Jeremias 4:7 - Ti Baro a Naimbag a Damag Biblia

⁷ Kas iti leon a rummuar iti rukibna, umayen ti agdaddadael kadagiti nasion. Umayna dadaelen ti Juda. Madadaelto dagiti siudadna. Ket mabaybay-andanton a rebrebba nga awan ti agyan kadakuada.

Ti Biblia (1973)

⁷ Maysa a leon simmang-at manipud iti casamecanna, ken maysa a mangdadael cadagiti nasnacion; isu adda iti dalanna, rimmuar iti dissona, tapno aramidenna ti dagam a langalang, tapno dagiti il-ilim maracracda, nga awan ti agnaed.

Jeremias 4:7 Iomraidhean Croise

2 Ar-ari 24:1

Bayat ti panagturay ni Joakim, rinaut ni Ari Nebucadnesar ti Juda. Tallo a tawen a naipapilit a pinaiturayan ken ni Nebucadnesar ngem kalpasanna immalsa.

2 Ar-ari 25:1

Binusor ni Zedekias ni Nebucadnesar nga ari ti Babilonia. Iti kasta, dimteng ni Nebucadnesar ken ti entero nga armada ket rinautda ti Jerusalem iti maika-10 nga aldaw ti maika-10 a bulan iti maikasiam a tawen a panagturay ni Zedekias. Nagkampoda iti ruar ti siudad, binangenanda iti aglikmut

Isaias 1:7

Nadadael a namimpinsan ti pagilianyo ket napuoran dagiti siudadyo agingga a dimmapuda. Iti imatangyo, sakupen dagiti ganggannaet ti dagayo ket dadaelenda ti amin.

Isaias 5:9

Nangngegko ti sao ti Apo a Mannakabalin-amin. Kinunana, “Agrakayanto dagitoy dadakkel ken napipintas a balbalay ket awanto ti nagyanda.

Isaias 6:11

Sinaludsodko, “Kasano ti kabayagna a kastoy, O Apo?” Insungbatna, “Agingga a madadael dagiti siudad ket awanen agnaed. Agingga nga awanen agnaed kadagiti balbalay. Agingga nga aglangalang a mamimpinsan ti daga.

Jeremias 2:15

Kasda la leon a nagngernger kenkuana; pinagbalinda a disierto ti dagana ket dagiti ilina narbada, naan-anay a nagpanawan, awan agnaed kadakuada.

Jeremias 22:6

“Ibilangko a napintas ti palasio ti Juda a kas iti Galaad ken iti Bantay Libano, ngem paglangalangekto agingga nga awan ti agnaed.

Jeremias 22:7

Mangibaonakto kadagiti mangrebba iti palasio. Ikuyogdanto dagiti wasayda a pangpukan kadagiti napintas a kayo ti sedro ket puorandanto.

Jeremias 25:38

Binaybay-an ti Apo dagiti tattaona a kas iti panangpanaw ti leon iti rukibna. Nagbalin a disierto ti daga gapu iti nakabutbuteng a gubat ken iti gumilgil-ayab a pungtot ti Apo.

Jeremias 25:9

‘Paayabakto dagiti amin a tattao iti amianan agraman ni adipenko a Nebucadnesar nga ari ti Babilonia. Ibaonkonto ida a manggubat iti daytoy a nasion, kadagiti nagnaed kenkuana ken kadagiti amin a nasion a kabangibangna. Pukawekto ida a mamimpinsan. Agnanayonto nga aglangalang ti dagada ket agbalindanto a pagsidsiddaawan ken pagbutbutngan. Siak, ni Yahweh, ti nagsao iti daytoy.

Jeremias 26:9

Apay a kinunam iti nagan ti Apo nga agbalinto daytoy a Templo a kas iti Silo? Imbagam a madadaelto daytoy a siudad ket awanton ti agnaed.” Ket inaribungbongandak dagiti tattao.

Jeremias 27:8

“Ngem no addanto nasion wenno pagarian a saan a paiturayan ken ni Nebucadnesar, yegkonto a kas pangdusak ti gubat, bisin ken angol agingga a dadaelen a mamimpinsan ti ari ti Babilonia dayta a nasion wenno pagarian.

Jeremias 33:10

Kinuna ti Apo, “Kunkuna dagiti tattao a kasla let-ang daytoy a disso. Awan tao wenno animal nga agnaed. Ket pudno ti ibagbagada. Awan tao ita kadagiti ili iti Juda wenno kadagiti kalsada iti Jerusalem. Awan tao wenno animal nga agnaed sadiay. Ngem kadagitoy a lugar, mangngegyonto manen dagiti ariwawa

Jeremias 34:22

Ibilinkonto nga agsublida iti daytoy a siudad. Rauten, parmeken ken puorandanto. Pagbalinekto a kas iti let-ang dagiti il-ili ti Juda nga awan ti agnaed. Siak, ni Yahweh, ti nagsao iti daytoy.”

