Jeremias 6:8 - Ti Baro a Naimbag a Damag Biblia

⁸ Dakayo a taga-Jerusalem, pakaballaaganyo koma dagitoy a didigra amangan no panawankayo. Pagbalinek a disierto ti siudadyo, maysa a lugar nga awanto ti agnaed.”

Ti Biblia (1973)

⁸ Maisuroca coma, O Jerusalem, di la ket ta ti cararuac maisina kenca; di la ket ta aramidenca a langalang, maysa a daga nga awan ti agnaed.

Jeremias 6:8 Iomraidhean Croise

Dagiti Salmo 2:10

Ita, dakayo nga ar-ari, denggenyo ti ballaagko; dakayo a turayen ti lubong, adalenyo daytoy a sursuro:

Dagiti Salmo 50:17

Ngamin, kaguram ti disiplina, dimo dengdenggen dagiti patigmaanko kenka.

Dagiti Salmo 94:12

Nagasat ti tao a bagbagaam, O Apo, ken sursuroam iti lintegmo!

Dagiti Proverbio 19:20

No dumngegka iti pammagbaga ket siaayatka nga umawat iti pannursuro, addanto aldaw a sumiribka.

Dagiti Proverbio 4:13

Laglagipem a kankanayon ti inadalmo. Ti adalmo isut' biagmo—aluadam a naimbag.

Jeremias 17:23

Saandak nga inkaskaso wenno dinengngeg dagiti kapuonanda. Nagbalinda ketdi a nasukir; saanda a nagtulnog kaniak ket dida kinayat ti nagsursuro kaniak.

Jeremias 2:15

Kasda la leon a nagngernger kenkuana; pinagbalinda a disierto ti dagana ket dagiti ilina narbada, naan-anay a nagpanawan, awan agnaed kadakuada.

Jeremias 31:19

Naglikudandaka ngem iti saan a mabayag, kayatmi met la ti agsubli kenka. Kalpasan ti panangdusam kadakami, dinandanogmi ti barukongmi a mangipakita iti panagbabawimi. Nalalais ken naibabainkami, ta nagbasolkami idi agtutubokami.’

Jeremias 32:33

Naglikudandak, nupay diak nagsardeng a mangisursuro kadakuada. Dida latta mangikaskaso ken dida maisursuro.

Jeremias 4:14

Jerusalem, dalusam ta pusom iti kinadakes tapno maisalakanka. Kasano pay kabayag ti panagpampanunotmo iti dakes?

Jeremias 7:20

Iti kasta, siak ni Yahweh a Dios, idissuorkonto ti nakaro a pungtotko iti daytoy a lugar, kadagiti tattao ken animal, uray pay kadagiti kayo ken kadagiti mula. Kaslanto apuy ti pungtotko nga awan ti makaiddep.

Jeremias 7:28

Kunamto kadakuada: ‘Daytoy ti nasion a saan a nangipangag ken ni Yahweh a Diosda. Dida kayat ti paisuro. Awanen ti kinapudno. Dida pay ket sarsaritaenen.’”

Jeremias 7:34

Agbalinto ti daga a let-ang. Gibusakto ti ragsak ken rag-o kadagiti siudad ti Juda ken kadagiti kalkalsada ti Jerusalem. Saanton a mangngeg dagiti naragsak nga ariwawa ti parambak dagiti agkasar.

Jeremias 9:11

Kuna ti Apo, “Pagbalinekto ti Jerusalem a nagrebbaan, a pagnaedan dagiti lobo iti let-ang. Aglangalangto dagiti siudad ti Juda, awanton ti agnaed kadakuada.”

Ezekiel 23:18

Impakitana ti bagina a lamolamo ket binay-anna a maammoan ti amin ti kinabalangkantisna. Naumaak kenkuana a kas iti pannakaumak ken ni manangna.

Oseas 9:12

Ngem uray no padakkelenda dagiti annakda, patayekto dagiti ubbing agingga nga awan mabati kadakuada. Inton baybay-ak dagitoy a tattao, nakabutbutengto dagiti didigra a dumteng kadakuada.”

Levitico 26:34

Iti kasta, adunto a tawen nga aginana ti daga; wen, aginananto bayat ti pannakabaludyo iti daga dagiti kabusoryo.

Sofonias 3:7

Impagarupko idi nga agbutengton kaniak dagiti tattaok ket awatenda ti panangdisiplinak kadakuada. Impagarupko a dida malipatan ti dusa nga inyegko a pangisuro kadakuada. Ngem iti saan a mabayag, ad-adda ketdi a dimmakesda.”

Deuteronomio 32:29

Dida ammo no apay a naparmekda, dida maawatan ti napasamak kadakuada.