Jeremias 5:1 - Ti Baro a Naimbag a Damag Biblia

¹ Dakayo a tattao ti Jerusalem, agtaraykayo kadagiti kalsadayo! Agsiimkayo a nalaing! Sukimatenyo dagiti plasa! Kitaenyo no adda masarakanyo a nalinteg ti aramidna ken kinapudno ti sapsapulenna. No adda, pakawanento ti Apo ti iliyo.

Ti Biblia (1973)

¹ Agtaraycayo nga agallaalla cadagiti lanlansangan ti Jerusalem, ket kitaenyo ita, ket ammoenyo, ket sapulenyo cadagiti nalawa a disdissona, no macasaraccayo iti maysa a tao, no adda asinoman nga agaramid a sililinteg, nga agsapul ti kinapudno; ket isu pacawanecto.

Jeremias 5:1 Iomraidhean Croise

1 Ar-ari 19:10

Insungbat ni Elias, “O Apo a Dios a Mannakabalin-amin, kanayon a siksika laeng ti pagserserbiak. Ngem winaswas dagiti Israelita ti katulaganda kenka, rinebbada dagiti altarmo ken pinapatayda dagiti amin a profetam. Sisiakon ti nabati—ket kayatdak pay a patayen!”

2 Cronicas 16:9

Sikikita ti Apo iti entero a daga tapno pakirdenna dagiti napudno kenkuana. Minamaag ti inaramidmo ket daytoy ti gapuna a manipud ita, kanayonton ti pannakigubatmo.”

Dagiti Salmo 12:1

Isalakannak, O Apo, ta awanen naimbag a tao; awanen ti masarakan a matalek a tao.

Dagiti Salmo 14:2

Tannawagan ti Apo ti sangkataoan manipud langit, ta kitaenna no adda maysa a masirib, kitaenna no adda agdaydayaw kenkuana.

Dagiti Salmo 14:3

Ngem isuda amin naglabsingda, dakesda amin a padapada; awan naimbag nga aramidda, wen, awan uray maysa.

Dagiti Salmo 94:16

Siasino ti salaknibko idi kadagiti managdakdakes? Siasino ti nangikalintegan kaniak kadagiti agaramid iti dakes?

Dagiti Proverbio 20:6

Adu ti mangipagarup iti bagida a napudno ken mapagtalkanda, ngem sadino ti pakasarakan iti kasta a tao?

Dagiti Proverbio 23:23

Kinapudno, kinasirib, sursuro ken naimbag a nakem—maikarida a paggastoan ngem napategda unay ket dimo kayat nga ilako.

Dagiti Proverbio 8:3

Iti pagserkan ti siudad, iti abay dagiti ruangan, ipukkawna:

Kanta ni Solomon 3:2

Bimmangonak ket sinursorko ti siudad, linasatko dagiti kalsada ken lansangan. Binirbirokko ti kaayan-ayatko, sinapsapulko ngem diak masarakan.

Isaias 59:4

Dumatagkayo iti pangukoman, ngem saan a nainkalintegan dagiti pammabasolyo. Agtalekkayo iti kinaulbod tapno mangabakkayo. Ibanagyo dagiti planoyo a mangranggas iti padayo a tao.

Jeremias 2:29

Ania aya ti reklamoyo? Apay a sinukirdak?

Jeremias 44:15

Ngarud, kinuna kaniak dagiti lallaki a makaammo a nagidatag dagiti assawada iti daton a mapuoran kadagiti didiosen, dagiti amin a babbai nga adda sadiay agraman dagiti Judio nga agnaed iti akin-abagatan a paset ti Egipto,

Jeremias 8:6

Nupay sipapasnekak a dimngeg kadakayo, saankayo a nagsao iti pudno. Awan ti uray maysa kadakayo a nagladingit gapu iti kinadakesna. Awan ti nagsaludsod no ania ti dakes nga inaramidna. Aramiden ti tunggal maysa ti kaykayatna, kas iti kabalio a sipapardas nga agturong iti paggugubatan.

Jeremias 9:2

Adda koma lugar a pagnaedak idiay let-ang tapno maadaywak dagiti tattaok. Agpapadada a managdakdakes, bunggoy ida dagiti mangliliput.

Jeremias 9:7

Daytoy ti gapuna a kuna ni Yahweh a Mannakabalin-amin, “Gugorakto dagiti tattaok ket suotekto ida. Nagbasol dagiti tattaok, ania pay ti mabalinko nga aramiden kadakuada?

Ezekiel 22:30

Nangbirokak iti makabael a mangbangon iti bakud ken mangtarimaan kadagiti narba a paset ti bakud ken mangikaluya iti daga inton dandani agdissuor ti pungtotko. Ngem awan ti nasarakak.

Ezekiel 9:9

Insungbat ti Dios, “Nadagsen dagiti basol dagiti Israelita ken dagiti taga-Juda. Nagpapatayda iti entero a daga ket insaknapda ti kinadakes iti Jerusalem. Kunada, ‘Binaybay-anen ti Apo ti dagatayo. Saannatayo a makita.’

Daniel 12:4

Kinunana kaniak: “Ita, Daniel, rikpam ti libro ket timbream agingga iti panungpalan. Kabayatanna, adunto a tattao ti mangigaed a mangammo iti kaipapanan dagiti mapaspasamak ngem agbambannogdanto laeng.”

Joel 2:9

Sipapardasda a mangraut iti siudad; kalay-atenda dagiti bakud; ulienda dagiti balbalay, ket kasda la mannanakaw a sumrek iti tawa.

Amos 8:12

Agkalkallautangto dagiti tattao manipud iti Natay a Baybay agingga iti Taaw Mediterranean, sa aglikmut manipud iti daya agingga iti laud. Sapulendanto a sipapasnek ti sao ni Yahweh, ngem didanto masarakan.

Zacarias 2:4

Kinuna ti umuna nga anghel iti sabali nga anghel, “Agtarayka a mapan iti dayta nga agtutubo a siiiggem iti pagrukod. Ibagam kenkuana nga adunto unay ti tao ken baka iti Jerusalem ket saanton a mabakudan ti siudad.

San Lucas 14:21

“Nagawid ti adipen ket imbagana amin daytoy iti apona. “Nakapungtot ti apo. Binilinna ti adipenna, ‘Darasem ti mapan kadagiti kalkalsada ken daldalan iti ili, ket yegmo ditoy dagiti napanglaw, dagiti lugpi, dagiti bulsek ken dagiti pilay.’

2 Taga-Tesalonica 2:10

Aramatennanto ti amin a kita ti dakes a pangallilaw kadagiti mapukaw. Mapukawdanto ta dida inawat ken impatpateg ti kinapudno a makaisalakan koma kadakuada.