Jeremias 4:29

Agtatarayto amin a tattao inton mangngegda ti dalagudog dagiti nagkabalio ken nagtagipana. Addanto dagiti agkamang iti kabakiran; addanto met dagiti aglemmeng kadagiti rangrangkis. Mapanawanto amin a siudad, ket awanto ti agnaed kadakuada.

Jeremias 44:2

Kinuna ti Apo a Mannakabalin-amin a Dios ti Israel, “Nakitayo a mismo ti panangdadaelko iti Jerusalem ken kadagiti amin a siudad ti Juda. Langalangda pay laeng agpapan ita ket awan agnaed kadakuada.

Jeremias 46:18

Siak, ni Yahweh a Mannakabalin-amin ket ari. Siak ti sibibiag a Dios. ‘Kas iti Bantay Tabor a kabilgan kadagiti bambantay, ken ti Bantay Carmel a nangatngato ngem ti baybay, kastanto ti bileg ti umay mangraut kadakayo.’

Jeremias 49:19

Umayakto a kas iti leon a rummuar iti nasamek a bakir a mapan iti nalangto a pagaraban iti abay ti Karayan Jordan. Kellaatekto a kamaten dagiti Edomita ket agtataraydanto a mangpanaw iti dagada. Iturayanto ida ti piliek a pangulo. Siasino ti kas kaniak? Siasino ti kumarit kaniak? Siasino ti agturay a bumusor kaniak?

Jeremias 5:6

Daytoy ti gapuna a patayento ida dagiti leon ti kabakiran. Rangrangkayento ida ti lobo ti let-ang, ket agdakiwasto ti leopardo kadagiti ilida. Pisangpisangennanto ti siasinoman a rummuar kadakuada. Nakaad-adu ngamin ti basolda, ket namin-adun a tinallikudanda ti Dios.

Jeremias 50:17

Kuna ni Yahweh, “Mayarig dagiti Israelita iti arban ti karnero a kinamatkamat ken winarawara dagiti leon. Rinangrangkay nga immuna ida ti ari ti Asiria. Kalpasanna, nginutngotan ni Ari Nebucadnesar dagiti tultulangda.

Jeremias 50:44

“Umayakto a kas iti leon a rummuar iti nasamek a bakir a mapan iti nalangto a pagaraban iti abay ti Karayan Jordan. Kellaatekto a kamaten dagiti taga-Babilonia ket agtataraydanto a mangpanaw iti siudadda. Iturayanto ida ti piliek a pangulo. Siasino ti kas kaniak? Siasino ti kumarit kaniak? Siasino ti agturay a bumusor kaniak?

Jeremias 8:16

Addan dagiti kabusortayo iti siudad ti Dan. Mangngegtayo ti banang-es dagiti kabalioda. No aggaraigi dagiti kabalioda, agkintayeg ti entero a daga. Immay dagiti kabusortayo tapno dadaelenda ti dagatayo ken ti amin a linaonna, ti siudadtayo ken dagiti tattaona.”

Jeremias 9:11

Kuna ti Apo, “Pagbalinekto ti Jerusalem a nagrebbaan, a pagnaedan dagiti lobo iti let-ang. Aglangalangto dagiti siudad ti Juda, awanton ti agnaed kadakuada.”

Ezekiel 12:20

Madadaelto dagiti siudad a napno ita kadagiti tattao, ket agbalinto a let-ang ti pagilian. Iti kasta, mabigbigdanto a siak ni Yahweh.”

Ezekiel 21:31

Mariknamto ti pungtotko no idissuorko kenka a kas gumilgil-ayab nga apuy. Yawatkanto kadagiti nadawel a tattao, dagiti eksperto nga agdadael.

Ezekiel 32:2

Kinunana, “Anak ti tao, ballaagam ti ari ti Egipto. Ibagam kenkuana ti saok, ‘Arigmo ti leon iti baet dagiti nasion. Ngem ad-adda a kaskala buaya iti karayan a mangkibkibur iti danum. Libegem ti danum ket rugitam dagiti karayan.

Daniel 5:19

Gapu iti nagpaiduma a pannakabalinna, nagbuteng ken nagtigerger iti sangoananna dagiti amin a tattao ti nadumaduma a puli ken pagsasao. Pinapatayna dagiti kayatna a mapapatay ket inispalna dagiti kayatna a maispal. Intan-okna dagiti kayatna nga itan-ok ket impababana dagiti kayatna nga ipababa.

Daniel 7:4

Kasla leon ti umuna ngem adda payakna a kasla agila. Nakitak a naparut dagiti payakna. Naipangato iti rabaw ti daga, ket nagtakder a kasla tao. Naikkan iti panunot ti tao.

Levitico 26:31

rebbaekto dagiti siudadyo, dadaelekto dagiti lugar a pagrukrukbabanyo ket diakto awaten dagiti idatonyo.

Levitico 26:33

Yegkonto ti gubat kadakayo ket iwarawarakayto kadagiti nadumaduma a pagilian. Awanton ti matagtagitao iti dagayo ket aglangalangto dagiti siudadyo.