Jeremias 8:10 - Ti Baro a Naimbag a Damag Biblia

¹⁰ Iti kasta, itedkonto dagiti assawada kadagiti sabali a lallaki. Itedkonto met dagiti taltalonda kadagiti barbaro nga agtagikua. Isuda amin, nangato man wenno nanumo, naagumda. Agsaur met dagiti papadi ken profeta.

Ti Biblia (1973)

¹⁰ Gapuna itedconto dagiti assawada a babbai cadagiti sabsabali; ken dagiti taltalonda cadagidiay agtagicuanto cadacuada: ta tunggal maysa manipud iti cabassitan agingga met laeng iti cadackelan nagbalin a managagum; manipud iti mammadto agingga met laeng iti padi tunggal maysa agaramid a siuulbod.

Jeremias 8:10 Iomraidhean Croise

Ti Libro ni Job 31:10

isagana koma ti asawak ti kanen ti sabali a tao, ket makikaidda iti sabali a lalaki.

Isaias 28:7

Kasta unay met ti bartek dagiti profeta ken dagiti papadi ket urayda la maibasbasing. Gapu iti adu nga arak a nainumda, urayda la maitiktikleb a dida ammo ti ar-aramidenda. Kasta unay ti bartek dagiti profeta, isu a dida maawatan dagiti parmata nga ipakita ti Dios. Nabartek met dagiti papadi ket dida maibanag dagiti kaso a maidatag kadakuada.

Isaias 57:17

Nakapungtotak kadakuada gapu iti basol ken agumda, isu a dinusak ken binaybay-ak ida. Ngem nasukirda ket napanda iti kinaykayatda a papanan.

Jeremias 14:14

Ngem insungbat ti Apo, “Agul-ulbod dagiti profeta iti naganko. Saanko nga imbaon ida. Awan ti imbilinko kadakuada ket pulos a diak kinasao ida. Saan a naggapu kaniak dagiti sirmata nga ibagbagada. Awan serserbi dagiti padto nga ibagbagada; ar-arapaapda laeng dagita.

Jeremias 14:18

No mapanak iti taltalon, makitak dagiti bangkay dagiti natay iti gubat. No mapanak kadagiti ili, makitak dagiti tattao a matmatay iti bisin. Itultuloy dagiti profeta ken papadi ti trabahoda ngem saanda nga ammo ti ar-aramidenda.”

Jeremias 17:11

Ti tao a sinusuitik ti panagsapulna iti kuarta arigna iti tumatayab a mangukop iti itlog a dina kukua. Mapukaw ti kinabaknangna bayat ti kinaagtutubona, ket agbalin a maag iti kamaudiananna.

Jeremias 22:17

Ngem pagimbagam la ti pampanunotem; patayem dagiti awan basolna, ket parigatem dagiti tattaom. Daytoy ti sao ti Apo.

Jeremias 32:32

gapu kadagiti amin a dakes nga inaramid dagiti Israelita, dagiti tattao ti Juda, agraman ar-ari ken papanguloda, papadi ken profetada.

Jeremias 38:22

Kitaem! Mairuar dagiti amin a babbai a nabati iti palasio ti Juda ket maipanda kadagiti ofisiales ti ari ti Babilonia. Denggem ti kunkunada bayat ti pannakaipanda, ‘Ti ari inyaw-awan dagiti nasinged a gagayyemna, ket saanda a binigbig ti turayna. Itan ta nailumlom dagiti sakana iti pitak, binaybay-anen dagiti gagayyemna.’”

Jeremias 42:1

Kalpasanna, immay kaniak dagiti amin a pangulo dagiti armada agraman ni Johanan nga anak ni Karea, ni Azarias nga anak ni Hosaias ken nadumaduma a tattao, natan-ok ken nanumo.

Jeremias 5:31

Pasig nga ulbod ti sasawen dagiti profeta. Isuro dagiti papadi ti kaykayatda ket magustoan met ti kasta dagiti tattaok. Ngem anianto ti aramidenda inton agpatingga amin dagitoy?”

Dungdung-aw 4:13

Ngem kasta ti napasamak! Nagbasol dagiti papadi ken profetana ket inyegda ti ipapatay dagiti awan basolna.

Ezekiel 33:31

Isut' gapuna nga agdudupudop dagiti tattaok nga umay dumngeg kenka, ngem dida tungpalen ti ibagam nga aramidenda. Napno iti ayat dagiti balbalikasda ngem dagiti inaagum nga aramidda.

Amos 5:11

Gapu ta idadanesyo dagiti napanglaw ket takawenyo ti trigoda, dikayto makapagnaed kadagiti napintas a balay a bato nga inaramidyo wenno makainum iti arak a naggapu iti napintas a kaubasan nga imulayo.

Mikias 2:4

Inton dumteng dayta a tiempo, aramatento dagiti tattao ti napasamak kadakayo a kas pangngarig ti didigra. Ikantadanto daytoy nasaem a kanta: “Nadadaelkami a namimpinsan. Innala ni Yahweh ti dagami, ket intedna kadagiti nangitalaw kadakami a kas balud!”

Mikias 3:11

Agawat dagiti agtuturay iti siudad iti pasuksok. Agpatangdan dagiti papadi no ilawlawagda ti linteg. Agdawat dagiti profeta iti kuarta no agipadtoda. Ibagada nga adda kadakuada ti Apo. Kunada, “Di met aya adda kadatayo ti Apo? Awan ti dumteng a didigra kadatayo.”

Mikias 3:5

Al-allilawen dagiti profeta dagiti tattaok. Ikarida nga adda talna no la ket mabayadanda. Ngem no saanda a maikkan iti kuarta, butbutngenda dagiti tattao ket ibagada nga adda dumteng a gubat. Kastoy ti kuna ti Apo kadagitoy a profeta,

Habakuk 1:6

Pagturayek dagiti taga-Babilonia, dagiti tattao a naranggas ken darasudos. Agdakiwasda iti entero a daga tapno parmekenda dagiti sabali a pagilian.

Sofonias 1:13

Masamsamto ti kinabaknangda. Madadaelto dagiti balbalayda. Didanto agnaed kadagiti balay a patpatakderenda wenno uminum iti arak ti ubas nga imulmulada.”

Tito 1:11

Pasardengem ida agsipud ta riribukenda dagiti adu a familia babaen iti panangisuroda kadagiti saan a maiparbeng tapno makakuartada laeng.

Tito 1:7

Agsipud ta isu ti katalek ti Dios a mangimaton iti iglesia, masapul nga awan ti pakapilawanna. Saan a natangsit wenno nalaka nga agpungtot. Saan a mammartek wenno naranggas wenno naagum.