Jeremias 7:4 - Ti Baro a Naimbag a Damag Biblia

⁴ Diyo patienen ti mangallilaw a sasaoda: ‘Saantayo a maan-ano! Daytoy ti Templo ti Apo, daytoy ti Templo ti Apo, daytoy ti Templo ti Apo!’

Ti Biblia (1973)

⁴ Dicayo agcammatalec cadagiti natiri a sasao, a cunayo, Ti templo ni Jehova, ti templo ni Jehova, ti templo ni Jehova, isuda dagitoy.

Jeremias 7:4 Iomraidhean Croise

1 Ar-ari 9:7

pagtalawekto dagiti tattaok nga Israelita iti daga nga intedko kadakuada. Baybay-akto daytoy a Templo a kinonsagrarko a pagdaydayawan dagiti tattao kaniak. Sarsaritaendanto ti Israel ket lalaisento dagiti tattao iti amin a lugar.

Isaias 48:2

Ket kaskasdi a natangsitkay a mangibaga nga umilikay iti nasantoan a siudad, ket agtalekkay iti Dios ti Israel nga Apo a Mannakabalin-amin ti naganna.

Isaias 59:4

Dumatagkayo iti pangukoman, ngem saan a nainkalintegan dagiti pammabasolyo. Agtalekkayo iti kinaulbod tapno mangabakkayo. Ibanagyo dagiti planoyo a mangranggas iti padayo a tao.

Isaias 66:1

Kuna ti Apo, “Ti langit ti tronok ket ti daga ti pagbatayak. Ania ngarud a kita ti balay ti mabalinyo a bangonen nga agpaay kaniak? Ania a kita ti lugar ti mabalinyo nga isagana a pagnaedak?

Jeremias 28:15

Kinunak ken ni Hananias, “Denggem, Hananias! Saannaka nga imbaon ti Apo. Al-allilawem dagitoy a tattao tapno patienda ti ulbod a sasaom.

Jeremias 29:23

Daytoyto ti pagbanaganda ta dakes dagiti aramidda. Nakikamalalada, ket nagsaoda iti ulbod iti nagan ti Apo. Maibusor daytoy iti pagayatanna. Ammona ti inaramidda, ket agsaksi iti maibusor kadakuada. Daytoy ti sao ti Apo.”

Jeremias 29:31

nga ipadamagna kadagiti amin a balud idiay Babilonia ti imbaga ni Yahweh maipapan ken ni Semaias: “Siak, ni Yahweh, dusaekto ni Semaias ken amin a kaputotanna. Saanko nga imbaon ni Semaias ngem nagpammarang kadakayo a kas maysa a profeta. Inallilawnakayo a mamati iti ulbod a saona. Awanto ti kaputotanna a makipagnaed kadakayo. Saannanto a mauray dagiti naimbag nga ipaayko kadagiti tattaok. Ngamin, insurona ida nga agsukir kaniak. Siak, ni Yahweh, ti nagsao iti daytoy.”

Jeremias 6:14

Agtignayda a kasla ketdin garadgad laeng dagiti sugat dagiti tattaok. Kunada nga awan pagdanagan idinto nga awan met talna.

Jeremias 7:14

Ngarud, ti inaramidko idiay Silo, aramidek met iti daytoy a Templok a pagtaltalkanyo. Iti daytoy a daga nga intedko kadakayo ken kadagiti kapuonanyo, aramidekto met ti kas iti inaramidko iti Silo.

Ezekiel 13:19

Ibabaindak iti imatang dagiti tattaok tapno makagun-odkayo iti sangkabassit a sebada ken sumagmamano a tinapay. Kayatyo a papatayen dagiti tattao a saan a rumbeng a matay, ket palubosanyo nga agbiag dagiti saan a rumbeng nga agbiag. Iti kasta, agsaokayo iti ulbod kadagiti tattaok ket patiendakayo.”

Mikias 3:11

Agawat dagiti agtuturay iti siudad iti pasuksok. Agpatangdan dagiti papadi no ilawlawagda ti linteg. Agdawat dagiti profeta iti kuarta no agipadtoda. Ibagada nga adda kadakuada ti Apo. Kunada, “Di met aya adda kadatayo ti Apo? Awan ti dumteng a didigra kadatayo.”

Sofonias 3:11

Iti dayta a tiempo, dakayo a tattaok, saanton a masapul nga agbainkayo iti panagsukiryo kaniak. Ikkatekto dagiti natangsit ken napasindayag ket saankayonton nga agsukir kaniak iti nasantoan a turodko iti Jerusalem.

San Lucas 3:8

Ipakitayo babaen iti aramidyo a nagbabawikayon kadagiti basbasolyo. Ket diyo kunkuna iti bagiyo: ‘Uray ta nagtaudkam iti kaputotan ni Abraham!’ Ibagak kadakayo a kabaelan ti Dios a pagbalinen dagitoy a bato nga annak ni Abraham!