Jeremias 4:1 - Ti Baro a Naimbag a Damag Biblia

¹ Kuna ti Apo, “Tattao ti Israel, no kayatyo ti agbabawi, agsublikayo kaniak. No napudnokayo kaniak, ket ibellengyo dagiti didiosen a kagurgurak,

Ti Biblia (1973)

¹ No agsublicanto, O Israel, cuna ni Jehova, no agsublicanto caniac, ken iccatem dagiti kinarimonmo iti imatangco; saancanto a mapaalis.

Jeremias 4:1 Iomraidhean Croise

Genesis 35:2

Kinasao ngarud ni Jacob ti familiana ken dagiti amin a naikuyog kenkuana. “Ibellengyo dagiti didiosen nga adda kadakayo,” kinunana. “Dalusanyo dagiti bagbagiyo kas mayannurot iti alagaden ket agkaweskayo iti nadalus a pagan-anay.

2 Ar-ari 23:13

Dinadael ni Josias dagiti altar nga inaramid ni Ari Solomon iti dayaen ti Jerusalem iti abagatan ti Bantay Olibo a pagdaydayawan kadagiti makarimon a didiosen—Asera, ti diosa ti Sidon; Kemos, ti dios ti Moab ken Molec, ti dios ti Ammon.

2 Ar-ari 23:24

Tapno maipaannurot dagiti linteg a nailanad iti libro a nasarakan ni Hilkias a Nangato a Padi iti Templo, pinapanaw ni Ari Josias dagiti amin a makium-uman kadagiti espiritu ken mammadles. Pinaikkatna amin a didiosen kadagiti balbalay, dagiti imahen ken amin a pagdaydayawan dagiti pagano idiay Jerusalem ken Juda.

2 Cronicas 15:8

Naparegta ni Asa idi mangngegna ti padto ni Azarias nga anak ni Oded. Pinaikkatna amin a makarimon nga imahen iti Juda ken Benjamin ken kadagiti siudad a sinakupna iti katurturodan ti Efraim. Tinarimaanna pay ti altar ni Yahweh nga adda iti paraangan ti Templo.

2 Cronicas 33:8

Ket no tungpalen dagiti Israelita dagiti amin a bilinko ken amin a sagudayen ti Linteg nga inted kadakuada ni Moises nga adipenko, diakto ipalubos a mapagtalawda iti daga nga intedko kadagidi kapuonanda.”

2 Cronicas 34:33

Dinadael ni Ari Josias dagiti makarimon nga imahen dagiti Israelita iti daga a sakupda. Iti unos ti panagbiagna, saan a sinalungasing dagiti tattao ti bilinna a masapul nga agserbida ken ni Yahweh a Dios dagiti kapuonanda.

Isaias 31:6

Kinuna ti Dios, “Tattao ti Israel, nagbasolkayo kaniak ket binusordak. Ngem ita, agsublikayo kaniak!

Jeremias 15:19

Kastoy ti insungbat ti Apo, “No agsublika kaniak, awatenka manen nga adipenko. No agsaoka iti nasayaat a saan ketdi a dagiti awan serserbina, agbalinkanto manen a profetak. Dagiti tattao ti umayto kenka, saan a sika ti mapanto kadakuada.

Jeremias 15:4

Pagbalinekto ida a pagbutbutngan dagiti pagarian ti lubong gapu iti dakes nga inaramid ni Manases nga anak ni Hezekias iti Jerusalem idi isu ti ari idiay Juda.”

Jeremias 18:11

Ngarud, ibagam kadagiti tattao ti Juda ken ti Jerusalem nga adda planok a maibusor kadakuada ket agsagsaganaak a mangdusa kadakuada. Ibagam nga isardengda ti dakes a panagbiagda ket balbaliwanda dagiti kababalin ken dagiti dakes nga aramidda.

Jeremias 24:9

Didigraekto ida tapno agbuteng dagiti amin a nasion ditoy lubong. Rabrabaken, pagang-angawan ken ab-abiento ida dagiti tattao. Pagilunoddanto ti naganda iti amin a lugar a pangiwarawaraak kadakuada.

Jeremias 25:5

Imbagada a paglikudanyo ti dakes a panagbiagyo ken dagiti dakes nga aramidyo, tapno mabalinyo ti agnaed iti daga nga inted ti Apo kadakayo ken kadagidi kapuonanyo kas agnanayon a sanikuayo.

Jeremias 3:1

Kuna ti Apo, “No isina ti lalaki ti asawana, ket pumanaw ti babai sa asawaen ti sabali, saan a mabalin a sublian ti lalaki ti asawana. Daytoy nga aramid ti mangtulaw iti daga. Ngem adu idi ti kaayan-ayatmo, Israel, ket ita kayatmo manen ti agsubli kaniak!

Jeremias 3:12

Imbagana kaniak nga innak idiay amianan ket ipakaammok daytoy iti Israel, “Mannakikamalala nga Israel, agsublika kaniak. Manangngaasiak ket saanak nga agpungtot. Saan nga agnanayon ti pungtotko kenka.

Jeremias 3:14

“Agsublikayo, dakayo a saan a napudno a tattao agsipud ta kukuakayo. Mangalaak iti maysa kadakayo iti kada ili ken dua iti kada familia ket isublikayo idiay Bantay Sion.

