Jeremias 5:7 - Ti Baro a Naimbag a Damag Biblia

⁷ Sinaludsod ti Apo, “Apay koma a pakawanek dagiti basol dagiti tattaok? Tinallikudandak ket nagdaydayawda kadagiti didiosen. Uray no intedko amin a masapulda, nakikamalalada latta ket dagiti balangkantis ti kinadendennada.

Ti Biblia (1973)

⁷ Casano ti panangpacawanco kenca? Dagiti annacmo pinanawandac, ket nagsapatada gapu cadagidiay saan a dios. Idi pinacanco ida a napnecda, nakicamalalada, ket nagoornongda a nagbubunggoy cadagiti balbalay dagiti balangcantis.

Jeremias 5:7 Iomraidhean Croise

2 Cronicas 13:9

Pinapanawyo dagiti papadi ti Apo, isuda a kaputotan ni Aaron; kasta met ti inaramidyo kadagiti Levita. Nangdutokkayo kadagiti bukodyo a papadi. Apay a tinuladyo ti ar-aramiden dagiti sabali a nasion? Ita, no la ketdi adda baka wenno pito a karnero ti maysa a tao, mabalinnan ti pakonsagrar a padi nga agserbi kadagiti didiosenyo!

Ti Libro ni Job 31:12

Kasla apuy a gumilgil-ayab nga agkayamkam a mangikisap iti amin a kukuak.

Dagiti Salmo 50:18

No makakitaka iti mannanakaw, agbalinka a gayyemna, ket makipulpulapolka kadagiti mannakikamalala.

Jeremias 12:16

No awatenda iti amin a pusoda ti wagas dagiti tattaok, ket pagsapatada ti nagan ni Yahweh a sibibiag, kas panangisuroda kadagiti tattaok nga agsapata ken ni didiosen a Baal—makipagnaeddanto kadagiti tattaok ket rumang-aydanto.

Jeremias 13:27

Nakitanakayo ni Yahweh a nagaramid iti kagurgurana. Nakitanakay a simmursurot kadagiti didiosen dagiti pagano kadagiti turturod ken taltalon; kaslakayo la lalaki nga aggartem iti asawa ti kaarrubana wenno kasla kalakian a kabalio a kumamat iti kabaian. Asikayo pay, tattao ti Jerusalem! Kaanonto ti panagbalinyo a nadalus?

Jeremias 16:11

Ibagamto kadakuada a kastoy ti kunak, ‘Linaksiddak dagiti kapuonanyo ket nagserbi ken nagdaydayawda kadagiti sabali a dios. Saanda a tinungpal dagiti pannursurok.

Jeremias 16:20

Makaaramid kadi ti tao iti diosna? Saan! Saan a pudno a dios ti aramidenda.”

Jeremias 2:11

Addan aya nasion a nangisukat iti diosna uray pay saan a pudno a dios? Ngem insukatdak dagiti tattaok, siak a Dios a nangitan-ok kadakuada; wen, insukatdak kadagiti didiosen a saan a makatulong kadakuada.

Jeremias 2:31

Dakay a tattao ti Israel, denggenyo a naimbag ti saok. Nagbalinak aya a let-ang kadakayo, kas iti nasipnget ken napeggad a daga? Saan! Apay ngarud a kunayo nga aramidenyonto ti kaykayatyo, ket pulos a dikayto agsubli kaniak?

Jeremias 23:10

Napno ti daga iti tattao a nangtallikud iti Apo. Dakes ti panagbiagda ket saan a nasayaat ti panangusarda iti bilegda. Agdung-aw ti daga gapu iti panangilunod ti Apo ket magango dagiti ruot iti pagaraban.

Jeremias 3:19

Kuna ti Apo, “Israel, tinarigagayak nga awatenka a kas anak, ket ikkanka iti kapintasan a daga iti lubong. Impagarupko nga ibilangnak nga ama ken saannakton a paglikudan.

Jeremias 3:8

Nakita met ti Juda nga insinak ti Israel, ket pinanawak agsipud ta naglikudannak ket nakikamkamalala. Nupay kasta, saan latta a nagbuteng ti mangliliput a kabsatna a Juda. Nakikamkamalala met

Jeremias 7:9

Agtakawkayo, pumataykayo, makikamalalakayo, sapataanyo ti ulbod, agidatagkay iti daton ken ni didiosen a Baal ken agdaydayawkayo kadagiti didiosen a diyo am-ammo.

Jeremias 9:1

Kasla koma bubon ti ulok, ket dagiti matak ubbog ti lua, tapno aldaw ken rabii nga agsangitak gapu kadagiti napapatay a tattaok.

Jeremias 9:2

Adda koma lugar a pagnaedak idiay let-ang tapno maadaywak dagiti tattaok. Agpapadada a managdakdakes, bunggoy ida dagiti mangliliput.

