Jeremias 3:7 - Ti Baro a Naimbag a Damag Biblia

⁷ Impagarupko a kalpasan ti panagaramidna kadagitoy, agsubli kaniak ngem saan a nagsubli. Nakita amin daytoy ti manangallilaw a kabsatna a Juda.

Ti Biblia (1973)

⁷ Ket kinunac calpasan ti panangaramidna cadagitoy amin a banbanag, Isu agsublinto caniac; ngem isu saan a nagsubli: ket nakita ni nagulib a cabsatna a babai a Juda.

Jeremias 3:7 Iomraidhean Croise

2 Cronicas 17:4

Nagserbi iti Dios ni amana, tinungpalna dagiti bilin ti Dios, ket dina tinulad ti aramid dagiti ari ti Israel.

Jeremias 12:1

“O Apo, no agreklamoak kenka, maipakita a nalintegka. Ngem sadino ti ayan ti hustisia? Apay a narang-ay ti panagbiag dagiti managdakdakes? Apay nga agballigi dagiti manangallilaw?

Jeremias 33:24

“Saanmo aya a nadlaw ti kunkuna dagiti tattao a linaksidko ti Israel ken Juda dagiti dua a familia a pinilik? Iti kasta, lalaisenda dagiti tattaok ken saandan nga ibilang ida a nasion.

Jeremias 5:11

Liniputandak a namimpinsan, dagiti tattao ti Israel ken ti Juda.” Daytoy ti sao ni Yahweh.

Ezekiel 16:46

“Inauna a kabsatmo ti Samaria iti amianan agraman dagiti barriona. Ti Sodoma iti abagatan agraman dagiti barriona ti inaudi a kabsatmo.

Ezekiel 16:47

Ngem dika napnek a simmurot iti panagbiagda ken timmuladka kadagiti makarimon nga aramidda. Iti saan a nabayag, dakdakes ti amin nga aramidmo ngem ti amin nga inaramidda.”

Oseas 11:7

Ipapilitda ti panangtallikudda kaniak. Umasugdanto gapu iti sangol nga awitda, ngem awanto ti makaisalakan kadakuada.

Oseas 14:1

Tattao ti Israel, agsublikayo iti Apo a Diosyo. Naitibkol ken natnagkayo gapu iti basolyo.

Amos 4:8

Agkakapsut iti waw dagiti tattao iti sumagmamano a siudad a napan iti kabangibang a siudad tapno agsapul iti danum ngem awan makaanay nga inumen. Kaskasdi latta a saankayo a nagsubli kaniak.

Malakias 2:11

Tinallikudan dagiti tattao ti Juda ti karida iti Dios ket nakaal-alliaw ti inaramidda idiay Jerusalem ken iti entero a pagilian. Tinulawanda ti Templo nga ipatpateg ti Apo. Nangasawa dagiti lallaki kadagiti babbai nga agdaydayaw kadagiti ganggannaet a didiosen.