Jeremias 30:3 - Ti Baro a Naimbag a Damag Biblia

³ Ngamin, dumtengen ti tiempo a panangisublik iti sigud a kasasaad dagiti tattaok iti Israel ken iti Juda. Isublikto ida iti daga nga intedko kadagidi kapuonanda tapno tagikuaendanto manen. Siak, ni Yahweh, ti agsasao.”

Ti Biblia (1973)

³ Ta, adtoy, dagiti al-aldaw dumtengda, cuna ni Jehova, a siac pagbaliwecto ti pannacacayaw ti ilic nga Israel ken Juda, cuna ni Jehova, ket pasubliecto ida iti daga nga intedco cadagidi ammada, ket tagicuaendanto.

Jeremias 30:3 Iomraidhean Croise

ESDRAS 3:1

Iti maikapito a bulan, nakasublin dagiti Israelita kadagiti siudad ken il-ilida. Kalpasanna, naguummongda amin idiay Jerusalem.

ESDRAS 3:12

Adu kadagiti lallakay a papadi ken Levita, agraman dagiti papangulo dagiti familia ti nakakita iti immuna a templo. Nagsasangitda iti napigsa idi maimatanganda a maikabkabil ti fondasion. Ngem nagririaw dagiti dadduma gapu iti ragsakda.

ESDRAS 3:8

Iti kasta, iti maikadua a bulan ti maikadua a tawen kalpasan ti panagsubli dagiti Israelita iti nakabangonan idi ti Templo idiay Jerusalem, inrugida ti trabaho. Nagtitinnulong da Zerubbabel, Josue, amin a kakailianda, agraman dagiti papadi ken Levita. Kinapudnona, timmulong amin dagiti Israelita a nagsubli idiay Jerusalem. Dagiti amin a Levita nga agtawen iti 20 wenno nasursurok ti mangimaton iti panagtrabaho iti Templo.

Dagiti Salmo 126:4

O Apo, isublinakami kadi iti sigud a kinarang-aymi, kas iti panagayus manen dagiti karayan a nagmaga.

Dagiti Salmo 53:6

Aggapu koma iti Sion ti pannakaisalakan ti Israel! Inton parang-ayen manen ti Dios dagiti tattaona, agrag-onto ti kaputotan ni Jacob, agragsakto dagiti tattao ti Israel.

Jeremias 16:15

Agsapatadanto ketdi kaniak a kas sibibiag a Dios a nangiruar kadagiti Israelita iti daga ti amianan ken iti amin a pagilian a nangiwarawaraak kadakuada. Isublikto ida iti dagada, iti daga nga intedko kadagidi kapuonanda. Siak, ni Yahweh, ti nagsao.”

Jeremias 23:5

Kuna ti Apo, “Umayen ti tiempo a panangpilik iti pagbalinek nga ari nga agtaud iti kaputotan ni David. Agturayto a sisisirib daytoy nga ari ket aramidennanto ti naimbag ken nalinteg iti entero a daga.

Jeremias 27:11

Ngem ti nasion a paiturayan iti ari ti Babilonia ket agserbi kenkuana, pagbatiekto iti bukodna a daga tapno talonenna ket agnaed sadiay. Siak, ni Yahweh, ti nangibaga iti daytoy.”

Jeremias 27:22

Maipandanto idiay Babilonia ket agtalinaeddanto sadiay agingga nga ibaw-ingko ti imatangko kadakuada. Iti dayta nga aldaw, isublikto ida iti daytoy a siudad. Siak, ni Yahweh, ti nagsao iti daytoy.”

Jeremias 29:10

“Kuna ti Apo, ‘Inton maturpos ti Babilonia ti pitopulo a tawenna, sarungkarankayto ket yawidkayo, kas inkarik kadakayo.

Jeremias 29:14

Wen, kunak a masapulandak ket isublikayto iti dagayo. Ummongenkayto manipud kadagiti nadumaduma a daga ken kadagiti amin a lugar a nangiwaraak kadakayo ket isublikayto iti daga a naggapuanyo. Siak, ni Yahweh, ti agsasao.’

Jeremias 3:18

Tumiponto ti Israel iti Juda ket agkuyogdanto nga agawid manipud iti daga iti amianan ket agsublida iti daga nga intedko kadagidi kapuonanyo a kukuada iti agnanayon.”

Jeremias 30:10

“Dikay agbuteng, dakayo a tattaok; dikay agamak, dakayo nga Israelita. Isalakankayto iti dayta adayo a lugar, iti dayta a daga a nakaibaludanyo. Agawidkayto iti bukodyo a daga, ket agbiagkayto a sitatalna. Natalgedkayto ket awanto ti mangbutbuteng kadakayo.

Jeremias 30:18

Kuna ti Apo, “Isublikto dagiti tattaok iti dagada, kaasiakto ti tunggal familia. Mabangonto manen ti Jerusalem, ket maipatakderto manen ti palasiona.

Jeremias 30:4

Kuna ti Apo kadagiti tattao iti Israel ken Juda,

Jeremias 31:16

Isardengyon ti agsangsangit, ket punasenyo dagiti luayo. Magunggonaanto ti amin nga impaayyo kadagiti annakyo, agsublidanto manipud iti daga dagiti kabusor.

