Jeremias 7:9 - Ti Baro a Naimbag a Damag Biblia

⁹ Agtakawkayo, pumataykayo, makikamalalakayo, sapataanyo ti ulbod, agidatagkay iti daton ken ni didiosen a Baal ken agdaydayawkayo kadagiti didiosen a diyo am-ammo.

Ti Biblia (1973)

⁹ Agtacawcayto aya, agpapatay, ken makicamalala, ken agsapata a siuulbod, ken agpuur iti incienso a maipaay ken Baal, ken sumurot cadagiti sabali a diosen a saanyo a naam-ammo,

Jeremias 7:9 Iomraidhean Croise

1 Ar-ari 18:21

Immasideg ni Elias kadagiti tattao ket kinunana, “Kaano nga ikkatenyo ti panagduaduayo? No ti Apo ti Dios, agdaydayawkayo kenkuana; ngem no ni Baal isu ti Dios, agdaydayawkayo kenkuana!” Ngem pulos nga awan ti nasao dagiti tattao.

Exodo 20:3

“Dika agdaydayaw iti sabali a dios no di laeng siak.

Isaias 1:13

Diak kayaten dagiti awan serserbina a datonyo. Naumaakon iti angot ti insenso nga idatdatonyo. Diak maanusan dagiti panangrambakyo iti Fiesta ti Lutuad, ti Aldaw a Panaginana, ken panaggigimongyo. Namulitanda amin gapu kadagiti basbasolyo.

Isaias 58:2

Inaldaw nga agdaydayawda kaniak. Kunada nga aggagarda a makaammo kadagiti dalanko ken mangtungpal kadagiti lintegko. Kunada nga ikkak ida kadagiti linteg nga awan idumdumana ken pagaayatda ti agdaydayaw kaniak.”

Jeremias 1:16

Kastoyto ti panangdusak kadagiti nagbasol a tattao agsipud ta linaksiddak ket nagpuorda iti insenso kadagiti didiosen ken nagdaydayawda kadagiti imahen nga inaramidda.

Jeremias 11:13

Adu ti didiosenda a kas iti kaadu dagiti siudadda. Adu met dagiti altar a binangon dagiti agnanaed idiay Jerusalem a kas iti kaadu dagiti kalkalsada a pagidataganda kadagiti datonda iti dayta makarimon a didiosen a Baal.

Jeremias 11:17

“Siak, ni Yahweh a Mannakabalin-amin, ti nangimula iti Israel ken Juda. Ngem ita, ikeddengko a madidigrada gapu iti dakes nga inaramidda. Pinagpungtotdak gapu kadagiti panagidatagda ken ni Baal kadagiti daton a mapuoran.”

Jeremias 13:10

Saan nga impangag dagitoy dakes a tattao ti saok. Nasukir ken dakesda latta. Nagdaydayaw ken nagserbida kadagiti sabali a didiosen. Maipadadanto ngarud iti daytoy linen a sapin nga awanen ti serserbina.

Jeremias 18:15

Ngem nalipatandak dagiti tattaok; agpuorda iti insenso kadagiti didiosen. Maitublakda iti dalan a rumbeng a pagnaanda; saanda a suroten ti nagkauna a dalan. Magnada kadagiti killo a dana ket awan turongenda.

Jeremias 19:4

Aramidek ti kasta, ta tinallikudandak dagiti tattao. Tinulawanda daytoy a lugar babaen iti panagidatagda kadagiti daton kadagiti sabali a dios—dagiti dios a dida ammo wenno ammo dagidi kapuonanda wenno dagiti ari ti Juda. Pinagayusda daytoy a lugar iti dara dagiti tattao nga awan basolna.

Jeremias 32:29

ken puorandanto. Padapuendanto agraman dagiti balbalay dagiti tattao a nangpapungtot kaniak. Nagpuor ngamin dagiti tattao iti insenso iti tuktok ti balayda nga agpaay ken ni didiosen a Baal ken nagibukbokda kadagiti inumen a daton kadagiti didiosen.

Jeremias 44:3

Kasta ti inaramidko gapu iti kinadakes dagiti tattaoda ket pinagpungtotdak. Nagidatagda iti daton a mapuoran kadagiti didiosen. Nagserbida kadagiti didiosen a dida pay idi nagdaydayawan ken uray dakayo wenno dagidi kapuonanyo.

Jeremias 44:8

Apay a pagpungtotendak babaen iti panagdaydayawyo kadagiti imahen ken iti panagidatagyo iti daton a mapuoran kadagiti didiosen ditoy Egipto nga immayyo pagnaedan? Aramidenyo kadi dagitoy a pangdadael laeng kadagiti bagbagiyo tapno pagang-angawandakayo dagiti amin a nasion ditoy lubong ket aramatenda a pagilunod ti naganyo?

Jeremias 44:9

Nalipatanyo kadin dagiti dakes nga inaramid dagidi kapuonanyo kadagiti il-ili ti Juda ken kadagiti lanlansangan ti Jerusalem? Nalipatanyo kadin ti inar-aramid dagiti ar-ari ti Juda ken dagiti assawada? Nalipatanyo kadin ti inar-aramidyo ken dagiti inar-aramid dagiti assawayo?

