Jeremias 4:13 - Ti Baro a Naimbag a Damag Biblia

¹³ Kitaenyo, sumungad ti kabusor a kas ulep. Mayarig iti alipugpog dagiti luganna a pakigubat. Naparpardas dagiti kabaliona ngem dagiti agila. Nadadaeltayon! Ditay makalisin!

Ti Biblia (1973)

¹³ Adtoy, isu sumang-atto a cas cadagiti ulep, ket dagiti luganna casdanto la alipugpug; dagiti cabayona naparpartacda ngem dagiti aguila. Asitayo pay! ta narbectayo,

Jeremias 4:13 Iomraidhean Croise

2 Samuel 1:23

“Makaay-ayo ken maipatpateg unay da Saul ken Jonatan. Iti panagbiag saanda a nagsina, iti ipapatay nagmaymaysada. Naparpartakda ngem dagiti agila, napigpigsada ngem dagiti leon.

Isaias 13:5

Aggapuda kadagiti adayo a pagilian, kadagiti pungto ti daga. Iti pungtot ti Apo, umayna dadaelen ti entero a daga.

Isaias 19:1

Daytoy ti pakdaar maipapan iti Egipto. Mapan ti Apo idiay Egipto. Napardas ti ulep a paglugananna. Agtigerger dagiti didiosen ti Egipto iti imatangna, ket tumakrot dagiti Egipcio.

Isaias 3:8

Wen, nasentensiaanen a madadael ti Jerusalem! Marmarban ti Juda! Maibusor ken ni Yahweh ti amin a sao ken aramidda. Insultoenda ti Dios iti sango dagiti tattao.

Isaias 5:28

Natitirad dagiti panada ket nakasagana dagiti baida. Natangken a kas iti bato ti kuko ti saka dagiti kabalioda ket kasla alipugpog ti panagpuligos dagiti pilid ti luganda.

Isaias 66:15

Umayto ti Apo a buyogen ti apuy. Agluganto iti payak ti napigsa nga angin tapno dusaenna dagiti kapungtotna.

Jeremias 10:19

Agasug dagiti tattao ti Jerusalem. Kunada, “Nagkaro ketdin dagiti sugsugatmi! Saanda a maimbagan! Impagarupmi a maibturanmi daytoy!

Jeremias 4:12

napigpigsanto nga angin ti yeg ti Apo. Ti Apo a mismo ti mangibaga iti panangukomna kadagiti tattaona.

Jeremias 4:31

Nakangngegak iti kasla asug ti agpaspasikal, kasla ikkis ti babai nga agdadamo nga aganak. Um-umkis ti Sion! Al-alawenna ti angesna. Igawgaw-atna dagiti imana a kunkunana, “Saanakon a makalisi! Umayen dagiti mangpapatay kaniak.”

Jeremias 46:18

Siak, ni Yahweh a Mannakabalin-amin ket ari. Siak ti sibibiag a Dios. ‘Kas iti Bantay Tabor a kabilgan kadagiti bambantay, ken ti Bantay Carmel a nangatngato ngem ti baybay, kastanto ti bileg ti umay mangraut kadakayo.’

Jeremias 48:40

Inkari ni Yahweh nga addanto nasion a kasla agila a mangsippayot iti Moab.

Jeremias 49:22

Dumarupto ti kabusor a kasla agila a sumippayot manipud langit. Yukradnanto dagiti payakna a maibusor iti Bozra. Iti dayta nga aldaw, agdanagto dagiti soldado ti Edom, kas iti babai nga agpaspasikal.”

Jeremias 6:23

Nagtagipana ken nagtagikampilanda; naranggas ken awan asida. Kasla daranudor ti taaw ti dalagudog dagiti kabalio a nagsakayanda. Sisasaganada a manggubat iti Jerusalem.”

Jeremias 9:19

Denggenyo ti dung-aw idiay Sion, “Nakabutbuteng ti pannakadadaelmi! Napalalo ti pannakaibabainmi! Masapul a panawanmi ti dagami, narakraken dagiti balbalaymi.”

Dungdung-aw 4:19

Naparpardas ngem ti sippayot ti agila ti panangkamatda kadakami. Inanupdakami kadagiti katurturodan, sinanebdakami iti let-ang.

Ezekiel 26:10

Gaburannakanto ti umatipukpok a tapok dagiti kabalio. Magunggonto dagiti bakudmo iti dalagudog dagiti kabalio, dagiti kariton ken lugan a pakigubat bayat ti ilalasatda kadagiti ruangan ti nadadael a siudad.

Ezekiel 38:9

Dumarupto a kasla bagio, agraman ti armadana ken dagiti adu a nasion a kimmuyog kenkuana, ket agsaknapdanto a kasla ulep iti daga.”

Daniel 11:40

“Inton dandani dumteng ti panungpalan ti ari ti Siria, darupento ti ari ti Egipto. Sarangtennanto iti amin a bilegna babaen kadagiti lugan a pakigubat, kabalio ken adu a barko. Kaslanto layus a mangsakup iti adu a pagilian.

Daniel 7:4

Kasla leon ti umuna ngem adda payakna a kasla agila. Nakitak a naparut dagiti payakna. Naipangato iti rabaw ti daga, ket nagtakder a kasla tao. Naikkan iti panunot ti tao.

Oseas 8:1

Kuna ti Apo, “Puyotenyo ti trumpeta! Adda dagiti kabusor a sumiplag iti dagak a kas kadagiti agila nga agam-ampayag. Winaswas ngamin dagiti tattaok ti tulagko, ket sinalungasingda ti pannursurok.

Mikias 2:4

Inton dumteng dayta a tiempo, aramatento dagiti tattao ti napasamak kadakayo a kas pangngarig ti didigra. Ikantadanto daytoy nasaem a kanta: “Nadadaelkami a namimpinsan. Innala ni Yahweh ti dagami, ket intedna kadagiti nangitalaw kadakami a kas balud!”

Nahum 1:3

Saan a nalaka nga agpungtot ni Yahweh, ngem dakkel ti pannakabalinna, ket dusaenna a dusaen dagiti nakabasol. Iti pagnaan ni Yahweh, tumaud dagiti bagio. Dagiti ulep ti pannakatapok a patauden dagiti sakana.

Habakuk 1:8

“Naparpardas a tumaray dagiti kabalioda ngem dagiti leopardo, ket narangranggasda ngem dagiti mabisin a lobo. Aggapu iti adayo dagiti nakakabalio a tattaoda. Agkur-ay dagiti kabalioda. Umayda a kasla agila a mangsippayot iti kanenda.

Zacarias 6:1

Adda manen sabali a parmatak. Naimatangak ti uppat a lugan a pakigubat a rumrummuar iti nagbaetan ti dua a bronse a bantay.

San Mateo 24:30

Agparangto idiay langit ti pagilasinan iti yaay ti Anak ti Tao. Ket agdung-awto dagiti amin a tattao ditoy daga inton makitada ti Anak ti Tao iti rabaw dagiti ulep ti langit nga umay a napnoan pannakabalin ken naindaklan a dayag.

Deuteronomio 28:49

Mangyegto ti Apo iti maysa a nasion a bumusor kadakayo. Aggapunto iti adayo a lugar a diyo maawatan ti pagsasaona. Kaslanto agila a mangseppeg kadakayo.

Paltiing 1:7

Kitaenyo, umayen ni Jesus a silulugan kadagiti ulep! Makitanto ti tunggal maysa, agraman dagiti nangduyok kenkuana. Dung-awanto dagiti tattao iti amin a pagilian ditoy lubong. Maaramid koma a kasta! Amen.