Jeremias 47:3 - Ti Baro a Naimbag a Damag Biblia

³ Mangngegdanto ti dalagudog dagiti kabalio, ti karadakad dagiti luglugan a pakigubat dagiti ranitrit dagiti pilpilid. Saanto a sublien dagiti amma dagiti annakda, gapu ta agsalupaypay dagiti imada.

Ti Biblia (1973)

³ Gapu iti daranudor ti panagbaddec dagiti cuco dagiti maingel, gapu iti dalagudug dagiti luganna, gapu iti caraducud dagiti pilidna, dagiti amma dida tumaliaw cadagiti annacda a gapu iti kinacapuy dagiti imada;

Jeremias 47:3 Iomraidhean Croise

Isaias 5:28

Natitirad dagiti panada ket nakasagana dagiti baida. Natangken a kas iti bato ti kuko ti saka dagiti kabalioda ket kasla alipugpog ti panagpuligos dagiti pilid ti luganda.

Jeremias 46:9

Abogenyo dagiti kabalio! Paggunayenyo dagiti lugan a pakigubat! Ibaonyo a sumaranget dagiti soldado: dagiti nakakalasag a taga-Etiopia ken taga-Put ken dagiti pumapana a taga-Lud.’”

Jeremias 50:42

Nagtagipana ken nagtagikampilanda, naranggas ken awan asida. Kasla daranudor ti taaw ti dalagudog dagiti kabalio a nagsakayanda. Sisasaganada a manggubat iti Babilonia.

Jeremias 8:16

Addan dagiti kabusortayo iti siudad ti Dan. Mangngegtayo ti banang-es dagiti kabalioda. No aggaraigi dagiti kabalioda, agkintayeg ti entero a daga. Immay dagiti kabusortayo tapno dadaelenda ti dagatayo ken ti amin a linaonna, ti siudadtayo ken dagiti tattaona.”

Ezekiel 23:24

Aggapudanto iti amianan a mangdarup kenka. Ikuyogdanto ti adu a soldado agraman dagiti lugan a pakigubat ken dagiti lugan nga agkarga kadagiti masapulda. Sikakalasag ken nakahelmetdanto a manglakub kenka. Yawatkanto kadakuada, ket ukomendakanto kas mayannurot kadagiti lintegda.

Nahum 2:4

Napegges nga agtaray dagiti lugan kadagiti kalsada; agsubli-sublida a sipapardas kadagiti lugar a nalawa. Gumilgil-ayabda a kas iti sumsumged a silaw; sumiwet-siwetda a kas iti kimat.

Nahum 2:8

Agtataray dagiti tattao ti Nineve, kas iti danum ti nasawang a tambak ti karayan. “Agsardengkayo! Agsardengkayo!” yik-ikkisda, ngem awan ti agsubli uray maysa.

Paltiing 9:9

Naabbongan dagiti barukongda iti kasla kabal a landok. Agkaykay-ab dagiti payakda ket kasla uni ti karadakad ti adu a lugan a guyguyoden dagiti kabalio nga agdardaras nga agturong iti paggugubatan.

Uk-ukom 5:22

Ket dagiti kabalio nagtatarayda, dumalagudog dagiti sakada iti daga.