Jeremias 3:16 - Ti Baro a Naimbag a Damag Biblia

¹⁶ Inton umadukayon iti daga, saanton a saritaen dagiti tattao ti maipapan iti ‘Lakasa ti Tulag ni Yahweh.’ Didanton panunoten wenno lagipen daytoy. Didanton masapul ket didanton agaramid iti sabali.

Ti Biblia (1973)

¹⁶ Ket maaramidto, intono umaducayo ken manayonancayo iti daga, cadagita nga al-aldaw, cuna ni Apo Jehova, saandanton a cunaen, Ti lacasa ti tulag ni Jehova; ket dinto met mapanunot; ket isu didanto met malagip; ket isu didanto ricnaen ti caawanna; ket isu sannto metten a maaramid.

Jeremias 3:16 Iomraidhean Croise

Isaias 60:22

Uray ti familia a kabassitan ken kanumoan agbalinto a natan-ok a kas iti nabileg a pagilian! Dagdagusekto nga ibanag daytoy inton dumteng ti umisu a tiempo. Siak ni Yahweh!”

Isaias 61:4

Tarimaanendanto dagiti siudad a nabayagen a rebrebba.

Isaias 65:17

Kuna ti Apo, “Mangaramidak iti baro a langit ken baro a daga. Malipatanton a mamimpinsan dagiti napasamak iti napalabas.

Jeremias 3:17

Iti dayta a tiempo, managanto ti Jerusalem iti ‘Trono ni Yahweh.’ Aguummongto sadiay dagiti nasion tapno agdaydayawda kaniak. Didanton tungpalen ti tarigagay ti dakes ken nasukir a pusoda.

Jeremias 30:19

Agkantanto iti pagdaydayaw dagiti agnaed sadiay; agpukkawdanto gapu iti rag-oda. Paraburakto ida ket umadunto ti bilangda; bendisionakto ida ket maidaydayawdanto.

Jeremias 31:27

“Siak, ni Yahweh, kunak a dumtengen ti tiempo a punnoek ti daga ti Israel ken Juda iti tao ken iti animal.

Jeremias 31:8

Alaekto ida manipud iti amianan; yawidkonto ida manipud iti pungto ti daga. Kumuyogto kadakuada dagiti bulsek ken dagiti pilay, dagiti inna ken dagiti dandani agpasngay. Dakkeldanto a nasion nga agsubli.

Jeremias 7:4

Diyo patienen ti mangallilaw a sasaoda: ‘Saantayo a maan-ano! Daytoy ti Templo ti Apo, daytoy ti Templo ti Apo, daytoy ti Templo ti Apo!’

Ezekiel 15:5

Awan serserbi ti sanga sakbay a nauram. Ita ta nauram ket nagbalinen nga uging, ad-adda manen nga awan ti pakausaranna.”

Ezekiel 37:26

Mangaramidak iti tulag a mangted iti talged ti panagbiagda iti agnanayon. Paaduekto ti bilang dagiti tattao ket bangonekto ti templok iti dagada a pagyananna iti agnanayon.

Amos 9:9

“Ibilinko a mayakayak ti Israel a kas iti bukel. Wen, yakayakekto ida iti ayan dagiti nasion tapno maikkat ti amin nga awan serserbina kadakuada.

Sofonias 3:11

Iti dayta a tiempo, dakayo a tattaok, saanton a masapul nga agbainkayo iti panagsukiryo kaniak. Ikkatekto dagiti natangsit ken napasindayag ket saankayonton nga agsukir kaniak iti nasantoan a turodko iti Jerusalem.

San Mateo 3:9

Diyo ipagarup a makalisikayo iti panagkunayo, ‘Uray ta amami ni Abraham.’ Ibagak kadakayo a kabaelan ti Dios a pagbalinen dagitoy a bato nga annak ni Abraham.