Jeremias 6:4 - Ti Baro a Naimbag a Damag Biblia

⁴ Kunadanto, “Agsaganakay a manggubat iti Jerusalem! Darasenyo! Dumaruptay iti tengnga ti aldaw!” Ngem kunadanto, “Naladawen, ta dandani lumneken ti init ket umat-atiddogen dagiti anniniwan.

Ti Biblia (1973)

⁴ Isaganayo ti gubat a maicaniwas kencuana; tumacdercayo, ket sumang-attayon intono tengnga ti aldaw. Asitayo pay ta ti aldaw aglikig, ta dagiti aniniwan ti malem mayatiddugda.

Jeremias 6:4 Iomraidhean Croise

Ti Libro ni Job 7:2

kas tagabu a kalikagumanna ti paglinonganna, kas mangmangged nga agur-uray iti tangdanna.

Kanta ni Solomon 2:17

agingga nga agpul-oy ti angin ti agsapa, ken agpukaw ti sipnget. Agsublika, biagko, a kas iti korso, kas iti bumaro nga ugsa kadagiti bambantay.

Jeremias 15:8

Ad-adu dagiti babbai a balo ngem dagiti darat iti igid ti baybay. Pinatayko dagiti annakyo a lallaki idinto ta ubbingda pay, ket pinagsagabak dagiti innada. Kellaat nga indissuorko kadakuada ti tuok ken buteng.

Jeremias 15:9

Natalimudaw ti ina gapu iti ipapatay dagiti pito nga annakna; kamkamatenna ti angesna. Nagbalin a nasipnget ti aldawna, naibabain ket nasaem ti ladingitna. Papapataykayto kadagiti kabusoryo, dakayo a sibibiag pay laeng. Siak ni Yahweh, ti nangibaga iti daytoy.”

Jeremias 5:10

Ibaonkonto dagiti kabusor a mangpatpat iti kaubasanda, ngem saan a mamimpinsan nga ikisapda. Ibagakto kadakuada nga ikkatenda dagiti sangsanga, ta saanko a kukua ida.

Jeremias 6:23

Nagtagipana ken nagtagikampilanda; naranggas ken awan asida. Kasla daranudor ti taaw ti dalagudog dagiti kabalio a nagsakayanda. Sisasaganada a manggubat iti Jerusalem.”

Jeremias 8:20

Isangit dagiti tattao, “Limmabasen ti kalgaw, nalpasen ti ani, ngem saankam pay a naisalakan.”

Joel 3:9

“Ipakaammoyo daytoy kadagiti nasion: ‘Agsaganakayo a makigubat! Ayabanyo dagiti mannakigubat. Ummongenyo amin a soldado, ket inkayo!

Obadias 1:1

Daytoy ti padto ni Obadias ti sao ni Apo Dios maipapan iti nasion ti Edom. Imbaon ni Yahweh dagiti adipenna a mapan kadagiti nasion, ket nangngegmi ti imbagana, “Agsaganakayo! Intayo gubaten ti Edom!”

Mikias 3:5

Al-allilawen dagiti profeta dagiti tattaok. Ikarida nga adda talna no la ket mabayadanda. Ngem no saanda a maikkan iti kuarta, butbutngenda dagiti tattao ket ibagada nga adda dumteng a gubat. Kastoy ti kuna ti Apo kadagitoy a profeta,

Sofonias 2:4

Awanto ti mabati iti siudad ti Gaza. Awanton matagtagitao iti Askelon. Mapaksiatto dagiti taga-Asdod sakbay ti tengnga ti aldaw ket maitalawto dagiti taga-Ekron.