Jeremias 4:16 - Ti Baro a Naimbag a Damag Biblia

¹⁶ Immayda a mangballaag kadagiti nasion ken mangibaga iti Jerusalem nga addan dagiti kabusor nga aggapu iti adayo a daga. Yikkisto dagitoy a kabusor ti pammutbuteng kadagiti siudad ti Juda.

Ti Biblia (1973)

¹⁶ Saritaenyo cadagiti nasnacion; adtoy, iwarragawagyo a maicaniwas iti Jerusalem, a dagiti agbanbantay umayda manipud iti adayu a daga, ket agtimecda a maicaniwas cadagiti il-ili ti Juda.

Jeremias 4:16 Iomraidhean Croise

Isaias 34:1

Umaykayo, dakay a tattao ti amin a nasion! Umasidegkayo ket dumngegkayo. Umay koma ti entero a daga agraman dagiti amin nga agnaed kenkuana ket dumngegda.

Isaias 39:3

Napan ni profeta Isaias ken ni Ari Hezekias ket sinaludsodna, “Taga-ano dagiti lallaki ken ania ti imbagada kenka?” Insungbat ni Ari Hezekias, “Naggapuda iti adayo a daga—idiay Babilonia.”

Jeremias 1:15

Denggem: Ayabak dagiti amin a tattao iti amianan. Umayto dagiti amin nga arida ket ipasdekto ti tunggal maysa ti tronona iti sangoanan ti ruangan ti Jerusalem, iti lawlaw ti bakudna ken iti pay lawlaw dagiti siudad ti Juda.

Jeremias 16:6

Matayto dagiti nabaknang ken dagiti napanglaw iti daytoy a daga, ngem awanto ti mangitanem wenno mangdung-aw kadakuada. Awanto ti mangsugat iti bagina wenno mangpukis iti buokna a mangipakita iti ladingitna.

Jeremias 2:15

Kasda la leon a nagngernger kenkuana; pinagbalinda a disierto ti dagana ket dagiti ilina narbada, naan-anay a nagpanawan, awan agnaed kadakuada.

Jeremias 31:10

Kuna ni Yahweh, “Dumngegkayo kaniak, dakayo a nasion, ipakaammoyo ti saok kadagiti adayo a purpuro. Winarawarak dagiti tattaok ngem ummongek ken bantayakto ida a kas iti panangaywan ti agpaspastor iti arbanna.

Jeremias 39:1

Iti maika-10 a bulan iti maikasiam a tawen a panagari ni Zedekias idiay Juda, dinarup ni Nebucadnesar nga ari ti Babilonia ti Jerusalem. Inkuyogna ti entero nga armadana.

Jeremias 4:17

Lakubendanto ti Jerusalem, kas kadagiti lallaki a mangguguardia iti maysa a talon agsipud ta binusorna ti Apo. Daytoy ti sao ti Apo.

Jeremias 5:15

Tattao ti Israel, yegto ti Apo ti maysa a nasion a mangraut kadakayo. Aggapunto iti maysa a lugar, maysa a nasion a nabileg ken addan idi un-unana. Diyo ammo wenno maawatan ti pagsasaona.

Jeremias 5:6

Daytoy ti gapuna a patayento ida dagiti leon ti kabakiran. Rangrangkayento ida ti lobo ti let-ang, ket agdakiwasto ti leopardo kadagiti ilida. Pisangpisangennanto ti siasinoman a rummuar kadakuada. Nakaad-adu ngamin ti basolda, ket namin-adun a tinallikudanda ti Dios.

Jeremias 50:2

“Ipakaammom ti damag kadagiti nasion! Iwaragawagmo! Itedmo ti pagilasinan ket iwarasmo ti damag! Dimo ilimlimed! Naparmeken ti Babilonia! Naibabainen ni Bel! Naburburaken ni Marduk a didiosenna! Naibabainen dagiti imahen, narumrumeken dagiti didiosenna.

Jeremias 6:18

Kinuna ngarud ti Apo, “Dumngegkayo, dakayo a nasion, ket ammoenyo no anianto ti mapasamak kadagiti tattaok.

Jeremias 6:19

Dumngegka, daga! Kas dusa a maipatay kadakuada gapu kadagiti dakes nga aramidda, yegko ti pannakadadael kadagitoy a tattao. Ngamin ta dida tinungpal dagiti saok, ket linaksidda ti pannursurok.

Jeremias 6:22

Kuna ti Apo, “Adda tattao nga aggapu iti pagilian iti amianan; adda nabileg a nasion nga agsagsagana a makigubat.

Jeremias 6:23

Nagtagipana ken nagtagikampilanda; naranggas ken awan asida. Kasla daranudor ti taaw ti dalagudog dagiti kabalio a nagsakayanda. Sisasaganada a manggubat iti Jerusalem.”

Jeremias 8:19

Denggenyo! Iti entero a daga mangngegko nga isangsangit dagiti tattaok, “Awanen aya ti Apo idiay Sion? Awanen aya sadiay ti ari ti Sion?” Sumungbat ni Yahweh nga arida, “Apay a pinagpungtotdak babaen iti panagdaydayawyo kadagiti imahen? Apay a nagtamedkayo kadagiti awan serserbina a didiosenyo?”

Ezekiel 21:22

Iggaman ti kannawan nga imana ti pana a namarkaan iti ‘Jerusalem’. Ibaga ti pana nga ikabilna dagiti maso a pagrakrak, ipukkawna ti bilin a makigubat, ipuestona dagiti maso iti sangoanan dagiti ruangan, ipasdekna dagiti sarikedked, ken agkali kadagiti abut a paglemmengan.