Jeremias 7:10 - Ti Baro a Naimbag a Damag Biblia

¹⁰ Kagurak dagitoy nga aramidyo, ket umaykayo pay la dumatag iti Templok, sayo kuna, ‘Saankami a maan-ano.’

Ti Biblia (1973)

¹⁰ Ket umaycayo nga agtacder iti sangoanac iti daytoy a balay, a mainaganan iti naganco, ket cunayo, Naruc-atancami; tapno maaramidyo amin dagitoy a kinarimon?

Jeremias 7:10 Iomraidhean Croise

1 Ar-ari 9:3

Kinuna ni Yahweh, “Nangngegko ti kararagmo. Ikonsagrarko daytoy a Templo a binangonmo a pagdaydayawan kaniak dagiti tattao iti agnanayon. Aywanak ken salaknibak daytoy a templo iti agnanayon.

2 Ar-ari 21:4

Nagbangon kadagiti altar dagiti pagano iti uneg ti Templo a kinuna ni Yahweh a rumbeng a pagdaydayawan dagiti tattao kenkuana.

2 Cronicas 33:4

Nagaramid kadagiti altar para kadagiti didiosen iti Templo, ti lugar a kinuna idi ni Yahweh a masapul a pagdaydayawan kenkuana iti agnanayon.

2 Cronicas 33:7

Nangikabil iti maysa nga imahen iti Templo, ti lugar nga imbaga ni Yahweh ken ni David ken ni Solomon nga anakna idi kinunana kadakuada: “Ditoy Jerusalem, iti daytoy a Templo, ti pinilik iti amin a sakup dagiti 12 a tribu ti Israel a lugar a masapul a pagdaydayawan kaniak.

Dagiti Proverbio 15:8

Maay-ayo ti Apo no agkararag dagiti naimbag, ngem kagurana dagiti daton nga idatag kenkuana dagiti managdakdakes.

Isaias 48:2

Ket kaskasdi a natangsitkay a mangibaga nga umilikay iti nasantoan a siudad, ket agtalekkay iti Dios ti Israel nga Apo a Mannakabalin-amin ti naganna.

Jeremias 32:34

Inkabilda ketdi dagiti kagurak a didiosen iti Templo a nabangon iti naganko ket tinulawanda.

Jeremias 34:15

Iti saan pay a nabayag, nagbabawikayo ket inaramidyo ti pakaragsakak. Nagnunumoanyo amin a wayawayaan dagiti padayo a Hebreo ket nagtutulagkayo iti imatangko iti uneg ti Templo a nabangon a pagdaydayawan iti naganko.

Jeremias 44:9

Nalipatanyo kadin dagiti dakes nga inaramid dagidi kapuonanyo kadagiti il-ili ti Juda ken kadagiti lanlansangan ti Jerusalem? Nalipatanyo kadin ti inar-aramid dagiti ar-ari ti Juda ken dagiti assawada? Nalipatanyo kadin ti inar-aramidyo ken dagiti inar-aramid dagiti assawayo?

Jeremias 7:11

Ipagarupyo aya a rukib dagiti mannanakaw ti Templok? Nakitak dagiti ar-aramidenyo.

Jeremias 7:14

Ngarud, ti inaramidko idiay Silo, aramidek met iti daytoy a Templok a pagtaltalkanyo. Iti daytoy a daga nga intedko kadakayo ken kadagiti kapuonanyo, aramidekto met ti kas iti inaramidko iti Silo.

Jeremias 7:30

“Dakes ti inaramid dagiti tattao ti Juda. Inkabilda dagiti kagurgurak a didiosenda iti Templok ket tinulawanda.

Ezekiel 20:39

Kinuna ti Apo a Dios, “Ita, dakay amin nga Israelita, aramidenyo ti kaykayatyo; ituloyyo latta ti agserbi kadagiti didiosenyo. Ngem ballaagankayo a kalpasan daytoy, masapul nga agtulnogkayo kaniak ket diyo ibabain ti nasantoan a naganko babaen iti panagidatagyo iti sagut kadagiti didiosen.

