Jeremias 3:9 - Ti Baro a Naimbag a Damag Biblia

⁹ a kas ketdin awan ti aniamanna kenkuana. Tinulawanna ti daga, ket nagbalangkantis babaen iti panagdaydayawna kadagiti bato ken kayo.

Ti Biblia (1973)

⁹ Ket naaramid gapu iti nalaca a pannakicamalalana, ti daga natulawan, ket isu nakicamalala cadagiti batbato ken cadagiti puon ti cayo.

Jeremias 3:9 Iomraidhean Croise

Isaias 57:3

Umaykayo ditoy tapno maukomkayo, dakayo a narugit a managbasol! Awan dumayo kadagiti agan-anito, mannakikamalala ken balangkantis a babbai.

Isaias 57:6

Mangalakayo sadiay kadagiti nalinis a bato sayo pagdaydayawan a kas didiosen. Agibukbokkayo iti arak a kas daton kadakuada ket yeganyo ida kadagiti daton a makan. Ipagarupyo kadi a maragsakanak kadagitoy nga ar-aramidenyo?

Jeremias 10:8

Nengneng ken maag dagiti amin a mamasirib kadakuada. Ania ti masursuroda kadagiti kayo nga imahen?

Jeremias 16:18

Maminduanto ti kadagsen ti dusada gapu kadagiti basol ken kinadakesda, gapu ta tinulawanda ti dagak kadagiti imahen nga awanan biag a kas kadagiti bangkay ket pinunnoda kadagiti saan a pudno a dios.”

Jeremias 2:27

Maibabainkayto amin—dakayo nga agkuna nga amayo ti kayo, ken inayo ti bato. Mapasamakto daytoy ta tinallikudandak ket saankayo a nagsubli kaniak. Ngem no adda rigatyo, dawatenyo nga isalakankayo.

Jeremias 2:7

Impanko ida iti nadam-eg a daga, tapno lak-amenda dagiti bungana ken amin a naimbag a masarakan kenkuana. Ngem idi dimtengda sadiay, tinulawanda dayta a daga. Pinagbalinda a makarimon ti daga nga intedko kadakuada.

Jeremias 3:2

Tangadem dagiti tapaw dagiti turod. Adda aya lugar a dimo nakikaiddaan? Nagtugawka iti igid dagiti dalan a nagur-uray kadagiti makikaidda kenka. Kaska la Arabo nga agpadpadaan iti sanebenna iti let-ang. Tinulawam ti daga babaen iti kinabalangkantismo.

Ezekiel 16:17

Innalam dagiti intedko kenka nga alahas a balitok ken pirak. Sinukogmo ida nga imahen dagiti lallaki ket nakikamalalaka kadakuada.

Ezekiel 23:10

Linabusanda, innalada dagiti annakna sada pinatay iti kampilan. Ket sarsaritaen dagiti babbai iti amin a lugar ti nagbanaganna.

Ezekiel 23:21

(Oholiba, kayatmo nga aramiden manen ti kinabalangkantismo idi addaka idiay Egipto, idi impalubosmo nga abalbalayen dagiti lallaki dagiti susom ket napukawmo ti kinabirhenmo.)

Ezekiel 23:3

Idi ubbingda nga agnanaed idiay Egipto, napukawda ti kinabirhenda ket nagbalinda a balangkantis a babbai.

Oseas 2:2

Annakko, kasaoyo ni inayo— uray no ibilangkon a saanko nga asawa ket saan metten a siak ti asawana. Agpakpakaasikayo kenkuana nga isardengnan ti pannakikamkamalalana ken panagbalbalangkantisna.

Oseas 4:12

Makiumanda iti imahen ta kayatda nga adda maipaltiing kadakuada. Maibaga aya ti sangaputol a kayo ti tarigagayanda a maammoan? Tinallikudandak. Kas iti babai nga agbalin a balangkantis, intedda ti bagida kadagiti sabali a dios.

Joel 1:19

Umasugak kenka, O Apo, agsipud ta nagango dagiti karuotan ken dagiti kayo, a kasla ketdin inda nauram.

Habakuk 2:19

Asika pay! Kunam iti maysa a kayo, “Agriingka!” wenno iti maysa a bato, “Bumangonka!” Adda aya maipaltiing kenka ti maysa nga imahen? Mabalin a nakalupkopan iti pirak ken balitok, ngem awan biagna.

San Mateo 5:32

Ngem ita, ibagak kadakayo a no ti lalaki isinana ti asawana, idinto a sipupudno kenkuana ti babai, mapabasol dayta a lalaki iti pannakikamalala ti asawana no makiasawa manen. Kasta met a makabasol iti pannakikamalala ti mangasawa iti naisina a babai.”