Jeremias 41:1 - Ti Baro a Naimbag a Damag Biblia

¹ Iti maikapito a bulan iti dayta a tawen, napan sinarungkaran ni Ismael ni Gobernador Gedalias idiay Mizpa. Kaduana ti sangapulo a lallaki. Anak ni Netanias ni Ismael ken apoko ni Elisama a nagtaud iti familia dagiti ari ken kameng ti maysa kadagiti nangato nga ofisiales ti ari. Bayat ti panaglalanglangda amin a mangan,

Ti Biblia (1973)

¹ Ket naaramid iti maicapito a bulan, a ni Ismael nga anac ni Netanias, nga anac a lalaki ni Elisama, a nagtaud iti naarian a putot ken maysa cadagiti pagturayen ti ari, ken sangapulo a lallaki a cadduana immayda ken Gedalias nga anac a lalaki ni Ahicam idiay Mizpa; ket nakipanganda iti tinapay idiay Mizpa.

Jeremias 41:1 Iomraidhean Croise

2 Samuel 3:27

Idi agsubli ni Abner idiay Hebron, inayaban ni Joab iti asideg ti ruangan a kasla makisao kenkuana iti nalimed. Dinuyokna ti tian ni Abner. Iti kasta, napapatay ni Abner gapu ta pinatayna ni Asael a kabsat ni Joab.

2 Ar-ari 11:1

Apaman a naammoan ni Atalia nga ina ni Ari Ahazias a napapatay ti anakna, pinapapatayna met dagiti amin a kameng ti familia ti ari.

2 Ar-ari 25:22

Insaad ni Ari Nebucadnesar ni Gedalias nga anak ni Ahikam ken apoko ni Safan a kas gobernador ti Juda. Dinutokanna a mangaywan kadagiti saan a naipan idiay Babilonia.

2 Ar-ari 25:25

Ngem iti maikapito a bulan iti dayta a tawen, dimteng idiay Mizpa ni Ismael nga anak ni Netanias ken apoko ni Elisama a nagtaud iti naarian a familia. Kaduana ti sangapulo a lallaki, dinarupda ni Gedalias ket pinapatayda agraman dagiti Israelita ken taga-Babilonia a kaduana sadiay.

2 Cronicas 22:10

Apaman a nadamag ni Atalia nga ina ni Ari Ahazias ti pannakapapatay ti anakna, pinapapatayna met dagiti amin a kamkameng ti familia ti ari ti Juda.

Dagiti Salmo 109:5

Dakes ti isupapakda kaniak iti naimbag nga impaayko; gura ti isubadda iti ayatko.

Dagiti Salmo 41:9

Uray ti kadekketan a gayyemko a nagtaltalkak, ti gayyemko a nakipangpangan kaniak, uray isu, tinallikudannak.

Dagiti Proverbio 13:10

Riribuk laeng ti patauden ti kinatangsit. Naim-imbag ti pabagbagaan.

Dagiti Proverbio 27:4

Naranggas ken nadawel ti pungtot, ngem nakarkaro pay ti imon.

Jeremias 36:12

Napan iti palasio ket simrek iti kuarto ti mammagbaga iti ari nga ayan dagiti ofisiales a madama nga agmimiting. Adda sadiay ni Elisama a mammagbaga iti ari, ni Delaias nga anak ni Semaias, ni Elnatan nga anak ni Acbor, ni Gemarias nga anak ni Safan, ni Zedekias nga anak ni Hananias ken dagiti amin nga ofisiales.

Jeremias 36:20

Inkabil dagiti ofisiales ti nalukot a pagbasaan iti kuarto ni Elisama a mammagbaga sada napan iti paraangan ti palasio ket imbagada amin iti ari.

Jeremias 39:14

Pinaaladak iti paraangan ti pangukoman. Pinaaywanandak ken ni Gedalias nga anak ni Ahikam ken apoko ni Safan tapno isu ti kumita kaniak a makasangpetak nga awan pakaan-anoak. Nakipagnaedak ngarud kadagiti tattao sadiay.

Jeremias 40:13

Kalpasan daytoy, napan idiay Mizpa da Johanan nga anak ni Karea ken dagiti pangulo dagiti mannakigubat a saan a simmuko ken ni Gedalias. Dimmatagda ken ni Gedalias

Jeremias 40:5

Idi saanak a simmungbat, kinuna ni Nebuzaradan, “Agsublika ngarud ken ni Gedalias nga anak ni Ahikam ken apoko ni Safan. Isu ti insaad ti ari ti Babilonia a gobernador kadagiti il-ili ti Juda. Agyanka kenkuana ket agnaedka iti ayan dagiti tattao wenno inka iti sadinoman a kayatmo a papanan.” Inikkannak iti sagut ken taraon sanak pinalubosan.

Jeremias 40:6

Napanak nakipagyan ken ni Gedalias idiay Mizpa, ket nakipagtaengak kadagiti tattao a nabati iti daga ti Juda.

Jeremias 40:7

Adda sumagmamano kadagiti ofisiales ken soldado ti Juda a saan a simmuko kadagiti taga-Babilonia. Nadamagda nga insaad ti ari ti Babilonia ni Gedalias nga anak ni Ahikam a kas gobernador ti Juda ken mangimaton kadagiti amin a tattao a saan a naipan a kas balud idiay Babilonia. Dagitoy ti kapanglawan kadagiti tattao iti daga.

Jeremias 40:8

Napanda ngarud idiay Mizpa ket nakiumanda ken ni Gedalias. Nairaman kadakuada ni Ismael nga anak ni Netanias, Johanan nga anak ni Karea, Seraias nga anak ni Tanhumet, dagiti lallaki nga annak ni Efai a Netofatita ken Jezanias a Maacatita, agraman dagiti soldadona.

Ezekiel 17:13

Nangala ti maysa kadagiti familia ti ari, nagtulagda ket pinagsapatana a dina salungasingen ti nagtulaganda. Innalana ti sumagmamano a natan-ok a lallaki a kas balud

San Juan 13:18

“Saan a dakay amin ti pakaiturongan dagiti sasawek. Ammok dagiti pinilik. Ngem masapul a matungpal ti adda a naisurat, ‘Kinugtarannak ti nakipangan kaniak.’