Jeremias 3:22

Agsublikayo, dakay amin a nangtallikud iti Apo; paimbagennakayto ket pagbalinennakayto a napudno. Kunayo, “Wen, agsublikami iti Apo, agsipud ta isu ti Diosmi.

Jeremias 35:15

Saanko nga insardeng ti panangibaonko kadagiti adipenko a profeta. Imbagbagada kadakayo nga isardengyo ti dakes nga aramidyo ket agaramidkayo iti naimbag. Binallaagandakayo a saankayo nga agdaydayaw ken agserserbi kadagiti sabali a dios tapno agtultuloy ti panagnaedyo iti daga nga intedko kadagidi kapuonanyo. Ngem saandak nga impangag wenno inkaskaso.

Jeremias 36:3

Nalabit nga inton mangngeg dagiti tattao ti Juda dagiti amin a didigra a pinanggepko nga idissuor kadakuada, agbalbaliwda ket ikkatenda dagiti amin a dakes a kababalinda. Iti kasta, pakawanekto ti kinadakes ken basolda.”

Jeremias 4:4

Tungpalenyo ti nakitulaganyo kaniak nga Apo yo ket idatonyo dagiti pusoyo kaniak, dakayo a tattao ti Juda ken Jerusalem. Ta no saan, gumil-ayabto ti pungtotko gapu kadagiti dakes nga aramidyo, ket sumged nga awan ti makaiddep.”

Jeremias 7:5

“Balbaliwanyo ti panagbiagyo, kasta met ti ugaliyo. Diyo pagdudumaen ti panangibilangyo iti tunggal maysa.

Jeremias 7:7

Iti kasta, ipaluboskonto nga agnaedkayo iti daytoy a daga nga intedko a kukua dagiti kapuonanyo iti agnanayon.

Ezekiel 11:18

Inton dumtengda, masapul nga ikkatenda dagiti amin a narugit ken makarimon nga imahen a masarakanda.

Ezekiel 18:13

Paanakanna ti pautangna. Agbiag ngata dayta a tao? Saan! Inaramidna amin dagitoy makarimon a banag, ket awan duadua ti ipapatayna. Isunto ti akimbasol iti ipapatayna.

Ezekiel 43:9

Ita, masapul nga isardengdan ti panagdaydayawda kadagiti didiosen ken dadaelenda dagiti monumento dagiti arida. No aramidenda ti kasta, makipagnaedakto kadakuada iti agnanayon.”

Oseas 14:1

Tattao ti Israel, agsublikayo iti Apo a Diosyo. Naitibkol ken natnagkayo gapu iti basolyo.

Oseas 2:2

Annakko, kasaoyo ni inayo— uray no ibilangkon a saanko nga asawa ket saan metten a siak ti asawana. Agpakpakaasikayo kenkuana nga isardengnan ti pannakikamkamalalana ken panagbalbalangkantisna.

Oseas 7:16

“Simmurotda kadagiti didiosen nga awan pannakabalinna. Saanda a mapagtalkan a kas iti saan a nairteng a bai ti pana. Mapapatayto iti kampilan dagiti papanguloda gapu kadagiti panagilunlunodda ket katawaanto ida dagiti Egipcio.”

Joel 2:12

Kuna ti Apo: “Ngem uray ita, agbabawikayo iti amin a pusoyo ket agsublikayo kaniak; agayunar, agsangit ken agdung-awkayo.

Zacarias 1:4

Diyo tuladen dagidi kapuonanyo. Idi un-unana, impakaammo kadakuada dagiti profeta ti saok. Binallaaganda ida nga idiandan dagiti dakes ken managbasol a panagbiagda. Ngem didak impangag wenno tinungpal.

Deuteronomio 27:15

“‘Maipatay ti lunod ti Dios iti siasinoman nga agaramid iti didiosen a bato, kayo wenno metal ket pagdaydayawanna iti nalimed. Kagura ti Apo ti panagdaydayaw kadagiti didiosen.’ “‘Amen,’ isungbatto dagiti tattao.

Deuteronomio 4:30

Ngem no dumteng ti riribuk ket mapasamak amin dagitoy kadakayo, agsublikayto met laeng iti Apo ket agtulnogkayo kenkuana.

Josue 24:14

“Ita,” intuloy ni Josue, “agbutengkayo ngarud iti Apo ket agserbikayo kenkuana a sipupudno ken iti amin a pusoyo. Iwaksiyo dagiti didiosen a nagdaydayawan dagidi kapuonanyo idiay Mesopotamia ken Egipto. Ti laeng Apo ti pagserbianyo.

Uk-ukom 10:16

Imbellengda ngarud dagiti didiosenda ket nagdaydayawda ken ni Yahweh. Naasian ni Yahweh kadagiti Israelita ta dinan maibturan a kitaen ti kasasaadda.

1 Samuel 7:3

Kinuna ni Samuel kadagiti Israelita, “No naimpusoan ti panagsubliyo iti Apo, masapul nga iwaksiyo dagiti didiosenyo ket ibellengyo dagiti kinitikitan nga imahen ni diosa nga Astarte. Ikonsagraryo a naan-anay ti bagiyo iti Apo ket isu laeng ti pagdaydayawanyo tapno isalakannakayto iti bileg dagiti Filisteo.”