Jeremias 48:35

Pasardengekto dagiti tattao ti Moab nga agidatag iti daton a mapuoran kadagiti nangato a lugar, ken agidaton iti sakrifisio kadagiti didiosenda. Siak, ni Yahweh, ti agsasao.

Jeremias 5:2

Uray no ibagayo nga agdaydayawkayo iti Apo, dinto met la pudno ti saoyo.

Jeremias 5:7

Sinaludsod ti Apo, “Apay koma a pakawanek dagiti basol dagiti tattaok? Tinallikudandak ket nagdaydayawda kadagiti didiosen. Uray no intedko amin a masapulda, nakikamalalada latta ket dagiti balangkantis ti kinadendennada.

Jeremias 7:6

Diyo gundawayan dagiti ganggannaet, ulila ken balo. Dikay agpapatay kadagiti awan basolna ditoy nasantoan a lugar. Dikay agkararag kadagiti didiosen ta daytoy ti mangdadael kadakayo.

Ezekiel 18:18

Nagsaur ken nagtakaw ni amana, ket pasig a dakes ti inaramidna iti amin. Iti kasta, natay gapu kadagiti basolna.

Ezekiel 20:30

Ibagam ngarud kadagiti Israelita a daytoy ti kunak: Apay a masapul nga aramidenyo dagiti makarimon nga inaramid dagidi kapuonanyo, iti panagdaydayawyo kadagiti didiosenda?

Ezekiel 23:39

Iti dayta nga aldaw a panangpapatayda kadagiti annakko a kas daton kadagiti didiosen, immayda iti Templok ket tinulawanda!

Ezekiel 5:11

“Ngarud, agsipud ta siak, ni Yahweh, ti sibibiag a Dios, ken agsipud ta tinulawam ti templok kadagiti amin nga inaramidmo a dakes ken makarimon, awanto ti asik a mangpukaw kenka. Daytoy ti sao ti Apo a Dios.

Oseas 2:13

Wen, dusaekto tapno ikarona dagidi tiempo a nalipatannak, idi nagpuor iti insenso kas datonna ken ni didiosen a Baal, idi agar-aritos ken agkukuentas a nangsurot kadagiti kaayan-ayatna. Siak, ni Yahweh, ti nangibaga iti daytoy.

Oseas 6:9

Bunggoy dagiti mannanakaw ti kayarigan dagiti papadina. Kanayonda nga agur-uray iti sanebenda. Agpapatayda uray iti dalan nga agturong iti nasantoan a lugar idiay ket igagarada nga aramiden.

Amos 4:5

Idatagyo ti tinapayyo a kas daton a pagyaman ket ipalangguadyo dagiti daton a nagtaud iti nakemyo. Daytoy ti pagay-ayatyo nga aramiden.

Sofonias 1:5

Dadaelekto ti siasinoman a mapan iti tuktok ti balay nga agdaydayaw iti init, iti bulan ken kadagiti bituen. Dadaelekto pay dagiti agdaydayaw kaniak ken mangisapata iti kinapudnoda kaniak ngem pagsapatada met ti nagan ni didiosen a Milcom.

Malakias 3:5

Kuna ti Apo a Mannakabalin-amin, “Umaykayto ukomen. Dagusekto ti mangidatag kadagiti pammaneknek a maibusor kadagiti managsalamangka, kadagiti mannakikamalala, kadagiti agsaksi iti ulbod, kadagiti mangsaur iti tangdan dagiti mangmangged, kadagiti manggundaway kadagiti balo, ulila ken ganggannaet, kadagiti amin a saan nga agraem kaniak.

Taga-Roma 2:2

Ammotayo a nalinteg ti panangukom ti Dios kadagiti agaramid kadagitoy.

Deuteronomio 32:17

Nagidatagda iti daton kadagiti saan a pudno a didiosen, didiosen a di nagdaydayawan dagiti Israelita ken di kinabuteng dagidi kapuonanda.

Paltiing 21:8

Ngem nakabutbutengto ti pagbanagan dagiti takrot, dagiti traidor, dagiti naderrep, dagiti mammapatay, dagiti mannakikamalala, dagiti managanito, dagiti agrukbab kadagiti didiosen ken amin nga ulbod—agyandanto iti dan-aw ti gumilgil-ayab nga apuy ken asufre nga isu ti maikadua nga ipapatay.”

Paltiing 22:15

Ngem mabati iti ruar ti siudad dagiti narukop a tattao, dagiti managsalamangka, dagiti mannakikamalala, dagiti mammapatay, dagiti agdaydayaw kadagiti didiosen ken dagiti managayat ken agaramid iti kinaulbod.

Uk-ukom 5:8

Adda gubat iti daga idi pilien dagiti Israelita ti sabali a diosda. Kadagiti 40,000 a lallaki ti Israel, adda aya nagiggem iti kalasag wenno pika?