Jeremias 4:5 - Ti Baro a Naimbag a Damag Biblia

⁵ Pagunienyo ti trumpeta iti entero a daga! Agpukkawkay iti nalawag a timek! Ibagayo kadagiti tattao ti Juda ken ti Jerusalem nga agkamangda kadagiti nasarikedkedan a siudad.

Ti Biblia (1973)

⁵ Ipacdaaryo idiay Juda, ken iwarragawagyo idiay Jerusalem; ket cunaenyo, Puyotenyo ti tangguyob iti daga: ipuccawyo, ket cunayo, Aguornongcayo, ket intayon cadagiti nasarikedkedan nga il-ili.

Jeremias 4:5 Iomraidhean Croise

Isaias 28:19

Ulit-ulitennakayto a pagsagabaen ket binigatto nga agsubli. Aldaw ken rabii a masapul nga ibturanyo ti ipalak-amna. Tunggal adda ipakaammo ti Dios, yegna ti baro a panagbuteng.

Jeremias 11:2

“Denggem dagiti sagudayen daytoy a tulag. Ibagam kadagiti tattao ti Juda ken kadagiti agnanaed iti Jerusalem

Jeremias 35:11

Ngem idi rinaut ni Nebucadnesar nga ari ti Babilonia daytoy a daga, inkeddengmi ti umay agnaed ditoy Jerusalem tapno mapanawanmi ti armada ti Babilonia ken ti Siria. Daytoy ti gapuna nga agnaedkami ditoy Jerusalem.”

Jeremias 5:20

Kuna ti Apo, “Ibagam kadagiti kaputotan ni Jacob, ibagam kadagiti tattao ti Juda:

Jeremias 6:1

Tattao ti Benjamin, panawanyo ti Jerusalem! Isalakanyo dagiti bagbagiyo! Puyotenyo ti trumpeta idiay Tekoa! Mangikabilkay iti pagilasinan idiay Bet-hakerem! Adda didigra ken pannakadadael nga aggapu iti amianan.

Jeremias 8:14

“Apay nga agtutugawtayo nga awan ti ar-aramidentayo?” saludsoden dagiti tattao ti Dios. “Umaykayon, intayo kadagiti nasarikedkedan a siudad ket mataytayo sadiay. Inkeddeng ti Apo a Diostayo a mataytayo. Inikkannatayo iti nasabidongan a danum nga inumentayo agsipud ta nagbasoltayo kenkuana.

Jeremias 9:12

Sinaludsodko, “O Apo, apay a nadadael ti daga ken namaga a kasla let-ang ket awan ti agdaliasat? Siasino ti masirib a makaawat iti daytoy? Siasino ti nangipalawagam iti daytoy tapno ibagana met iti sabali a tao?”

Ezekiel 7:14

Mapuyotto dagiti trumpeta ket agsagananto ti amin ngem awan ti mapan makigubat ta agdissuor ti pungtot ni Yahweh iti tunggal maysa.

Oseas 8:1

Kuna ti Apo, “Puyotenyo ti trumpeta! Adda dagiti kabusor a sumiplag iti dagak a kas kadagiti agila nga agam-ampayag. Winaswas ngamin dagiti tattaok ti tulagko, ket sinalungasingda ti pannursurok.

Joel 2:1

Puyotenyo ti trumpeta; ipakdaaryo a dumteng ti peggad idiay Sion, ti nasantoan a turod ti Dios. Agpigergerkayo, dakay amin a taga-Juda, ta asidegen ti yaay ti aldaw ti Apo!

Amos 3:6

No aguni ti trumpeta a mangipakaammo iti gubat, saan aya nga agbuteng dagiti tattao iti siudad? Adda kadi nakaal-aliaw a mapasamak iti maysa a siudad a di aramid ti Apo?

Amos 3:8

No agngernger ti leon, adda aya saan a mabuteng? No agsao ni Apo Dios, siasino ti di mangipakaammo iti mensahena?

Numero 10:2

“Agpaaramidka iti dua a trumpeta iti napitpit a pirak nga aramatem no ummongem dagiti tattao wenno umalisda iti pagkampoan.

Numero 10:3

No mabayag ken aggiddan ti pannakapuyot dagiti dua a trumpeta, masapul a dumatag kenka ti entero a gimong iti pagserkan ti Tolda.

Josue 10:20

Pinapatay ida ni Josue ken dagiti Israelita, nupay adda sumagmamano a nagkamang iti uneg ti nasarikedkedan a siudadda.