Jeremias 5:6 - Ti Baro a Naimbag a Damag Biblia

⁶ Daytoy ti gapuna a patayento ida dagiti leon ti kabakiran. Rangrangkayento ida ti lobo ti let-ang, ket agdakiwasto ti leopardo kadagiti ilida. Pisangpisangennanto ti siasinoman a rummuar kadakuada. Nakaad-adu ngamin ti basolda, ket namin-adun a tinallikudanda ti Dios.

Ti Biblia (1973)

⁶ Gapuna maysa a leon nga aggapu iti cabakiran patayennanto ida, maysa a lobo nga aggapu cadagiti let-ang pucawennanto ida, maysa a leopardo agbantayto a maibusor cadagiti il-ilida, isu-amin a rumuar idiay mapisangpisangto; agsipud ta dagiti salungasingda adu, k ket ti kinamanaglicudda nanayonan.

Jeremias 5:6 Iomraidhean Croise

2 Cronicas 36:14

Maysa pay, tinulad dagiti papangulo ti Juda, dagiti papadi ken dagiti tattao ti aramid dagiti nasion iti aglawlawda; nagdaydayawda met kadagiti imahen ket natulawan ti Templo a pinagbalin ni Yahweh a nasantoan.

ESDRAS 10:10

Timmakder ni Ezra a padi ket kinunana kadakuada, “Nagsalungasingkayo babaen iti panangasawayo kadagiti babbai a ganggannaet. Gapu iti daytoy, pinadakkelyo ti basol ti Israel.

ESDRAS 9:6

“O Dios, mabainak unay a mangitangad iti rupak kenka. Nangatngaton ngem ti ulomi dagiti agrurutap a basolmi, ket tumuknoda sadi langit.

Ti Libro ni Job 10:16

No met ngarud adda bassit pagrang-ayak, kaska la leon a manganup kaniak; agaramidka pay iti milagro a pakadangrak.

Dagiti Salmo 104:20

Pinarsuam ti rabii, ket iti sipnget rummuar dagiti narungsot nga animal.

Dagiti Salmo 80:13

Subsoben ken baddebaddekan dagiti alingo, dagiti atap nga animal, sumrekdan nga agkaan.

Isaias 1:23

Nasukir dagiti pangulom ket gagayyem ida dagiti mannanakaw. Kanayonda nga umawat iti regalo ken pasuksok. Ngem dida ikalintegan dagiti ul-ulila iti pangukoman wenno denggen dagiti balo a babbai no idatagda ti darumda.

Isaias 59:12

“O Apo, nakaad-adu ti basolmi kenka, ket dagitoy ti agsaksi a maibusor kadakami. Bigbigenmi amin ida.

Jeremias 14:7

Umasug kaniak dagiti tattaok a kunkunada, ‘Uray no agsaksi dagiti basolmi iti maibusor kadakami, tulongannakam kadi, O Apo, kas inkarim. Namin-adun a naglikudandaka; nagbasolkami kenka.

Jeremias 2:15

Kasda la leon a nagngernger kenkuana; pinagbalinda a disierto ti dagana ket dagiti ilina narbada, naan-anay a nagpanawan, awan agnaed kadakuada.

Jeremias 2:17

Israel, sika a mismo ti nangyeg iti daytoy a dusa ta binaybay-annak, ni Yahweh a Diosmo, idi kibkibinenka iti dalanmo.

Jeremias 2:19

Ti mismo a kinadakesmo ti pakadusdusaam; maukomkanto gapu iti panangtallikudmo kaniak. Maammoamto ti kinapait ken kinadakes iti panangbaybay-am ken ni Yahweh a Diosmo, ken saanmon a panagbuteng kaniak. Daytoy ti saok nga Apo a Dios a Mannakabalin-amin.”

Jeremias 2:31

Dakay a tattao ti Israel, denggenyo a naimbag ti saok. Nagbalinak aya a let-ang kadakayo, kas iti nasipnget ken napeggad a daga? Saan! Apay ngarud a kunayo nga aramidenyonto ti kaykayatyo, ket pulos a dikayto agsubli kaniak?

Jeremias 25:38

Binaybay-an ti Apo dagiti tattaona a kas iti panangpanaw ti leon iti rukibna. Nagbalin a disierto ti daga gapu iti nakabutbuteng a gubat ken iti gumilgil-ayab a pungtot ti Apo.

