Jeremias 48:3 - Ti Baro a Naimbag a Damag Biblia

³ Ipukkaw dagiti taga-Horonaim, ‘Anian a panagranggas! Anian a panagdadael!’

Ti Biblia (1973)

³ Ti aweng ti ickis manipud iti Horonaim, pannacalangalang ken dackel a pannacadadael.

Jeremias 48:3 Iomraidhean Croise

Isaias 15:2

Sumang-at dagiti tattao ti Dibon iti turod tapno mapanda agsangit iti lugar a pagdaydayawan. Dung-awan dagiti taga-Moab dagiti siudad ti Nebo ken Medeba. Kinuskosanda dagiti uloda ket inikkatda dagiti barbasda gapu iti ladingitda.

Isaias 15:5

Maasiaanak unay iti Moab! Nagkamang dagiti tattao idiay ili ti Zoar ken idiay Eglat Selisia. Adda dagiti agturong idiay Luhit. Agsasangitda bayat ti isasang-atda iti dalan. Adda dagiti aglibas a mapan idiay Horonaim ket agdudung-awda iti napigsa.

Isaias 15:8

Mangngeg ti sangsangit iti amin a suli ti Moab ket dumanon kadagiti ili ti Eglaim ken Beerelim.

Isaias 22:4

Ita, dakayo a tattao, bay-andak nga agsangit iti nasaem. Didak liwliwaen ta adu ti natay kadagiti tattaok.

Jeremias 20:16

Mayarig koma dayta a tao kadagiti siudad a dinadael ken saan a pinakawan ni Yahweh. Mangngegna koma ti nasaem a sangit iti bigat ken ti daranudor ti gubat iti tengnga ti aldaw,

Jeremias 47:2

Kinunana, “Adtoy, dumakdakkel ti danum iti amianan, ket manglayus a kas iti karayan. Layusenna ti daga ken amin a linaonna, dagiti siudad ken amin nga agnaed kadakuada. Agpaarayatto dagiti tattao, nasaemto ti sangitda.

Jeremias 48:34

“Agsangit dagiti tattao ti Hesbon ken Eleale. Mangngeg ti sangsangitda agingga idiay Jaaz. Mangngeg met dagiti adda idiay Zoar, idiay Horonaim ken idiay Baro nga Eglat. Nagmaga payen ti Waig Nimrim.

Jeremias 48:4

“Nadadaelen ti Moab; denggenyo dagiti ubbing nga agsasangit.

Jeremias 48:5

Denggenyo ti an-anug-ogda iti sang-atan nga agpa-Luhit. Denggenyo ti nasaem a sangsangit ti panagsagaba, iti salogan nga agpa-Horonaim.

Jeremias 51:54

Kuna ni Yahweh, “Denggenyo ti sangsangit idiay Babilonia, dungdung-awanda ti pannakadadael ti pagilian.