50:42

Nagtagipana ken nagtagikampilanda, naranggas ken awan asida. Kasla daranudor ti taaw ti dalagudog dagiti kabalio a nagsakayanda. Sisasaganada a manggubat iti Babilonia.

Jeremias 51:29

Agpigerger ken agkintayeg ti daga ta ipatungpalen ni Yahweh ti planona. Paglangalangennanto ti Babilonia ket awanto ti agnaed sadiay.

Jeremias 6:23

Nagtagipana ken nagtagikampilanda; naranggas ken awan asida. Kasla daranudor ti taaw ti dalagudog dagiti kabalio a nagsakayanda. Sisasaganada a manggubat iti Jerusalem.”

Nahum 3:2

Denggenyo ti kanabsiit ti saplit, ti karadakad dagiti pilid, ti dalagudog dagiti kabalio, ti darison dagiti lugan a pakigubat.

Habakuk 3:10

Nakitadaka dagiti bantay ket nadayyegda; nagtinnag ti napigsa a tudo. Nagdaranudor dagiti danum iti uneg ti daga, ket dimmakkel dagiti dalluyonda.

1 Taga-Corinto 10:26

Kas kuna ti Nasantoan a Surat: “Ti Apo ti akinkukua iti daga ken amin a linaonna.”

1 Taga-Corinto 10:28

Ngem no adda agkuna kenka, “Naidaton daytoy a taraon kadagiti didiosen,” saanmo a kanen gapu iti nangibaga kenka ken gapu ta maburibor ti konsensiam—

Uk-ukom 18:29

Binaliwanda ti nagan ti siudad ket pinanagananda iti Dan a nagan ti kapuonanda ken maysa kadagiti annak ni Israel.

Uk-ukom 20:1

Impangag ti amin nga Israelita ti ayab a makigubat ket naguummongda iti imatang ni Yahweh idiay Mizpa. Naggapuda idiay Dan iti amianan agingga iti Beerseba iti abagatan ken idiay Galaad iti daya.

Uk-ukom 5:22

Ket dagiti kabalio nagtatarayda, dumalagudog dagiti sakada iti daga.