Jeremias 5:3 - Ti Baro a Naimbag a Damag Biblia

³ Awan duadua a ti kinapudno ti birbiroken ti Apo. Sinaplitnakayo, ngem saankayo a nangrikna; rinumeknakayo, ngem diyo kayat ti paisuro. Natangken ti uloyo, ket diyo nagpanawan dagiti basolyo.

Ti Biblia (1973)

³ O Jehova, saan aya a dagita matam cumitada iti kinapudno? sica sinaplitmo ida, ngem saanda a nasakitan; rinunotmo ida, ngem dida kinayat ti umawat iti panangtubngar; inaramidda dagiti ruprupada a natangtangken, ngem ti bato; dida kinayat ti sumubli.

Jeremias 5:3 Iomraidhean Croise

Genesis 19:34

Iti sumuno nga aldaw, kinuna ti inauna iti kabsatna, “Nakikaiddaak ken ni tatang idi rabii. Bartekenta manen ita a rabii, ket sika ti makikaidda tapno agpadata a maaddaan iti anak kenkuana.”

1 Ar-ari 13:33

Saan latta nga insardeng ni Jeroboam nga ari ti Israel dagiti dakes nga aramidna. Intultuloyna ti nangdutok kadagiti papadi a nagtaud kadagiti gagangay a familia nga agserbi kadagiti altar a binangonna. Ikonsagrarna a kas padi ti siasinoman nga agtarigagay nga agpadi.

2 Ar-ari 1:13

Nangibaon manen ti ari iti maysa a kapitan ken 50 a soldado. Simmang-at iti turod, sa nagparintumeng iti sangoanan ni Elias ket impakpakaasina, “Tao ti Dios, kaasiannak agraman dagiti tattaok. Dinakam papatayen!

2 Cronicas 16:9

Sikikita ti Apo iti entero a daga tapno pakirdenna dagiti napudno kenkuana. Minamaag ti inaramidmo ket daytoy ti gapuna a manipud ita, kanayonton ti pannakigubatmo.”

2 Cronicas 28:22

Idi kakaro ti pannakadidigrana, dayta nga Ahaz, inyad-addana ketdi ti nagbasol ken ni Yahweh.

Dagiti Salmo 51:6

Tarigagayam ti kinapudno ken nadalus a puso; punnoem ti panunotko iti siribmo.

Dagiti Salmo 51:8

Kayatko a mangngeg ti rag-o ken ragsak; agragsakak manen nupay rinumek ken tinuktukkolnak.

Dagiti Salmo 55:20

Dinarup ti sigud a kaduak dagiti gagayyemna; sinalungasingna ti nagtutulaganda.

Dagiti Proverbio 21:29

Ammo ti nalinteg ti ar-aramidenna saan a kas iti managdakdakes nga aginkukuna ket ipanna ti amin a kabaelanna nga agpamarang.

Dagiti Proverbio 22:12

Salakniban ti Apo ti kinapudno babaen iti saanna a panangkanunong iti sao dagiti naulbod.

Dagiti Proverbio 23:35

Kunamto, “Kinabildak sa. Pinang-ordak ngata ngem diak malagip. Apay a diak makariing? Uminumak pay maminsan.”

Dagiti Proverbio 27:22

Uray kabilem ti maag agingga a dandani matay, dimo maikkat ti kinamaagna.

Isaias 26:11

Di ammo dagiti kabusormo a dusaem ida; O Apo, ibabainmo ida, ket bay-am nga agsagabada. Ipalak-ammo ti dusa nga insaganam kadakuada. Ipakitam no kasano ti panagayatmo kadagiti tattaom.

Isaias 42:25

Iti kasta, indissuorna kadatayo ti pungtotna, ket sinagabatayo ti kinadawel ti gubat. Kasla apuy ti ungetna a nanguram iti Israel ngem ditay ammo idi ti mapaspasamak; pulos a saantayo a nagnakem.

Isaias 48:4

Ammok a nasukirkayo, a natangkenkayo a kas landok, kaskayo la bronse a di makillo.

Isaias 9:13

Saan a nagbabawi dagiti Israelita. Uray no dinusa ida ti Apo a Mannakabalin-amin, saanda a nagsubli kenkuana.

Jeremias 15:7

Iti tunggal ili iti daga, kasla arutang nga ipurruakkayo iti angin. Dinadaelkayo a tattaok; pinatayko dagiti annakyo gapu ta diyo insardeng ti dakes nga aramidyo.

Jeremias 17:23

Saandak nga inkaskaso wenno dinengngeg dagiti kapuonanda. Nagbalinda ketdi a nasukir; saanda a nagtulnog kaniak ket dida kinayat ti nagsursuro kaniak.

Jeremias 19:15

ti imbilin ti Apo a Mannakabalin-amin a Dios ti Israel: “Idissuorko ti amin a didigra nga imbagak nga aramiden iti daytoy a siudad ken kadagiti amin a kabangibangna nga il-ili gapu ta nasukirkayo ket diyo ipangag ti saok.”

