Jeremias 6:1 - Ti Baro a Naimbag a Damag Biblia

¹ Tattao ti Benjamin, panawanyo ti Jerusalem! Isalakanyo dagiti bagbagiyo! Puyotenyo ti trumpeta idiay Tekoa! Mangikabilkay iti pagilasinan idiay Bet-hakerem! Adda didigra ken pannakadadael nga aggapu iti amianan.

Ti Biblia (1973)

¹ Agtalawcayo tapno mailisicayo, dacayo annac ni Benjamin, a rumuar iti tengnga ti Jerusalem, ket puyotenyo ti tangguyob idiay Tecoa, ket mangipasdeccay iti maysa a pagilasinan idiay Bet-hacerem; ta ti kinadakes cumita manipud iti amianan, ken dackel a pannacarbec.

Jeremias 6:1 Iomraidhean Croise

2 Samuel 14:2

Pinaayabanna ngarud ti maysa a masirib a babai nga agnaed idiay Tekoa. Idi sumangpet ti babai, kinuna ni Joab kenkuana, “Agpaneska ket agparangka a kasla nagminatay. Bay-am a kusokuso ti buokmo. Ipakitam a kasla nabayagen nga agdungdung-awka.

2 Cronicas 11:6

Betlehem, Etam, Tekoa,

Nehemias 3:14

Ni Malkija nga anak ni Rekab, ti mangituray iti Distrito ti Bet Hakkerem, ti nangbangon iti Ruangan a Pagibellengan iti Rugit. Inkabilna dagiti ridaw iti sigud a lugarda kasta met dagiti pagibalunetan ken dagiti balunet ti ruangan.

Nehemias 3:5

Dagiti lallaki a taga-Tekoa ti nangbangon iti sumaruno a paset. Ngem di kayat dagiti mabigbigbig a lallaki iti ili ti agtrabaho iti nadagsen, ti trabaho nga inted dagiti mangimaton kadakuada.

Jeremias 10:22

Denggenyo! Adda damag! Adda dakkel a karibuso nga aggapu iti nasion ti amianan. Dagiti armadana paglangalangenna dagiti siudad ti Juda, pagbalinenna a taeng dagiti lobo.”

Jeremias 25:9

‘Paayabakto dagiti amin a tattao iti amianan agraman ni adipenko a Nebucadnesar nga ari ti Babilonia. Ibaonkonto ida a manggubat iti daytoy a nasion, kadagiti nagnaed kenkuana ken kadagiti amin a nasion a kabangibangna. Pukawekto ida a mamimpinsan. Agnanayonto nga aglangalang ti dagada ket agbalindanto a pagsidsiddaawan ken pagbutbutngan. Siak, ni Yahweh, ti nagsao iti daytoy.

Jeremias 4:29

Agtatarayto amin a tattao inton mangngegda ti dalagudog dagiti nagkabalio ken nagtagipana. Addanto dagiti agkamang iti kabakiran; addanto met dagiti aglemmeng kadagiti rangrangkis. Mapanawanto amin a siudad, ket awanto ti agnaed kadakuada.

Jeremias 6:22

Kuna ti Apo, “Adda tattao nga aggapu iti pagilian iti amianan; adda nabileg a nasion nga agsagsagana a makigubat.

Amos 1:1

Dagitoy dagiti sao ni Amos a maysa nga agpaspastor iti ili ti Tekoa. Impaltiing ti Dios kenkuana dagitoy a banag maipapan iti Israel dua a tawen sakbay daydi ginggined. Ni Uzzias idi ti ari ti Juda ket ni Jeroboam nga anak ni Joas ti ari ti Israel.

Amos 3:6

No aguni ti trumpeta a mangipakaammo iti gubat, saan aya nga agbuteng dagiti tattao iti siudad? Adda kadi nakaal-aliaw a mapasamak iti maysa a siudad a di aramid ti Apo?

Zacarias 6:6

Agpa-amianan a mapan Babilonia ti lugan a guyguyoden dagiti nangisit a kabalio. Agpa-laud dagiti puraw a kabalio, ket agpa-abagatan dagiti labang nga agturong iti maysa a pagilian.

Josue 15:63

Ngem saan a nabalinan dagiti taga-Juda a pinapanaw dagiti Jebuseo nga agnaed idiay Jerusalem. Agpapan ita, adda pay laeng sadiay dagiti Jebuseo a makipagmanaed kadagiti tattao ti Juda.

Uk-ukom 1:21

Ngem saan a pinapanaw dagiti kameng ti tribu ti Benjamin dagiti Jebuseo nga agnanaed idiay Jerusalem. Agpapan ita, makipagnaed dagiti Jebuseo kadagiti Benjaminita.