Jeremias 47:2 - Ti Baro a Naimbag a Damag Biblia

² Kinunana, “Adtoy, dumakdakkel ti danum iti amianan, ket manglayus a kas iti karayan. Layusenna ti daga ken amin a linaonna, dagiti siudad ken amin nga agnaed kadakuada. Agpaarayatto dagiti tattao, nasaemto ti sangitda.

Ti Biblia (1973)

² Castoy ti cuna ni Jehova: Adtoy, dagiti dandanum dumackelda nga aggapu iti amianan, ket agbalindanto nga ayus nga aglablabiang, ket layusendanto ti daga ken amin nga adda kencuana, ti ili ken dagiti agnaed kencuana; ket dagiti lallaki agickisdanto, ken amin dagiti agnaed iti daga agdung-awdanto.

Jeremias 47:2 Iomraidhean Croise

Dagiti Salmo 24:1

Kukua ti Apo ti lubong ken amin a linaonna; kukuana ti daga ken ti amin nga agnaed kenkuana.

Dagiti Salmo 50:12

“Uray no mabisinak, diak agkiddaw kenka, ta kukuak ti lubong ken amin a linaonna.

Dagiti Salmo 96:11

Agragsakkayo, langit ken daga! Agdaranudorka, taaw ken amin nga adda kenka.

Dagiti Salmo 98:7

Agdaranudorka, baybay, ken amin a linaonmo. Agkantaka, daga, ken amin nga adda kenka.

Isaias 14:31

Agdung-awkayo ket umawagkayo iti tulong, dakay amin a siudad dagiti Filisteo! Agbutengkayo, dakayo amin! Adda umalipugpog a tapok nga aggapu iti amianan—maysa nga armada a pasig a natutured dagiti kamengna.

Isaias 15:8

Mangngeg ti sangsangit iti amin a suli ti Moab ket dumanon kadagiti ili ti Eglaim ken Beerelim.

Isaias 22:1

Daytoy ti pakdaar maipapan iti Tanap ti Parmata. Ania kadi ti mapaspasamak? Apay nga immulikayo kadagiti tuktok dagiti balbalay?

Isaias 28:17

Kinalintegto ti pagrukodan ti fondasion ket ti kinapudno ti agserbi a tinnagna.” Bagio ken layus ti mangyanudto iti amin a kinaulbod a talged ken kamangyo.

Isaias 59:19

Manipud daya agingga iti laud, kabutengto ti amin a tao ti nagan ken pannakabalinna. Dumtengto ti Apo a kas iti napegges a karayan, kas iti napigsa nga angin.

Jeremias 1:14

Kinunana kaniak, “Adda didigra nga aggapu iti amianan nga agbettak kadagiti amin nga agnaed iti daytoy a daga.

Jeremias 46:12

Nadamag dagiti nasion ti pannakaibabainyo; nangngegda amin ti panagsangsangityo. Agdidinnungpar dagiti soldado ket matuangda a padapada.

Jeremias 46:13

Idi napan rinaut ni Nebucadnesar nga ari ti Babilonia ti Egipto, kinuna ti Apo kaniak,

Jeremias 46:20

Mayarig ti Egipto iti nabaked a baka, ngem sinilud ti dakkel a ngilaw a naggapu iti amianan.

Jeremias 46:24

Maibabain dagiti taga-Egipto; pinarmek ida dagiti taga-amianan. Daytoy ti sao ti Apo.”

Jeremias 48:39

Narpuogen ti Moab. Agdung-awkayo! Inlingednan ti rupana gapu iti bain. Nadadaelen ket pagang-angawanen dagiti kabangibangna a nasion. Siak, ni Yahweh, ti agsasao.”

Jeremias 6:22

Kuna ti Apo, “Adda tattao nga aggapu iti pagilian iti amianan; adda nabileg a nasion nga agsagsagana a makigubat.

Jeremias 8:16

Addan dagiti kabusortayo iti siudad ti Dan. Mangngegtayo ti banang-es dagiti kabalioda. No aggaraigi dagiti kabalioda, agkintayeg ti entero a daga. Immay dagiti kabusortayo tapno dadaelenda ti dagatayo ken ti amin a linaonna, ti siudadtayo ken dagiti tattaona.”

Daniel 11:22

Madadaelto dagiti armada a bumusor kenkuana. Mapapatayto met ti Nangato a Padi ti Dios.

Nahum 1:8

Mamimpinsan a dadaelenna dagiti kabusorna, kas iti panangdadael ti nadawel a layus; ipanna dagiti bumusor kenkuana iti pakatayanda.

1 Taga-Corinto 10:26

Kas kuna ti Nasantoan a Surat: “Ti Apo ti akinkukua iti daga ken amin a linaonna.”

1 Taga-Corinto 10:28

Ngem no adda agkuna kenka, “Naidaton daytoy a taraon kadagiti didiosen,” saanmo a kanen gapu iti nangibaga kenka ken gapu ta maburibor ti konsensiam—

Santiago 5:1

Ita, denggendak, dakayo a babaknang! Agsangit ken agdung-awkayo gapu kadagiti didigra a mapagtengyonto.

Paltiing 17:1

Immasideg kaniak ti maysa kadagiti pito nga angheles nga addaan iti pito a malukong ket kinunana: “Umayka, ket ipakitak kenka ti pannakadusa ti reyna ti immoralidad, dayta agdindinamag a siudad a nabangon iti asideg dagiti adu a karayan.

Paltiing 17:15

Kinuna pay ti anghel kaniak: “Dagiti nakitam a danum a pagtugtugawan ti immoral a babai, isuda dagiti adu a tattao iti amin a puli ken pagilian.