Jeremias 30:14

Nalipatandakayo ti amin a kaayan-ayatyo; saandakayon a pagan-ano. Kaskayla kabusor a dinarupko, nadagsen ti pannakadusayo, agsipud ta adu dagiti basolyo, ken napalalo ti kinadakesyo.

Jeremias 30:15

Saankayon nga agasug, saanen a maep-ep ti ut-ot dagiti sugatyo. Kastoy ti panangdusak kadakayo, agsipud ta adu dagiti basolyo, ken nakaro ti kinadakesyo.

Jeremias 4:7

Kas iti leon a rummuar iti rukibna, umayen ti agdaddadael kadagiti nasion. Umayna dadaelen ti Juda. Madadaelto dagiti siudadna. Ket mabaybay-andanton a rebrebba nga awan ti agyan kadakuada.

Jeremias 49:19

Umayakto a kas iti leon a rummuar iti nasamek a bakir a mapan iti nalangto a pagaraban iti abay ti Karayan Jordan. Kellaatekto a kamaten dagiti Edomita ket agtataraydanto a mangpanaw iti dagada. Iturayanto ida ti piliek a pangulo. Siasino ti kas kaniak? Siasino ti kumarit kaniak? Siasino ti agturay a bumusor kaniak?

Jeremias 8:5

Apay ngarud, dakayo a tattaok, a tallikudandak ngem dikay met agsubli kaniak? Diyo mapanawan dagiti didiosenyo, ket diyo kayat ti agsubli kaniak.

Jeremias 8:7

Uray ti kannaway iti tangatang ammona ti tiempo a panagsublina. Ammo ti kalapati, ti pagaw ken ti sallapingaw ti tiempo a mapanda iti sabali a lugar. Ngem, dakayo a tattaok, diyo ammo dagiti linteg iti panangiturayko kadakayo.

Dungdung-aw 1:5

Nagballigi dagiti kabusorna, Adda ti Jerusalem iti pannakabalinda. Pinagsagaba ni Yahweh gapu kadagiti adu a basolna. Uray dagiti annakna natiliwda ket naipanawda.

Ezekiel 16:25

Inlubnakmo ti kinapintasmo. Indiayam ti bagim iti tunggal aglabas, ket inaldaw a nagbalangkantiska.

Ezekiel 22:27

Kasla lobo dagiti ofisiales ti gobierno a mangrangrangkay kadagiti animal a pinapatayda. Agpapatayda tapno bumaknangda.

Ezekiel 23:19

Nailumlom iti kinabalangkantisna ket inulitna dagiti aramidna a kas balangkantis idi balasitang pay idiay Egipto.

Daniel 7:4

Kasla leon ti umuna ngem adda payakna a kasla agila. Nakitak a naparut dagiti payakna. Naipangato iti rabaw ti daga, ket nagtakder a kasla tao. Naikkan iti panunot ti tao.

Daniel 7:6

Bayat ti panagbuybuyak, adda sabali nga animal a nakitak. Kasla leopardo ti langana. Adda uppat a payak iti bukotna a kasla payak ti tumatayab. Uppat ti ulona. Kasla adda pannakabalinna.

Oseas 5:14

Narungsotakto a kas iti leon a mangdarup kadagiti tattao ti Israel ken Juda. Panawakto ida kalpasan ti panangrangrangkayko kadakuada. Ulodekto a yadayo ida ket awanto ti makaispal kadakuada.

Habakuk 1:8

“Naparpardas a tumaray dagiti kabalioda ngem dagiti leopardo, ket narangranggasda ngem dagiti mabisin a lobo. Aggapu iti adayo dagiti nakakabalio a tattaoda. Agkur-ay dagiti kabalioda. Umayda a kasla agila a mangsippayot iti kanenda.

Sofonias 3:3

Mayarig kadagiti mabisin a leon dagiti ofisialesna. Kasla mabisin a lobo dagiti ukomna—agumda unay ta alun-onenda ti matukmaanda ket awan uray tulang nga ipabigatda.

Numero 32:14

Ita, kayatyo a tuladen ti inaramid dagiti kapuonanyo. Kayatyo kadi nga agdissuor manen ti pungtot ti Apo iti Israel? Dakeskayo la unay, dakayo a baro a kaputotan!

Paltiing 13:2

Kasla leopardo ti nakitak nga animal, kasla agsaksaka nga oso, ken kasla agngiwngiwat a leon. Inted kenkuana ti dragon ti bukodna a pannakabalin, ti trono ken ti naindaklan a turayna.