Jeremias 3:21 - Ti Baro a Naimbag a Damag Biblia

²¹ Adda mangngeg a saibbek kadagiti tapaw dagiti turod; agdungdung-aw ken agpakpakaasi dagiti Israelita. Ta nagbiagda a managbasol, ket naglikudanda ti Apo a Diosda.

Ti Biblia (1973)

²¹ Maysa a timec mangngegan iti rabaw dagiti nalucasan a panpantoc, ti sangsangit ken panagdawdawat dagiti annac ti Israel; agsipud ta pinakilloda ti dalanda, linipatanda ni Jehova a Diosda.

Jeremias 3:21 Iomraidhean Croise

Ti Libro ni Job 33:27

Kunananto kadagiti tattao, “Nagbasolak; saan a naimbag ti inaramidko, ngem inispalnak ti Dios.

Dagiti Proverbio 10:9

Natalged ken awan pakaan-anoan ti naimbag a tao, ngem matiliwto dagiti nakillo.

Dagiti Proverbio 19:3

Adda tattao a mangdadael kadagiti bagbagida babaen kadagiti minamaag nga aramidda sada pabasolen ti Apo.

Isaias 15:2

Sumang-at dagiti tattao ti Dibon iti turod tapno mapanda agsangit iti lugar a pagdaydayawan. Dung-awan dagiti taga-Moab dagiti siudad ti Nebo ken Medeba. Kinuskosanda dagiti uloda ket inikkatda dagiti barbasda gapu iti ladingitda.

Isaias 17:10

Israel, nalipatamon ti Dios a mangispal kenka ken mangsalaknib kenka a kas iti natibker a bato. Nagipasdekka ketdi kadagiti minuyongan a sagrado tapno agdaydayawka iti ganggannaet a dios.

Isaias 57:11

Kuna ti Apo, “Siasino dagitoy a didiosen a mamagbuteng kadakayo tapno iti kasta, agulbodkayo kaniak ket lipatendak a mamimpinsan? Insardengyo kadin ti panagdaydayawyo kaniak agsipud ta nabayag a nagulimekak?

Jeremias 12:12

Dimteng dagiti lallaki nga agdadael; naglasatda iti nangangato a lugar iti let-ang. Inyegko ti gubat a mangdadael iti sapasap a daga; awan talna iti panagbiag dagiti tattao.

Jeremias 13:25

Kinuna ti Apo a daytoyto ti gasatyo. Daytoy ti inkeddengna nga aramiden kadakayo, agsipud ta linipatanyo ti Dios, ket nagtalekkayo kadagiti saan a pudno a dios.

Jeremias 18:15

Ngem nalipatandak dagiti tattaok; agpuorda iti insenso kadagiti didiosen. Maitublakda iti dalan a rumbeng a pagnaanda; saanda a suroten ti nagkauna a dalan. Magnada kadagiti killo a dana ket awan turongenda.

Jeremias 2:32

Malipatan aya ti balasang ti alahasna? Malipatan aya ti babai ti kawesna nga agkasar? Ngem namin-adu a nalipatandak dagiti tattaok.

Jeremias 3:2

Tangadem dagiti tapaw dagiti turod. Adda aya lugar a dimo nakikaiddaan? Nagtugawka iti igid dagiti dalan a nagur-uray kadagiti makikaidda kenka. Kaska la Arabo nga agpadpadaan iti sanebenna iti let-ang. Tinulawam ti daga babaen iti kinabalangkantismo.

Jeremias 31:9

Agsangsangitto dagiti tattaok nga agsubli; agkarkararagdanto bayat ti panangyawidko kadakuada. Iturongkonto ida kadagiti agay-ayus a danum; nasimpa a dalan ti pagnaanda tapno dida maitibkol. Siak ti pannakaama ti Israel, ket ni Efraim ti inauna nga anakko.”

Jeremias 7:29

Kuna ti Apo, “Agladingitkayo, dakayo a tattao ti Jerusalem; agpukiskayo ket ibellengyo ti buokyo. Agdung-awkayo iti tapaw dagiti turod, ta siak, ni Yahweh, makapungtotak ket linaksidko dagiti tattaok.

Ezekiel 23:35

Kastoy ti kuna ti Apo a Dios, “Agsipud ta linipatan ken tinallikudannak, sagabaemto ti dusa ti kinaderrepmo ken ti kinabalangkantismo.”

Ezekiel 7:16

Addanto dagiti agkamang kadagiti bambantay a kasla napabutngan a kalapati manipud kadagiti tanap. Agsasainnekdanto gapu kadagiti basbasolda.

Oseas 13:6

Ngem idi simrekkayo iti nasayaat a daga, timmangsitkayo ket nalipatandakon.

Oseas 8:14

“Nagipatakder dagiti tattao ti Israel kadagiti palasio, ngem nalipatanda ti Namarsua kadakuada. Adu a nasarikedkedan a siudad ti binangon dagiti tattao ti Juda. Ngem mangyegakto iti apuy a mangpuor kadagiti palasioda ken dagiti siudadda.”

Mikias 3:9

Denggendak, dakayo nga agtuturay iti Israel, dakayo a manggura iti kinahustisia ken mangkillo iti nalinteg.

Numero 22:32

Kinuna ti anghel kenkuana, “Apay a kasta ti inaramidmo iti asnom? Namitlon nga inablatam! Umayko lapdan ti ipapanmo gapu ta saan a rumbeng a mapanka.

2 Taga-Corinto 7:10

Ta ti ladingit a mayannurot iti Dios yegna ti panagbabawi nga agturong iti pannakaisalakan—ket saan a pagbabawyan dayta! Ngem ti nainlubongan a ladingit yegna ti patay.