Jeremias 31:23

Kastoy ti kuna ni Yahweh a Mannakabalin-amin a Dios ti Israel, “Inton isublik dagiti tattao iti dagada, kunadanto idiay Juda ken kadagiti il-ilina, ‘Bendisionan koma ti Apo ti nasantoan a turod ti Jerusalem, ti nasantoan a lugar a pagtaenganna.’

Jeremias 31:27

“Siak, ni Yahweh, kunak a dumtengen ti tiempo a punnoek ti daga ti Israel ken Juda iti tao ken iti animal.

Jeremias 31:31

Kuna ni Yahweh, “Dumtengen ti tiempo a mangaramidak iti baro a katulagak kadagiti Israelita ken kadagiti tattao ti Juda.

Jeremias 31:38

“Dumtengen ti tiempo,” kuna ni Yahweh, “a mabangonto manen ti entero a siudad manipud iti Torre ti Hananel agingga iti lugar a managan iti Ruangan iti Suli.

Jeremias 32:37

Alaekto dagiti tattao manipud kadagiti nasion a nangiwarawaraak idi kadakuada, gapu iti nakaro nga unget ken nabara a pungtotko. Ita, isublikto ida iti daytoy a daga. Pagnaedekto ida ditoy ket awanto ti pakaan-anoanda.

Jeremias 32:44

Gatangento dagitoy dagiti tattao. Mafirmaan, matimbrean ken mapatalgedanto dagiti dokumento. Maaramidto daytoy iti sakup ni Benjamin, kadagiti kabangibang a barrio ti Jerusalem, kadagiti il-ili ti Juda, kadagiti il-ili dagiti bantay, kadagiti il-ili nga adda iti arisadsad ti turturod ken iti abagatan a Juda. Isublikto dagiti tattao iti dagada. Siak, ni Yahweh, ti nagsao iti daytoy.”

Jeremias 33:26

kastanto met ti panangtungpalko iti nakitulagak kadagiti kaputotan ni Jacob ken ni David nga adipenko. Pumiliakto iti maysa a kaputotan ni David a mangituray kadagiti kaputotan ni Abraham, ni Isaac ken ni Jacob. Kaasiakto dagiti tattaok ket parang-ayekto manen ida.”

Jeremias 51:60

Insuratko iti maysa a libro ti pakasaritaan ti amin a pannakadadael a dumtengto iti Babilonia, kasta met dagiti amin a banag maipapan iti dayta a daga.

Ezekiel 20:42

Inton isublikay iti Israel, iti daga nga inkarik nga ited kadagiti kapuonanyo, maammoanyonton a siak ni Yahweh.

Ezekiel 34:13

Iruarkonto ida kadagiti ganggannaet a pagilian, ummongekto ida ket isublikto ida iti bukodda a daga. Isublikto ida kadagiti kabambantayan ken kadagiti agay-ayus a danum ti Israel ket ipaarabko ida kadagiti nalangto a karuotan.

Ezekiel 36:24

Iruarkayto kadagiti pagilian, ket isublikayto iti bukodyo a daga.

Ezekiel 47:14

Insapatak kadagiti kapuonanyo nga itedko daytoy a daga kadakuada; ita, pagpapadaenyo ti bingay ti tunggal maysa.

Joel 3:1

Kuna ti Apo, “Iti dayta a tiempo, isublikto ti Juda ken ti Jerusalem manipud pannakakayawda.

Sofonias 2:7

Sakupento dagiti nakalasat a taga-Juda ti dagayo. Ipaarabdanto dagiti arbanda sadiay ket maturogdanto kadagiti balbalay iti Askelon. Addanto kadakuada ti Apo a Diosda ket parang-ayennanto manen ida.

Sofonias 3:20

Umayen dayta nga aldaw! Yawidkonto dagiti naiwarawara a tattaom, Pagbalinenka nga agdindinamag ken madaydayaw kadagiti amin a tattao ditoy daga. Makitamto ti pannakaisubli ti sigud a kinarang-aymo.” Ti Apo ti nangibaga iti daytoy.

San Lucas 17:22

Kalpasanna, kinuna ni Jesus kadagiti adalan, “Dumtengto ti tiempo a tarigagayanyo a makita ti uray maysa laeng kadagiti aldaw ti Anak ti Tao, ngem diyonto makita.

San Lucas 19:43

Dumtengto dagiti aldaw a bangenandaka dagiti kabusormo. Lakuben ken darupendakanto iti amin a suli.

San Lucas 21:6

“Makitayo amin dagitoy,” kinuna ni Jesus. “Dumtengto ti tiempo nga awanto ti uray maysa a bato ditoy a mabati iti yanna. Marbadanto amin!”

Deuteronomio 30:3

kaasiannakayto ti Apo a Diosyo. Alaennakayto kadagiti pagilian a nangiwarasanna kadakayo ket parang-ayennakayto manen.

Deuteronomio 30:5

Ipannakayto iti daga a nagnaedan dagidi kapuonanyo tapno tagikuaenyo met laeng. Pagbalinennakayto a narangrang-ay ken ad-adu ngem dagidi kapuonanyo.

Hebreo 8:8

Ngamin, nasarakan ti Dios nga adda pagkurangan dagiti tattaona idi kunana: “Dumtengto dagiti aldaw, kuna ti Apo, A mangaramidak iti baro a tulag iti Israel ken Juda.