Jeremias 42:4 - Ti Baro a Naimbag a Damag Biblia

⁴ “Ala wen,” insungbatko. “Ikarkararagankayto iti Apo a Diostayo kas dawatenyo. No aniaman ti kunana, ibagakto kadakayo. Awanto ti ilimedko.”

Ti Biblia (1973)

⁴ Idin ni Jeremias a mammadto kinunana cadacuada, Nangngegcayo; adtoy, agcararagacto ken Jehova a Diosyo a mayannurot cadagiti saoyo; ket maaramidto nga ti uray ania a ni Jehova isungbatnanto cadacayo, ipalawagconto cadacayo; awanto ti ilimedco cadacayo.

Jeremias 42:4 Iomraidhean Croise

Dagiti Salmo 40:10

Diak inlimlimed ti damag ti panangisalakanmo; kanayon nga ibagbagak ti kinapudnom ken ti panangispalmo. Wen, diak inlimlimed ti di agbalbaliw nga ayat ken kinapudnom, iti dakkel a taripnong dagiti tattaom.

Exodo 8:29

Kinuna ni Moises, “Apaman a makapanawak, dawatek iti Apo nga ikkatenna dagiti ngilaw tapno inton bigat, awandanton kenka, kadagiti ofisialesmo ken kadagiti tattaom. Ngem dinakam allilawen manen. Dimo lapdan dagiti tattao a mapan agidatag iti daton iti Apo.”

Jeremias 23:28

Ti profeta a nagtagtagainep, ibagana koma a tagainepna laeng, ket ti profeta a nakangngeg iti imbagak, ipakaammona koma a sipupudno ti mensahek. Ania aya ti arutang no maidilig iti trigo?

Jeremias 23:35

Kastoy koma ketdi ti sawen ti tunggal maysa iti gayyem wenno kabagianna, ‘Ania ti sungbat ti Apo? Ania ti kinuna ti Apo?’

Jeremias 26:2

kinuna ti Apo kaniak, “Agtakderka iti paraangan ti Templo ket ipakaammom kadagiti taga-Juda a mapan agdaydayaw sadiay ti amin nga imbilinko kenka. Awan ti ilimlimedmo. Ibagam amin.

Ezekiel 2:7

Ibagamto kadakuada ti aniaman nga ibagak, dumngegda man wenno saan. Laglagipem a nasukirda a tattao.

Dagiti Aramid 20:20

Ammoyo met a diak impaidam ti aniaman a makatulong kadakayo bayat ti panangaskasabak ken panangisursurok kadakayo iti publiko ken kadagiti balbalayyo.

Dagiti Aramid 20:27

Ta diak nagliway a nangipakpakaammo kadakayo iti amin a panggep ti Dios.

Taga-Roma 10:1

Kakabsatko, tarigagayak iti amin a pusok a maisalakan koma dagiti kadaraak! Nasged ti panangidawdawatko kadakuada iti Dios!

1 Samuel 12:23

No maipapan kaniak, adayo nga agbasolak iti Apo babaen iti panagsardengko a mangikarkararag kadakayo. Ngem isurokayo ketdi iti nasayaat ken nalinteg a dalan.