Jeremias 4:6 - Ti Baro a Naimbag a Damag Biblia

⁶ Mangipasdekkay iti bandera iti dalan nga agpa-Sion. Agpaknikayo! Dikay agtaktak! Adda didigra ken adu a panagdadael a yeg ni Yahweh manipud iti amianan.

Ti Biblia (1973)

⁶ Mangipasdeccayo iti maysa a wagayway iti agturong idiay Sion: agtalawcayo tapno mailisicayo, dicayo agtactac; ta iyegconto ti dakes manipud iti amianan, ken maysa a dackel a pannacadadael.

Jeremias 4:6 Iomraidhean Croise

Isaias 62:10

Tattao ti Jerusalem, rummuarkayo iti siudad, ket agaramidkayo iti kalsada a pagnaan dagiti agsubli a kailianyo. Mangisaganakayo iti nalawa a dalan; ikkatenyo dagiti batbatona. Mangikabilkayo iti pagilasinan

Jeremias 10:22

Denggenyo! Adda damag! Adda dakkel a karibuso nga aggapu iti nasion ti amianan. Dagiti armadana paglangalangenna dagiti siudad ti Juda, pagbalinenna a taeng dagiti lobo.”

Jeremias 18:11

Ngarud, ibagam kadagiti tattao ti Juda ken ti Jerusalem nga adda planok a maibusor kadakuada ket agsagsaganaak a mangdusa kadakuada. Ibagam nga isardengda ti dakes a panagbiagda ket balbaliwanda dagiti kababalin ken dagiti dakes nga aramidda.

Jeremias 21:7

Patiliwkonto ni Zedekias nga ari ti Juda, dagiti ofisialesna ken dagiti tattao a makalasat iti gubat, bisin ken sakit. Tiliwento ida ni Ari Nebucadnesar ken dagiti kabusorda nga agtarigagay a mangpatay kadakuada. Papapataynanto ida ket awanto ti ispalen wenno kaasianna. Siak, ni Yahweh, ti nagsao iti daytoy.”

Jeremias 22:7

Mangibaonakto kadagiti mangrebba iti palasio. Ikuyogdanto dagiti wasayda a pangpukan kadagiti napintas a kayo ti sedro ket puorandanto.

Jeremias 25:9

‘Paayabakto dagiti amin a tattao iti amianan agraman ni adipenko a Nebucadnesar nga ari ti Babilonia. Ibaonkonto ida a manggubat iti daytoy a nasion, kadagiti nagnaed kenkuana ken kadagiti amin a nasion a kabangibangna. Pukawekto ida a mamimpinsan. Agnanayonto nga aglangalang ti dagada ket agbalindanto a pagsidsiddaawan ken pagbutbutngan. Siak, ni Yahweh, ti nagsao iti daytoy.

Jeremias 4:21

Kasano ti kabayag a kitkitaek ti bandera ken dengdenggek ti trumpeta?

Jeremias 50:2

“Ipakaammom ti damag kadagiti nasion! Iwaragawagmo! Itedmo ti pagilasinan ket iwarasmo ti damag! Dimo ilimlimed! Naparmeken ti Babilonia! Naibabainen ni Bel! Naburburaken ni Marduk a didiosenna! Naibabainen dagiti imahen, narumrumeken dagiti didiosenna.

Jeremias 50:22

Mangngeg ti daranudor ti gubat iti daga. Adda dakkel a pannakadadael.

Jeremias 51:12

Ibayogyo ti pagilasinan ti pannakadarup dagiti bakud ti Babilonia. Nayonanyo dagiti guardia! Ipuestoyo dagiti agbantay kadagiti lugarda. Pagsaganaenyo dagiti agsaneb.” Tinungpal ni Yahweh ti imbagana nga aramiden kadagiti taga-Babilonia.

Jeremias 51:27

“Ikabilyo ti pagilasinan ti idadarup! Pagunienyo ti trumpeta tapno mangngeg dagiti nasion! Pagsaganaenyo dagiti nasion a manggubat iti Babilonia! Ibagayo a dumarup dagiti pagarian ti Ararat, Minni ken Askenaz. Mangtudingkayo iti mangidaulo iti panangraut. Iruaryo dagiti kabalio a kas iti pangen ti dudon ti kaaduda.

Jeremias 51:54

Kuna ni Yahweh, “Denggenyo ti sangsangit idiay Babilonia, dungdung-awanda ti pannakadadael ti pagilian.

Jeremias 6:1

Tattao ti Benjamin, panawanyo ti Jerusalem! Isalakanyo dagiti bagbagiyo! Puyotenyo ti trumpeta idiay Tekoa! Mangikabilkay iti pagilasinan idiay Bet-hakerem! Adda didigra ken pannakadadael nga aggapu iti amianan.

Jeremias 6:22

Kuna ti Apo, “Adda tattao nga aggapu iti pagilian iti amianan; adda nabileg a nasion nga agsagsagana a makigubat.

Ezekiel 9:1

Nangngegko nga impukkaw ti Dios, “Umaykayo, dakayo a nadutokan a mangdusa iti siudad. Itugotyo dagiti igamyo.”

Ezekiel 9:2

Dagus a rimmuar ti innem a lallaki iti akinruar nga akin-amianan a ruangan ti Templo. Adda igam ti tunggal maysa. Kaduada ti maysa a tao a nakakawes iti linen ken nakasalikad iti pagsurat. Napanda amin nagtakder iti asideg ti altar a bronse.

Sofonias 1:10

Kuna ti Apo, “Iti dayta nga aldaw, mangngegyonto ti ikkis nga aggapu iti Ruangan ti Ikan idiay Jerusalem. Mangngegyonto ti sangsangit dagiti tattao iti baro a paset ti siudad. Matimudyonto ti napigsa a daranudor ti pannakarba kadagiti turod.

Zacarias 6:6

Agpa-amianan a mapan Babilonia ti lugan a guyguyoden dagiti nangisit a kabalio. Agpa-laud dagiti puraw a kabalio, ket agpa-abagatan dagiti labang nga agturong iti maysa a pagilian.