Jeremias 5:4 - Ti Baro a Naimbag a Damag Biblia

⁴ Kinunak, “Uray ta nengneng met la dagitoy a tattao; minamaag ti aramidda. Dida ammo ti pagayatan ti Apo, wenno dagiti linteg ti Diosda.

Ti Biblia (1973)

⁴ Idin kinunac, Pudno a dagitoy napanglawda; maagda; ta dida ammo ti dalan ni Jehova, wenno ti linteg ti Diosda:

Jeremias 5:4 Iomraidhean Croise

Isaias 27:11

Nalaylay ken natuktukkol dagiti sanga dagiti kayo ket alaen dagiti babbai a pagsungrodda. Gapu ta awan ti naawatan dagiti tattao, saanto a kaasian ida ti Dios a namarsua kadakuada ket dinanto paraburan ida.

Isaias 29:12

No itedmo iti tao a dina ammo ti agbasa ket dawatem a basaenna, kunananto a dina ammo ti agbasa.

Jeremias 10:8

Nengneng ken maag dagiti amin a mamasirib kadakuada. Ania ti masursuroda kadagiti kayo nga imahen?

Jeremias 4:22

Kinuna ti Apo, “Nengneng dagiti tattaok; saandak nga am-ammo. Kasda la maag nga ubbing; saanda a makaawat. Nalaingda nga agaramid iti dakes, ngem dida ammo ti agaramid iti naimbag.”

Jeremias 7:8

“Kitaenyo, awan ti magangganabyo kadagitoy mangallilaw a sasao.

Jeremias 8:7

Uray ti kannaway iti tangatang ammona ti tiempo a panagsublina. Ammo ti kalapati, ti pagaw ken ti sallapingaw ti tiempo a mapanda iti sabali a lugar. Ngem, dakayo a tattaok, diyo ammo dagiti linteg iti panangiturayko kadakayo.

Jeremias 9:3

Sisasaganada nga agulbod; agturay ditoy a daga ti kinaulbod a saan ketdi a ti kinapudno. Kuna ti Apo, “Kanayon nga agbasol dagiti tattaok, ket saanda a bigbigen a siak ti Diosda.”

Oseas 4:6

Gapu ta awan ammoda, madadael dagiti tattaok. Gapu ta linaksidyo ti pannakaammo, ken ti pannursuro ti Dios nalipatanyo, laksidenkayto met agraman dagiti annakyo a kas papadik.

San Mateo 11:5

makakita dagiti bulsek, makapagna dagiti pilay, mapaimbag dagiti agkukutel, makangngeg dagiti tuleng, mapagungar dagiti natay, ket maikaskasaba ti Naimbag a Damag kadagiti napanglaw.