Jeremias 4:4 - Ti Baro a Naimbag a Damag Biblia

⁴ Tungpalenyo ti nakitulaganyo kaniak nga Apo yo ket idatonyo dagiti pusoyo kaniak, dakayo a tattao ti Juda ken Jerusalem. Ta no saan, gumil-ayabto ti pungtotko gapu kadagiti dakes nga aramidyo, ket sumged nga awan ti makaiddep.”

Ti Biblia (1973)

⁴ Agcugitcayo ken Jehova, ket iccatenyo ti makinrabaw a cudil ti pusoyo, dacayo lallaki ti Juda ken agnaed ti Jerusalem; di la ket ta ti pungtotco rumuar a cas apuy, ket aguram nga awan ti macaiddep kencuana, gapu iti cadakes dagiti gapuananyo.

Jeremias 4:4 Iomraidhean Croise

2 Cronicas 34:25

Linaksiddak ket nagidatagda kadagiti sakrifisio kadagiti sabali a didiosen. Daytoy ti gapuna a pinagpungtotdak kadagiti amin nga inaramidda. Rimmasuk ti pungtotko iti Jerusalem ket dinto agbaaw.

Isaias 10:17

Ti Dios a silaw ti Israel, agbalinto nga apuy. Wen, agbalinto nga apuy ti nasantoan a Dios ti Israel, apuy nga iti las-ud ti maysa nga aldaw uramenna ti amin, uray dagiti siitsiitan a mula ken kalkalunay.

Isaias 30:33

Idi un-unana, addan naisagana a lugar a pakapuoran iti ari ti Asiria. Nauneg ken nalawa daytoy a disso a nakatuontuonan ti adu a kayo. Ket arigto iti gumilgil-ayab nga asufre ti anges ti Apo a mangpasged kadagiti kayo.

Isaias 51:17

Jerusalem, agriingka! Agmurmurayka ket bumangonka! Ininummo ti kopa ti pannakadusa nga impainum ti Apo kenka gapu iti pungtotna; inarub-obmo ket nagbasingbasingka!

Jeremias 15:14

Pagserbiekto ida kadagiti kabusorda iti daga a dida pay nadamdamag, agsipud ta kasla apuy ti pungtotko ket sumged iti agnanayon.”

Jeremias 21:5

Siak a mismo ti manggubat kadakayo iti amin a pigsak, amin a pungtotko, rungsot ken ungetko.

Jeremias 23:19

“Nadawel a bagio ti kayarigan ti pungtot ti Apo. Kasla allawig a bumtak iti ulo dagiti managdakdakes.

Jeremias 36:7

Mabalin nga agkararagdanto iti Apo ket idiandanton dagiti dakes nga aramidda, ta no saan agdissuor kadakuada ti napalalo a pungtot ken ungetna.”

Jeremias 44:22

Iti daytoy met la nga aldaw, naglangalangen ti dagayo ket awanen ti agnaed. Nagbalinen a nakabutbuteng ti buyana. Pagilunod dagiti tattao ti nagan ti Jerusalem agsipud ta saanen a maibturan ti Apo dagiti kinadakes nga ar-aramidenyo.

Jeremias 9:25

Kuna ti Apo, “Dumtengen ti tiempo a dusaek dagiti tattao ti Egipto, Juda, Edom, Ammon, Moab ken amin nga agnaed iti let-ang a mangputed kadagiti buokda. Nakugit amin dagitoy ngem saanda a tinungpal ti katulagan nga iparangarangna. Awan kadagitoy a tattao ken awan kadagiti tattao ti Israel ti nangsalimetmet iti katulagak.”

Dungdung-aw 4:11

Binulosan ni Yahweh ti naan-anay a pungtotna; pinuoranna ti Sion agingga a dimmapu iti daga.

Ezekiel 16:38

Dusaenkanto gapu iti pannakikamalala ken panagpapataymo. Iti pungtot ken ungetko, ikeddengkonto a mapapatayka.

