Jeremias 8:12 - Ti Baro a Naimbag a Damag Biblia

¹² Dakayo a tattaok, nagbainkayo kadi agsipud ta inaramidyo dagitoy makarimon a banag? Saan! Awan a pulos ti bainyo. Diyo pay ammo ti rikna ti mabainan. Iti kasta, matnagkayto a kas kadagiti dadduma. Inton dusaenkayo, isunton ti kanibusananyo. Siak, ni Yahweh, ti nangibaga iti daytoy.

Ti Biblia (1973)

¹² Nagbainda aya idi nagaramidda ti macarimon? Saan, saanda a nagbain a pulos, ket dida met napalabbasit: gapuna mapasagdanto iti nagtengngaan dagidiay mapasag: intono sarungcarac ida maipalladawdanto, cuna ni Jehova.

Jeremias 8:12 Iomraidhean Croise

Genesis 19:34

Iti sumuno nga aldaw, kinuna ti inauna iti kabsatna, “Nakikaiddaak ken ni tatang idi rabii. Bartekenta manen ita a rabii, ket sika ti makikaidda tapno agpadata a maaddaan iti anak kenkuana.”

Dagiti Salmo 52:1

Apay a pagpasindayagmo, tao a maingel, ti kinaulpitmo kadagiti nalinteg a tattao? Saan nga agbalbaliw ti ayat ti Dios.

Dagiti Salmo 52:7

“Kitaenyo ti tao a di nagkamang iti Dios, nagtalek iti adu a sanikuana, nagtalged iti kinabaknangna!”

Isaias 24:2

Agpapadanto ti pagtungpalan ti tunggal maysa—dagiti papadi ken dagiti tattao, dagiti tagabu ken dagiti appoda, dagiti aggatgatang ken dagiti agtagtagilako, dagiti agpapautang ken dagiti umut-utang.

Isaias 3:9

Ti panangidumdumada ti pakaukomanda. Iparangda ti panagbasolda a kas kadagiti taga-Sodoma. Nasentensiaanda a madadael ket isuda met la ti nangyeg iti pakadusaanda.

Jeremias 10:15

Awan serserbida ket rumbeng a malaisda; madadaeldanto inton ukomen ni Yahweh ida.

Jeremias 14:15

Siak, ni Yahweh, ibagak kenka ti aramidekto kadagitoy a profeta a saanko nga imbaon ngem agsaoda iti naganko ket kunada nga awan ti gubat ken bisin a dumteng iti daytoy a daga. Papatayekto ida iti gubat ken bisin.

Jeremias 23:12

Nagalis ken nasipngetto ti dalanda; itublakkonto ida ket matuangda. Idissuorkonto ti didigra kadakuada; umadanin ti tiempo a pannakadusada. Siak, ni Yahweh, ti agsasao.

Jeremias 3:3

Daytoy ti gapuna a di nagtudo ken di met nagarbis. Balangkantiska a babai; awan a pulos ti babainmo.

Jeremias 44:10

Ngem agpapan ita, dikay pay la agpakumbaba. Dikay latta agbuteng kaniak. Diyo tinungpal dagiti bilin ken linteg nga intedko kadakayo ken kadagidi kapuonanyo.

Jeremias 6:15

Nagbainda kadi idi inaramidda dagitoy makarimon a bambanag? Saan! Pulos a dida nagbain; dida pay ammo ti rikna ti mabainan. Iti kasta, mapasagdanto a kas kadagiti dadduma inton dusaek ida ket daytanton ti paggibusanda. Siak, ni Yahweh ti agsasao.”

Jeremias 6:21

Iti kasta, mangikabilakto iti pakaitibkolan dagitoy a tattao, ket maitublakdanto. Matayto dagiti amma ken dagiti annakda, kasta met dagiti aggagayyem ken agkakaarruba.”

Ezekiel 23:18

Impakitana ti bagina a lamolamo ket binay-anna a maammoan ti amin ti kinabalangkantisna. Naumaak kenkuana a kas iti pannakaumak ken ni manangna.

Oseas 5:9

Dumtengen ti aldaw ti pannakadusa ket mamimpinsanto a madadael ti Israel. Tattao ti Israel, awan dudua a mapasamak daytoy!

Sofonias 3:5

Ngem adda pay laeng ni Yahweh iti siudad. Aramidenna ti naimbag ket pulos a di agaramid iti dakes. Binigat nga awan duadua a yegna ti hustisia kadagiti tattaona. Ngem awan babain dagiti managdakdakes sadiay. Kankanayon nga agaramidda iti dakes.

Deuteronomio 32:35

Balsen ken dusaento ida ti Apo, asidegen ti aldaw nga agdissuor kadakuada ti didigra. Saanen a mabayag ti panagkanibusananda.

Taga-Filipos 3:19

Agtungpaldanto idiay infierno. Ibilangda ngamin a diosda dagiti paggarteman ti bagida. Pagpalangguadda dagiti rebbengda koma ketdi nga ibain, ket dagiti laeng nailubongan a bambanag ti pampanunotenda.