Jeremias 6:12 - Ti Baro a Naimbag a Damag Biblia

¹² Alaento dagiti ganggannaet dagiti balbalayda, kasta met dagiti taltalon ken dagiti assawada. Dusaekto dagiti tattao iti daytoy a daga.

Ti Biblia (1973)

¹² Ket dagiti balbalayda maitedto cadagiti sabsabali agraman dagiti taltalonda ken assawada a babbai; ta yunnatconto ti imac cadagiti agnaed ti daga, cuna ni Jehova.

Jeremias 6:12 Iomraidhean Croise

Jeremias 8:10

Iti kasta, itedkonto dagiti assawada kadagiti sabali a lallaki. Itedkonto met dagiti taltalonda kadagiti barbaro nga agtagikua. Isuda amin, nangato man wenno nanumo, naagumda. Agsaur met dagiti papadi ken profeta.

Isaias 5:25

Kapungtot ti Apo dagiti tattaona ket inlayatna ti imana tapno dusaenna ida. Magunggonto dagiti bantay ket kaslanto rugit dagiti bangkay dagiti tattao nga agkaiwara kadagiti kalsada. Ngem uray no maaramid daytoy, dinto agbaaw ti pungtot ti Apo ket silalayatto latta ti imana a mangdusa.

Sofonias 1:13

Masamsamto ti kinabaknangda. Madadaelto dagiti balbalayda. Didanto agnaed kadagiti balay a patpatakderenda wenno uminum iti arak ti ubas nga imulmulada.”

Dungdung-aw 5:11

Mismo nga iti Bantay Sion ti nakaramesan dagiti assawami; iti tunggal away ti Juda, pinilitda dagiti annakmi a babbai.

Dungdung-aw 5:3

Pinapatay ti kabusor dagiti ammami, ket nabalon dagiti innami.

Dungdung-aw 3:3

Awan asina a nangkabkabil kaniak.

Dungdung-aw 2:8

Inkeddengen ti Apo a marpuog dagiti bakud ti Sion. Rinukodna ida tapno awan duadua ti pannakadadaelda. Agpapadan a narpuog dagiti pagwanawanan ken bakud.

Jeremias 38:22

Kitaem! Mairuar dagiti amin a babbai a nabati iti palasio ti Juda ket maipanda kadagiti ofisiales ti ari ti Babilonia. Denggem ti kunkunada bayat ti pannakaipanda, ‘Ti ari inyaw-awan dagiti nasinged a gagayyemna, ket saanda a binigbig ti turayna. Itan ta nailumlom dagiti sakana iti pitak, binaybay-anen dagiti gagayyemna.’”

Isaias 10:4

Mataykayto iti paggugubatan wenno maulod-ulodkayto a mayadayo a kas balud. Uray no kasta, saan nga agbaaw ti pungtot ti Apo ket silalayat pay laeng ti imana a mangdusa.

Isaias 9:21

Aggugubat dagiti tattao ti Manases ken Efraim ngem agmaymaysada a mangraut iti Juda. Uray no kasta, saan nga agbaaw ti pungtot ti Apo ket silalayat pay laeng ti imana a mangdusa.

Isaias 9:17

Iti kasta, saanto nga ipalubos ti Apo nga adda makalasat nga agtutubo a lalaki. Awanto ti balo a babai ken ulila a kaasianna. Ngamin, awanan Dios dagiti tattao ken managdakdakesda. Dakes ti sawen ti tunggal maysa. Ngem uray no kasta, saanto nga agbaaw ti pungtot ti Apo ket silalayat pay laeng ti imana a mangdusa.

Isaias 9:12

Iti daya ken iti laud, sisasagana ti Siria ken ti Filistia a mangalun-on iti Israel. Uray no kasta, saan nga agbaaw ti pungtot ti Apo ket silalayat pay laeng ti imana a mangdusa.

1 Cronicas 21:16

Nakita ni David ti anghel nga agtaktakder iti nagbaetan ti langit ken daga. Nakaiggem ti anghel iti kampilan ket sisasagana a mangdadael iti Jerusalem. Nagpakleb ni David ken dagiti pangulo dagiti tattao—nakakawesda amin iti nakersang a lupot

Jeremias 7:20

Iti kasta, siak ni Yahweh a Dios, idissuorkonto ti nakaro a pungtotko iti daytoy a lugar, kadagiti tattao ken animal, uray pay kadagiti kayo ken kadagiti mula. Kaslanto apuy ti pungtotko nga awan ti makaiddep.

Jeremias 15:6

Dakayo a tattao, linaksiddak, dakayo amin tinallikudandak. Ngarud, dinissoankayo agingga a narumrumekkayo gapu ta diak magawidanen ti pungtotko.

Jeremias 21:5

Siak a mismo ti manggubat kadakayo iti amin a pigsak, amin a pungtotko, rungsot ken ungetko.

Jeremias 38:23

Innayonko, “Maipanto dagiti amin nga assawayo ken amin nga annakyo idiay Babilonia. Uray sika, dikanto makalisi. Alaennakanto a kas balud ti ari ti Babilonia. Mapuoranto daytoy a siudad agingga a maikisap.”

Ezekiel 35:3

Ibagam kadagiti tattao a siak nga Apo a Dios, kastoy ti kunak: ‘Siak ti kabusoryo, bambantay ti Edom, Pagbalinenkayo a langalang a daga.

Mikias 2:4

Inton dumteng dayta a tiempo, aramatento dagiti tattao ti napasamak kadakayo a kas pangngarig ti didigra. Ikantadanto daytoy nasaem a kanta: “Nadadaelkami a namimpinsan. Innala ni Yahweh ti dagami, ket intedna kadagiti nangitalaw kadakami a kas balud!”

Sofonias 1:4

“Dusaekto dagiti tattao iti entero a Juda ken Jerusalem. Pukawekto ti maudi a pakakitaan iti panagdaydayaw ken ni didiosen a Baal sadiay, ket awanto ti makalagip uray dagiti papadi nga agserserbi kenkuana.

Dungdung-aw 5:2

Innala dagiti ganggannaet ti sanikuami, ganggannaet ti agnanaeden iti taengmi.

Ezekiel 7:24

Yegkonto ditoy dagiti kadaksan a nasion, ket ipaluboskonto a tagikuaenda dagiti balbalayyo. Mapukawton dagiti napipigsa a lallaki ti panagtalekda kadagiti bagbagida inton palubosak dagiti nasion a mangtulaw kadagiti lugar a pagdaydayawanyo.