Jeremias 44:3 - Ti Baro a Naimbag a Damag Biblia

³ Kasta ti inaramidko gapu iti kinadakes dagiti tattaoda ket pinagpungtotdak. Nagidatagda iti daton a mapuoran kadagiti didiosen. Nagserbida kadagiti didiosen a dida pay idi nagdaydayawan ken uray dakayo wenno dagidi kapuonanyo.

Ti Biblia (1973)

³ A gapu iti kinadakesda nga inaramidda a ginargaridac nga agpungtot, iti inda panagpuur iti incienso, ken agservi cadagiti sabali a diosen a saanda a naammoan, isuda, wenno dacayo, wenno dagiti ammayo.

Jeremias 44:3 Iomraidhean Croise

Nehemias 9:33

Nalinteg ti inaramidmo iti panangdusam kadakami, napudnoka ngem nagbasolkami.

Isaias 3:8

Wen, nasentensiaanen a madadael ti Jerusalem! Marmarban ti Juda! Maibusor ken ni Yahweh ti amin a sao ken aramidda. Insultoenda ti Dios iti sango dagiti tattao.

Jeremias 11:17

“Siak, ni Yahweh a Mannakabalin-amin, ti nangimula iti Israel ken Juda. Ngem ita, ikeddengko a madidigrada gapu iti dakes nga inaramidda. Pinagpungtotdak gapu kadagiti panagidatagda ken ni Baal kadagiti daton a mapuoran.”

Jeremias 16:10

“Inton ibagam kadakuada dagitoy, saludsodendanto kenka no apay a dusaek ida iti napalalo, no ania ti nakabasolanda ken no ania ti basolda kaniak a Diosda.

Jeremias 22:9

Wen, ta binaybay-anyo ti katulaganyo kaniak a Diosyo ket nagdaydayaw ken nagserbikayo kadagiti sabali a dios.”

Jeremias 29:19

Mapasamakto daytoy kadakuada agsipud ta dida tinungpal ti saok a pinaibagbagak kadakuada babaen kadagiti adipenko a profeta. Saanda a nangipangag.

Jeremias 32:30

Manipud iti mismo a panangrugi ti pakasaritaanda, pinagpungtotdak dagiti Israelita ken dagiti tattao ti Juda gapu iti dakes nga aramidda.

Jeremias 44:23

Napasamak kadakayo daytoy a pannakadadael, kas makitayo ita, ta nagidatagkayo kadagiti daton a mapuoran kadagiti didiosen; ket nagbasolkayo iti Apo gapu ta diyo tinungpal amin a bilinna.”

Jeremias 44:8

Apay a pagpungtotendak babaen iti panagdaydayawyo kadagiti imahen ken iti panagidatagyo iti daton a mapuoran kadagiti didiosen ditoy Egipto nga immayyo pagnaedan? Aramidenyo kadi dagitoy a pangdadael laeng kadagiti bagbagiyo tapno pagang-angawandakayo dagiti amin a nasion ditoy lubong ket aramatenda a pagilunod ti naganyo?

Jeremias 5:19

No saludsodenda no apay nga aramidek amin dagitoy, kastoy ti kunam, Jeremias, ‘Gapu ta linaksidyo ti Apo, ket nagserbikayo kadagiti ganggannaet a didiosen iti dagayo. Agserbikayonto met kadagiti ganggannaet iti daga a saanyo a kukua.’”

Jeremias 5:29

“Ngem siak, ni Yahweh, dusaekto ida gapu kadagiti dakes nga aramidda. Balsekto daytoy a nasion!

Jeremias 7:19

Ngem siak aya ti pagpungtotenda? Saan! Ti bagbagida met laeng ti dangran ken ibabainda.

Dungdung-aw 1:8

Napukawen ti dayawna, lamolamo ken lalaisenda. Agasug ket sibabain a mangilemmeng iti rupana. Tinulawanna ti bagina gaput' nadagsen a basolna.

Dungdung-aw 4:13

Ngem kasta ti napasamak! Nagbasol dagiti papadi ken profetana ket inyegda ti ipapatay dagiti awan basolna.

Ezekiel 9:9

Insungbat ti Dios, “Nadagsen dagiti basol dagiti Israelita ken dagiti taga-Juda. Nagpapatayda iti entero a daga ket insaknapda ti kinadakes iti Jerusalem. Kunada, ‘Binaybay-anen ti Apo ti dagatayo. Saannatayo a makita.’

Daniel 9:5

Nagbasolkami. Dakeskami, ket saan a naimbag ti inaramidmi. Sinukirmi dagiti imbilinmo nga aramidenmi. Tinallikudanmi ti naimbag nga impakitam kadakami.

Deuteronomio 13:6

“Nalabit nga umay a sililimed ti kabsatyo wenno annakyo wenno ti patpatgenyo nga asawa wenno ti nadekket a gayyemyo ket awisennakayo nga agdaydayaw kadagiti sabali a didiosen, a diyo pay nagdaydayawan kasta met dagidi kapuonanyo.

Deuteronomio 29:25

Kastoyto ti sungbat: ‘Gapu ta sinalungasing dagiti tattaona ti katulaganda iti Apo a Dios dagidi kapuonanda idi inruarna ida idiay Egipto.

Deuteronomio 29:26

Nagserbida kadagiti didiosen a dida pay nagdaydayawan, uray no imparit ti Apo a pagdaydayawanda.

Deuteronomio 32:17

Nagidatagda iti daton kadagiti saan a pudno a didiosen, didiosen a di nagdaydayawan dagiti Israelita ken di kinabuteng dagidi kapuonanda.

Hebreo 3:16

Siasino dagiti nakangngeg iti timek ti Dios ken bimmusor kenkuana? Isuda amin nga impanaw ni Moises idiay Egipto.