Jeremias 2:30

Awan serserbi ti panangdusak kadakayo; diyo kayat ti paisuro kaniak. Kaskayo la narungsot a leon, a nangpapatay kadagiti profetayo.

Jeremias 3:3

Daytoy ti gapuna a di nagtudo ken di met nagarbis. Balangkantiska a babai; awan a pulos ti babainmo.

Jeremias 32:19

Nainsiriban dagiti planom ket naindaklan dagiti aramidmo. Makitam dagiti aramid dagiti tattao ket gunggonaam ida kas mayannatup iti panagbiag ken aramidda.

Jeremias 44:10

Ngem agpapan ita, dikay pay la agpakumbaba. Dikay latta agbuteng kaniak. Diyo tinungpal dagiti bilin ken linteg nga intedko kadakayo ken kadagidi kapuonanyo.

Jeremias 7:26

Nupay kasta, didak inkaskaso wenno impangag. Pinatangkenyo ti uloyo. Ket ad-adda ti kinasukiryo ngem dagiti kapuonanyo.

Jeremias 7:28

Kunamto kadakuada: ‘Daytoy ti nasion a saan a nangipangag ken ni Yahweh a Diosda. Dida kayat ti paisuro. Awanen ti kinapudno. Dida pay ket sarsaritaenen.’”

Jeremias 8:5

Apay ngarud, dakayo a tattaok, a tallikudandak ngem dikay met agsubli kaniak? Diyo mapanawan dagiti didiosenyo, ket diyo kayat ti agsubli kaniak.

Ezekiel 2:4

Natangken ti uloda ket dida agraem kaniak. Siak nga Apo a Dios, ibaonka ngarud a mangipakaammo iti ibagak kadakuada.

Ezekiel 24:13

Jerusalem, tinulawannaka dagiti dakes nga aramidmo. Nupay pinadasko ti mangdalus kenka, nagtalinaedka latta a natulawan. Saanto a naan-anay ti pannakadalusmo agingga a mariknam ti bileg ti amin a pungtotko.

Daniel 9:13

Sinagabami dagiti amin a dusa a nailanad iti Linteg ni Moises. Ngem uray ita, O Apo a Diosmi, awan ti inaramidmi tapno maragsakanka. Saankami a nagbabawi kadagiti basbasolmi wenno sinurot ti kinapudno nga agtaud kenka.

Levitico 26:23

“No kalpasan amin dagitoy a dusa ket didak pay la ipangag no di ket itultuloyyo ti mangsukir kaniak,

Amos 4:10

“Dinidigrakayo a kas iti panangdidigrak iti Egipto. Pinatayko dagiti agkabannuagyo iti gubat ket intalawko dagiti kabalioyo. Pinagbangsitko dagiti kampoyo ket nabuyok ti inang-angotyo. Ngem saankayo latta a nagsubli kaniak.

Amos 4:11

“Dinadaelko ti sumagmamano kadakayo a kas iti panangdadaelko iti Sodoma ken iti Gomorra. Dakayo a nakalasat, kaskayo la sumsumged a bislak a naikkat iti apuy tapno saan a mauram. Ngem kaskasdi a saankayo a nagsubli kaniak,” kuna ni Yahweh.

Amos 4:6

“Siak ti nangyeg iti bisin iti amin a siudadyo, isut' gapuna a naawanankayo idi iti kanen, ngem dikayo nagsubli kaniak.

Amos 4:8

Agkakapsut iti waw dagiti tattao iti sumagmamano a siudad a napan iti kabangibang a siudad tapno agsapul iti danum ngem awan makaanay nga inumen. Kaskasdi latta a saankayo a nagsubli kaniak.

Amos 4:9

“Inyegko ti makasinit nga angin a nangpagango kadagiti mulayo. Inibus dagiti dudon ti amin a kaubasan ken minuyonganyo, dagiti kayoyo nga igos ken olibo. Ngem kaskasdi a dikay nagsubli kaniak.

Sofonias 3:7

Impagarupko idi nga agbutengton kaniak dagiti tattaok ket awatenda ti panangdisiplinak kadakuada. Impagarupko a dida malipatan ti dusa nga inyegko a pangisuro kadakuada. Ngem iti saan a mabayag, ad-adda ketdi a dimmakesda.”

Taga-Roma 2:2

Ammotayo a nalinteg ti panangukom ti Dios kadagiti agaramid kadagitoy.

Hebreo 12:9

Panunotentayo ti maipapan kadagiti bukodtayo nga amma: dinisiplinaandatayo ket nagraemtayo kadakuada. Ngarud, saan kadi nga ad-adda a rumbeng laeng nga awatentayo ti pannusa nga ipatay ti naespirituan nga Amatayo tapno agbiagtayo? Iti las-ud ti ababa a tiempo, dinusadatayo dagiti bukodtayo nga amma, kas maibatay iti ipagarupda a naimbag. Ngem no maipapan iti panagsagaba nga ipalak-am ti Dios, aramidenna daytoy a pagimbagantayo tapno agbalintayo a nasagradoan a kas kenkuana.