Jeremias 3:4 - Ti Baro a Naimbag a Damag Biblia

⁴ “Ita, kunam kaniak, ‘Sika ti amak, ket inay-ayatnak manipud pay idi ubingak!

Ti Biblia (1973)

⁴ Manipud ita a pannawen saancanto aya nga umawag caniac, Amac, sica ti mangidalan iti kinaubingco?

Jeremias 3:4 Iomraidhean Croise

Dagiti Salmo 119:9

Kasano a pagtalinaeden ti agtutubo ti nadalus a panagbiagna? Babaen iti panagtungpalna kadagiti bilinmo.

Dagiti Salmo 48:14

a daytoy a Dios, isu ti Diostayo iti agnanayon nga awan inggana; idalannatay iti amin a tiempo.

Dagiti Salmo 71:17

Insuronak, O Dios, manipud pay kinaubingko, ket agpapan ita, sarsaritaek pay laeng dagiti nakaskasdaaw nga aramidmo.

Dagiti Salmo 71:5

Sika, O Apo Dios, ti ayan ti namnamak, manipud kinaubingko, sikan ti nagtalkak.

Dagiti Proverbio 1:4

Mapagbalinda a masirib dagiti awan padasna ket matulonganda dagiti agtutubo a lallaki a mangusar iti panunotda.

Dagiti Proverbio 2:17

ti babai a saan a napudno iti asawana ket malipatanna ti nasantoan a karina.

Jeremias 2:2

nga innak ipakaammo daytoy a mensahe kadagiti amin nga agnaed idiay Jerusalem: “Malagipko ti kinapudnom idi ubingka; malagipko met ti ayatmo kaniak idi kakaskasarta. Sinurotnak idiay let-ang, iti maysa a daga nga awan pay mulana.

Jeremias 2:27

Maibabainkayto amin—dakayo nga agkuna nga amayo ti kayo, ken inayo ti bato. Mapasamakto daytoy ta tinallikudandak ket saankayo a nagsubli kaniak. Ngem no adda rigatyo, dawatenyo nga isalakankayo.

Jeremias 3:19

Kuna ti Apo, “Israel, tinarigagayak nga awatenka a kas anak, ket ikkanka iti kapintasan a daga iti lubong. Impagarupko nga ibilangnak nga ama ken saannakton a paglikudan.

Jeremias 31:22

Kasano pay kabayag ti panagsarimadengyo, dakayo a saan a napudno a tattao? Pinarsuak ti maysa a baro a banag; naidumduma a kas iti babai a mangsalaknib iti lalaki.”

Jeremias 31:9

Agsangsangitto dagiti tattaok nga agsubli; agkarkararagdanto bayat ti panangyawidko kadakuada. Iturongkonto ida kadagiti agay-ayus a danum; nasimpa a dalan ti pagnaanda tapno dida maitibkol. Siak ti pannakaama ti Israel, ket ni Efraim ti inauna nga anakko.”

Oseas 2:15

Isublikto kenkuana dagiti kaubasanna, ket pagbalinekto ti Tanap ti Akor a ruangan ti namnama. Sungbatannakto sadiay a kas idi agtutubo pay laeng, idi rimmuar idiay Egipto.

Malakias 1:6

Kuna ti Apo a Mannakabalin-amin kadagiti papadi, “Raemen ti anak ti amana. Raemen met ti adipen ti apona. Siak ti amayo, ngem apay a didak dayawen? Siak ti apoyo, ngem apay a didak raemen? Lalaisendak, ngem saludsodenyo pay laeng, ‘Kasano ti pananglaismi kenka?’

Malakias 2:14

Saludsodenyo no apay a dina awatenen dagiti datonyo. Gapu ta ammona a saan a tinungpal ti tunggal maysa ti karina iti babai nga inasawana idi agtutubo pay. Kinataktakunaynayyo ida ket diyo tinungpal ti kariyo kadakuada uray no insapatayo iti Dios nga agtalinaedkayo a napudno kadakuada.