Jeremias 8:11 - Ti Baro a Naimbag a Damag Biblia

¹¹ Awan aniamanna kadakuada ti sugat dagiti tattaok. Kunada nga awan pagdanagan, idinto nga awan met talna.

Ti Biblia (1973)

¹¹ Ket inagasanda a parparawpaw ti dunor ti anac a babai ti ilic, a cunada, Talna, talna, idinto nga awan ti talna.

Jeremias 8:11 Iomraidhean Croise

1 Ar-ari 22:13

Kabayatanna, kinuna ti naibaon a mangala ken ni Micaias, “Sangsangkamaysa dagiti profeta nga agkuna nga agballigi ti ari. Masapul a kasta met ti sawem.”

1 Ar-ari 22:6

Inayaban ni Ahab dagiti profeta—agarup uppat a gasutda—ket sinaludsod ti ari, “Rumbeng ngata a rautek ti Ramot?” “Rautem, pagballigiennaka ti Apo,” insungbatda.

Jeremias 14:13

Kalpasanna, kinunak, “O Apo Dios, ammom nga ibagbaga dagiti profeta kadagiti tattao nga awanto ti gubat wenno bisin agsipud ta inkarim. Kunada nga addanto latta talna iti dagami.”

Jeremias 23:17

Ibagbagada kadagiti tattao, dagiti tattao a saan a dumngeg iti saok, nga awanto ti pakaan-anoanda. Ibagada kadagiti nasukir nga awanto ti didigra a dumteng kadakuada.”

Jeremias 6:14

Agtignayda a kasla ketdin garadgad laeng dagiti sugat dagiti tattaok. Kunada nga awan pagdanagan idinto nga awan met talna.

Jeremias 8:15

Naguraytayo iti talna, ngem napaaytayo. Naguraytayo iti tiempo a pannakaagastayo, ngem panagbuteng ketdi ti dimteng.

Dungdung-aw 2:14

Pasig nga ulbod ti imbagbaga dagiti profetam; naallilawka kadagiti inkaskasabada; pulos a dida imbutaktak ti basolmo. Inyaw-awandaka ket impagarupmo a saanen a nasken nga agbabawika.

Ezekiel 13:22

“Babaen kadagiti ulbod a sasawenyo, upayenyo dagiti nalinteg a tattao a diak kayat a pagladingiten. Lapdanyo dagiti managdakdakes a mangtallikud iti kinadakesda tapno maisalakanda.

Mikias 2:11

“Kaykayat dagitoy a tattao ti profeta a mangiwarwaras iti ulbod ken mangal-allilaw ket kunana, ‘Ipadtok nga agayus kadakayo ti arak ken naingel nga inumen.’

1 Taga-Tesalonica 5:3

Inton kuna dagiti tattao, “Nagtalna ken nagtalged ketdin,” isunto metten a kellaat nga agdissuor kadakuada ti pannakadadael. Kellaatto nga umay a kas iti rigat ti maysa a babai nga agpaspasikal. Ket awanto ti makalisi.