Ezekiel 18:31

Isardengyo ti amin a dakes nga aramidyo ket pabaroenyo ti nakem ken pusoyo. Apay nga ipalubosyo a mataykayto, dakayo nga Israelita?

Ezekiel 20:33

Kuna ti Apo, “Iti naganko nga Apo a sibibiag a Dios, ballaagankayo nga iti pungtotko, iturayankayto iti napigsa nga ima ken iti amin a pannakabalinko.

Ezekiel 21:17

Agtipatakto met, ket agbaawton ti pungtotko. Siak, ni Yahweh, ti agsasao.”

Ezekiel 24:13

Jerusalem, tinulawannaka dagiti dakes nga aramidmo. Nupay pinadasko ti mangdalus kenka, nagtalinaedka latta a natulawan. Saanto a naan-anay ti pannakadalusmo agingga a mariknam ti bileg ti amin a pungtotko.

Ezekiel 24:8

Binaybay-ak sadiay ti dara, tapno saan a mailemmeng, ket iti kasta, agpungtotak ket agibalesak.”

Ezekiel 44:7

Tinulawanda ti Templo babaen iti panangipalubosda a sumrek dagiti ganggannaet a di nakugit a tattao a saan nga agtulnog kaniak—iti Templo bayat ti pannakaidatag ti taba ken dara dagiti sakrifisio a maidaton kaniak. Ngarud, sinalungasing dagiti tattaok ti nagtutulaganmi gapu kadagiti amin a nakababain nga aramidda.

Ezekiel 6:12

Agsakit ken matayto dagiti adda iti adayo; ket dagiti adda iti asideg mataydanto iti gubat. Matayto iti bisin dagiti makalasat. Mariknadanto ti nakaro a pungtotko.

Ezekiel 8:18

Mariknadanto ti amin a dawel ti pungtotko. Diakto pakawanen wenno kaasian ida. Uray no ipukkawda ti kararagda iti ingga ti kabaelanda, diakto ipangag ida.”

Levitico 26:28

bumtakto ti pungtotko kadakayo ket mamimpitonto a nadagdagsen ngem ti immuna nga idissuorko kadakayo a dusa.

Levitico 26:41

a nakaigapuan ti panangbusorko kadakuada ket imbellengko ida iti daga dagiti kabusorda. Inton agpakumbaba dagiti kaputotanyo ket naikarodan ti dusa ti basolda ken ti panangsukirda,

Amos 5:6

Umasidegkayo iti Apo, ket agbiagkayo. Amangan no sumgiab a kas apuy ti pungtotna kadagiti Israelita—apuy a manguram kadagiti taga-Betel, ket awanto ti makaiddep.

Sofonias 2:2

sakbay a malaylaykayo ket mataykayo a kas iti sabong, sakbay nga agdissuor kadakayo ti gumilgil-ayab a pungtot ti Apo, sakbay a dumteng ti aldaw a panangiparangna iti pungtotna.

Taga-Roma 2:25

Adda pateg ti panangannurotmo iti tulag ti pannakakugit no tungpalem ti Linteg. Ngem no salungasingem, naim-imbag la koman a dika nagpakugit.

Deuteronomio 10:16

Manipud ita, agtulnogkayo iti Apo ket ikkatenyon ti kinasukiryo.

Deuteronomio 30:6

Pabaroennakayto ti Apo ket agbalinkayto a natulnog tapno ayatenyo iti amin a puso ken kararuayo ken agtultuloykayto nga agnaed iti dayta a daga.

Deuteronomio 32:22

Sumgedto a kas apuy ti pungtotko, ket uramenna amin nga adda ditoy daga. Dumanonto iti akimbaba a lubong, ket uramenna dagiti puon ti bantay.

Taga-Colosas 2:11

Nakugitkayo iti pannakikaysayo ken Cristo, saan nga iti pannakakugit nga aramid ti tao, no di ket iti pannakakugit nga agtaud ken ni Cristo—ti panangiwaksiyo iti daytoy managbasol a bagi.