Jeremias 5:5 - Ti Baro a Naimbag a Damag Biblia

⁵ Mapanakto kadagiti agtuturay ket kasaok ida. Ammoda ti pagayatan ti Diosda; ammoda ti kayat ti Apo nga aramidenda.” Ngem linaksidda ti panangituray ti Apo; dida kayat ti agtulnog kenkuana.

Ti Biblia (1973)

⁵ Mapanacto cadagiti natan-oc a tattao, ket agsaoacto cadacuada; ta isuda ammoda ti dalan ni Jehova, ken ti kinajusticia ti Diosda. Ngem dagitoy a nagcaycaysa binungtolda ti sangol, ken pinugsatda dagiti singdan.

Jeremias 5:5 Iomraidhean Croise

2 Cronicas 36:14

Maysa pay, tinulad dagiti papangulo ti Juda, dagiti papadi ken dagiti tattao ti aramid dagiti nasion iti aglawlawda; nagdaydayawda met kadagiti imahen ket natulawan ti Templo a pinagbalin ni Yahweh a nasantoan.

Exodo 32:25

Naammiris ni Moises a pinalubosan ni Aaron dagiti tattao nga aglablabesda ket nagbalinda a maag iti imatang dagiti kabusorda.

Isaias 1:23

Nasukir dagiti pangulom ket gagayyem ida dagiti mannanakaw. Kanayonda nga umawat iti regalo ken pasuksok. Ngem dida ikalintegan dagiti ul-ulila iti pangukoman wenno denggen dagiti balo a babbai no idatagda ti darumda.

Jeremias 2:20

Kuna ti Apo a Dios, “Israel, nabayagen a linaksidmo ti panangiturayko. Dimo kinayat ti agtulnog ken agdaydayaw kaniak. Iti tunggal nangato a turod ken iti sirok ti nalangto a kayo, nagdaydayawka kadagiti didiosen, nagiddaka a kasla balangkantis.

Jeremias 2:31

Dakay a tattao ti Israel, denggenyo a naimbag ti saok. Nagbalinak aya a let-ang kadakayo, kas iti nasipnget ken napeggad a daga? Saan! Apay ngarud a kunayo nga aramidenyonto ti kaykayatyo, ket pulos a dikayto agsubli kaniak?

Jeremias 30:14

Nalipatandakayo ti amin a kaayan-ayatyo; saandakayon a pagan-ano. Kaskayla kabusor a dinarupko, nadagsen ti pannakadusayo, agsipud ta adu dagiti basolyo, ken napalalo ti kinadakesyo.

Jeremias 6:13

Nanumo man wenno nangato a tao, kayatda ti bumaknang iti saan a nalinteg a pamuspusan. Uray dagiti profeta ken papadi saurenda dagiti tattao.

Jeremias 8:7

Uray ti kannaway iti tangatang ammona ti tiempo a panagsublina. Ammo ti kalapati, ti pagaw ken ti sallapingaw ti tiempo a mapanda iti sabali a lugar. Ngem, dakayo a tattaok, diyo ammo dagiti linteg iti panangiturayko kadakayo.

Jeremias 9:3

Sisasaganada nga agulbod; agturay ditoy a daga ti kinaulbod a saan ketdi a ti kinapudno. Kuna ti Apo, “Kanayon nga agbasol dagiti tattaok, ket saanda a bigbigen a siak ti Diosda.”

Ezekiel 11:2

Kinuna ti Dios kaniak, “Anak ti tao, agplano dagitoy a tattao iti dakes ket saan a nasayaat ti pammagbagada iti daytoy siudad.

Amos 4:1

Dumngegkayo iti daytoy, dakayo a babbai a taga-Samaria a lumuklukmeg a kas kadagiti mabmabsog a baka ti Basan, dakayo a mangparparigat kadagiti nakapsut, dakayo a mangidadanes kadagiti napanglaw ken mangbilin kadagiti assawayo a yegandakayo iti naingel nga inumen!

Amos 6:1

Nakabutbutengto ti pagbanaganyo, dakayo a nanam-ay ti biagna dita Sion ken dakayo a mangipagarup a natalgedkayo dita Samaria—dakayo a papangulo iti daytoy agdindinamag a pagilian ti Israel, dakayo a kamangan dagiti tattao no masapulda ti tulong!

Mikias 3:11

Agawat dagiti agtuturay iti siudad iti pasuksok. Agpatangdan dagiti papadi no ilawlawagda ti linteg. Agdawat dagiti profeta iti kuarta no agipadtoda. Ibagada nga adda kadakuada ti Apo. Kunada, “Di met aya adda kadatayo ti Apo? Awan ti dumteng a didigra kadatayo.”

Malakias 2:7

Pagrebbengan dagiti papadi nga isuro ti pudno a pannakaammo iti Dios. Gapu ta isuda ti babaonen ni Yahweh a Mannakabalin-amin, rumbeng nga isuda ti papanan dagiti tattao tapno masursuroda ti pagayatak.

San Lucas 18:24

Nakita ni Jesus ti liday ti baknang. “Nagrigat ketdin a sumrek dagiti nabaknang iti Pagarian ti Dios!” kinunana.

San Lucas 19:14

“Ngem gurguraen dagiti kailianna, isut' gapuna a nangibaonda kadagiti tattao a sumurot kenkuana nga agkuna, ‘Dimi kayat daytoy a tao nga agari kadakami.’