Ezekiel 23:29

Gapu ta kaguradaka, alaendanto ti amin a nagbannogam, ket panawandakanto a lamolamo. Malukaisanto ti kinabalangkantismo. Ti kinaderrep ken ti kinabalangkantismo

Ezekiel 23:37

Nakikamalala ken nagpapatayda. Nakikamalalada kadagiti didiosenda. Pinatayda dagiti annakko nga impasngayda. Pinuoranda dagiti annakko a kas daton kadagiti didiosenda.

Ezekiel 23:39

Iti dayta nga aldaw a panangpapatayda kadagiti annakko a kas daton kadagiti didiosen, immayda iti Templok ket tinulawanda!

Ezekiel 33:25

“Ibagam kadakuada a siak nga Apo a Dios, kastoy ti kunak: Agsidsidakayo iti karne nga adda darana. Agdaydayawkayo kadagiti didiosen. Agpapataykayo. Ania ti panggapuanyo nga agkuna a kukuayo ti daga?

Ezekiel 33:31

Isut' gapuna nga agdudupudop dagiti tattaok nga umay dumngeg kenka, ngem dida tungpalen ti ibagam nga aramidenda. Napno iti ayat dagiti balbalikasda ngem dagiti inaagum nga aramidda.

Ezekiel 5:11

“Ngarud, agsipud ta siak, ni Yahweh, ti sibibiag a Dios, ken agsipud ta tinulawam ti templok kadagiti amin nga inaramidmo a dakes ken makarimon, awanto ti asik a mangpukaw kenka. Daytoy ti sao ti Apo a Dios.

Daniel 9:18

Ipangagnakami, O Dios. Talliawennakami ket kitaem ti rigat a sagsagabaenmi, kasta met ti sagsagabaen ti siudad a napanaganan iti naganmo. Saankami nga agdawat kenka gapu iti naimbag nga inaramidmi, no di ket gapu ta manangngaasika.

Oseas 6:9

Bunggoy dagiti mannanakaw ti kayarigan dagiti papadina. Kanayonda nga agur-uray iti sanebenda. Agpapatayda uray iti dalan nga agturong iti nasantoan a lugar idiay ket igagarada nga aramiden.

Amos 4:5

Idatagyo ti tinapayyo a kas daton a pagyaman ket ipalangguadyo dagiti daton a nagtaud iti nakemyo. Daytoy ti pagay-ayatyo nga aramiden.

Sofonias 1:5

Dadaelekto ti siasinoman a mapan iti tuktok ti balay nga agdaydayaw iti init, iti bulan ken kadagiti bituen. Dadaelekto pay dagiti agdaydayaw kaniak ken mangisapata iti kinapudnoda kaniak ngem pagsapatada met ti nagan ni didiosen a Milcom.

Malakias 3:15

Kas makitami, dagiti natangsit a tattao ti naragsak. Saan laeng a rumang-ay dagiti agar-aramid iti dakes, ngem suotenda pay ti anus ti Dios kadagiti dakes nga aramidda ket saanda a maan-ano.’”

San Mateo 23:13

“Asikayo pay, dakayo a mamaestro iti Linteg ken dakayo a Fariseo! Aginsisingpetkayo! Serraanyo ti ruangan ti Pagarian ti Langit kadagiti tattao ngem dikay met sumrek ket paritanyo pay dagiti mayat a sumrek.

San Juan 13:18

“Saan a dakay amin ti pakaiturongan dagiti sasawek. Ammok dagiti pinilik. Ngem masapul a matungpal ti adda a naisurat, ‘Kinugtarannak ti nakipangan kaniak.’

San Juan 18:28

Nasapa pay laeng idi ipanawda ni Jesus iti balay ni Caifas ket impanda iti palasio ti gobernador. Saan a simrek dagiti Judio iti palasio ta dida kayat ti matulawan. Ngamin, no matulawanda, dida mabalin ti mangan iti pangrabii ti Paskua.