Dungdung-aw 3:42

“Nagbasol ken nagsukirkami kenka, O Apo, ket dinakami pay pinakawan agpapan ita.

Ezekiel 22:11

Adda dagiti makikamalala ken adda met dagiti mangsulisog kadagiti manugangda a babbai, adda pay dagiti mangtulaw kadagiti kakabsatda iti ama wenno kakabsatda iti ina.

Oseas 11:8

“Israel, kasano nga isinaka? Kasano a baybay-anka? Kasano a dadaelenka a kas iti Adma? Kasano a pagbalinenka a kas iti Zeboim? Diak maaramid daytoy, ta timmaud ti panangngaasik.

Oseas 13:6

Ngem idi simrekkayo iti nasayaat a daga, timmangsitkayo ket nalipatandakon.

Oseas 4:2

Sapataan dagiti tattao ti karida ngem salungasingenda met laeng. Agulbod, agpapatay, agtakaw ken makikamalalada. Umadu ti krimen ket agsasaruno ti pammapatay!

Oseas 7:4

Saanda a napudno ket manangliliputda. Umasimbuyok a kas iti apuy ti urno ti gurada; wen, kas iti apuy a rubroban ti panadero no naisaganan a maluto ti masa.

Levitico 20:10

“Mapapatay ti lalaki a mangkaidda iti asawa ti padana nga Israelita, mapapatay pay ti babai.

Amos 8:14

Dagiti agsapata iti sangoanan dagiti didiosen ti Samaria, isuda nga agkuna, ‘Iti nagan ti dios ti Dan’ ken ‘Iti nagan ti dios ti Beerseba’—matumbanto dagitoy a tattao ket saandanton a makabangon.”

Sofonias 1:5

Dadaelekto ti siasinoman a mapan iti tuktok ti balay nga agdaydayaw iti init, iti bulan ken kadagiti bituen. Dadaelekto pay dagiti agdaydayaw kaniak ken mangisapata iti kinapudnoda kaniak ngem pagsapatada met ti nagan ni didiosen a Milcom.

Malakias 3:5

Kuna ti Apo a Mannakabalin-amin, “Umaykayto ukomen. Dagusekto ti mangidatag kadagiti pammaneknek a maibusor kadagiti managsalamangka, kadagiti mannakikamalala, kadagiti agsaksi iti ulbod, kadagiti mangsaur iti tangdan dagiti mangmangged, kadagiti manggundaway kadagiti balo, ulila ken ganggannaet, kadagiti amin a saan nga agraem kaniak.

1 Taga-Corinto 6:9

Saanyo aya nga ammo a dinto tagikuaen dagiti managdakdakes ti Pagarian ti Dios? Dikayo paallilaw. Dagiti tattao nga immoral, dagiti agrukbab kadagiti didiosen, dagiti mannakikamalala, dagiti aggartem iti padada a lalaki wenno padada a babai

1 Taga-Corinto 8:4

Ngarud, no maipapan iti pannangan iti taraon a naidaton kadagiti didiosen, ammotayo a ti didiosen awan ti napudpudno nga iladawanna; ammotayo a maymaysa laeng ti Dios.

Taga-Galacia 4:8

Idi saanyo pay nga ammo ti Dios, tagabunakayo dagiti parsua a sinan-dios.

Deuteronomio 32:15

“Bimmaknang ngem nagbalin a nasukir dagiti tattao ti Apo; limmukmegda ket nagum-umada iti taraon. Tinallikudanda ti Dios a Namarsua kadakuada, ken linaksidda ti naindaklan a nangispal kadakuada.

Deuteronomio 32:21

Pinagpungtotdak gapu kadagiti imahenda; pinagimondak kadagiti makunkuna a didiosenda, didiosenda a saan a pudno a Dios. Iti kasta, aramatekto ti makunkuna a nasion a mangpapungtot kadakuada. Aramatekto ti maysa a nasion dagiti maag, a mamagimon kadakuada.

Hebreo 13:4

Masapul a saan a matulawan ti matrimonio ket agtalinaed dagiti agassawa a napudno iti maysa ken maysa. Ngamin, ukomento ti Dios dagiti immoral ken makikamalala.

Santiago 4:4

Tattao a di mapagtalkan! Diyo kad ammo a maibusor iti Dios ti pannakigayyem iti lubong? Wen, siasinoman a makigayyem iti lubong, maibilang metten a kabusor ti Dios.

Josue 23:7

Dikay makilangen kadagiti nabati a tattao iti dennayo wenno baliksen ti nagan dagiti diosda wenno pagsapata ti naganda wenno agserbi kadakuada wenno agdaydayaw kadakuada.