Jeremias 3:12 - Ti Baro a Naimbag a Damag Biblia

¹² Imbagana kaniak nga innak idiay amianan ket ipakaammok daytoy iti Israel, “Mannakikamalala nga Israel, agsublika kaniak. Manangngaasiak ket saanak nga agpungtot. Saan nga agnanayon ti pungtotko kenka.

Ti Biblia (1973)

¹² Inca, ket iwarragawagmo dagitoy a sasao nga isangom iti amianan, ket cunam, Agsublica, sica managlicud nga Israel, cuna ni Jehova; saanacto a cumita a sipupungtot kenca; ta siac manangngaasiac, cuna ni Jehova, diacto ituloy ti pungtotco iti agnanayon.

Jeremias 3:12 Iomraidhean Croise

Genesis 4:7

No naimbag ti inaramidmo, umis-isemka koma. Ngem gapu ta nagaramidka iti dakes, mayarig ti basol iti demonio nga agur-uray a mangkemmeg kenka. Kayatnaka nga iturayan ngem masapul a parmekem.”

2 Ar-ari 15:29

Bayat ti panagturay ni Peka, sinakup ni Tiglat Pileser nga emperador ti Asiria dagiti siudad ti Aion, Abel Bet Maaka, Janoa, Kedes, Hasor, ken dagiti daga ti Galaad, Galilea ken Neftali. Innalana dagiti tattao ket impanna ida a kas balud idiay Asiria.

2 Ar-ari 17:23

agingga a pinagtalaw ni Yahweh ida iti imatangna a kas imballaagna kadakuada babaen kadagiti adipenna a profeta. Iti kasta, naipan dagiti Israelita a balud idiay Asiria nga ayanda pay laeng agpapan ita.

2 Ar-ari 17:6

iti maikasiam a tawen a panagturay ni Oseas, sinakup ti emperador ti Asiria ti Samaria. Impanna a balud dagiti Israelita idiay Asiria. Pinagnaedna ti sumagmamano kadakuada iti siudad ti Hala, ti dadduma iti asideg ti karayan Habor iti daga ti Gozan ket ti dadduma kadagiti siudad ti Media.

2 Ar-ari 18:1

Iti maikatlo a tawen a panagturay ni Oseas nga anak ni Ela a kas ari ti Israel, naisaad ni Hezekias nga anak ni Ahaz a kas ari ti Juda.

2 Cronicas 29:10

“Ita, napanunotko ti makitulag iti Apo a Dios ti Israel tapno bumaawen ti pungtotna kadatayo.

2 Cronicas 30:9

No agsublikayo iti Apo, mawayawayaanto dagiti kakabagianyo a naitalaw a kas balud; kaasianto dagiti nangitalaw kadakuada ket pagawidendanto ida. Naayat ken manangngaasi ti Apo a Diosyo ket no agsublikayo kenkuana, awatennakayto.”

Dagiti Salmo 103:17

Ngem kadagiti agdayaw iti Apo agnanayon ti ayatna, awan patinggana. Kadagiti amin a kaputotan, agpaut ti kinaimbagna.

Dagiti Salmo 103:8

Managayat ken manangngaasi ni Yahweh; saan a nalaka nga agpungtot, ket di agbalbaliw ti ayatna.

Dagiti Salmo 103:9

Saan a kanayon a mangbabalaw, saan met nga agnanayon ti pungtotna.

Dagiti Salmo 145:8

Managparabur ken manangngaasi ti Apo. Saan a nalaka nga agpungtot, ket di met maibus ti kinamanagayatna.

Dagiti Salmo 79:5

Agnanayon kadi, O Apo, ti ungetmo kadakami; kasla apuy a simged ti pungtotmo, saan kadin a maiddep?

Dagiti Salmo 86:15

Ngem sika, O Apo, naasi ken managayatka a Dios; naparaburka, napudno ken naanus.

Dagiti Salmo 86:5

Naimbag ken mamakawanka, aglaplapusanan ti di agbalbaliw nga ayatmo kadagiti amin nga umawag kenka.

Dagiti Proverbio 28:13

Pulos a dikanto agballigi no padasem nga ilemmeng dagiti basolmo. Ipudnom ida ken agbabawika, ket kaasiannakanto ti Dios.

Isaias 31:6

Kinuna ti Dios, “Tattao ti Israel, nagbasolkayo kaniak ket binusordak. Ngem ita, agsublikayo kaniak!

Isaias 44:22

Pinunasko dagiti basbasolmo, kasla ulep a pinukawko. Agsublika ngarud kaniak ta siak ti mangisalakan kenka.”

Jeremias 11:6

Kalpasanna, kinuna ti Apo kaniak, “Inka kadagiti siudad ti Juda ken kadagiti kalkalsada ti Jerusalem. Ipakaammom ti mensahek sadiay ket ibagam kadagiti tattao nga ipangag ken tungpalenda dagiti alagaden daytoy a katulagan.

Jeremias 12:15

Ngem kalpasan ti panangipanawko kadakuada, kaasiakto met la ida. Isublikto ti tunggal nasion iti daga ken ilina.

Jeremias 23:8

Pagsapatadanto ketdi ti naganko a sibibiag a Dios a nangiruar kadagiti Israelita manipud kadagiti pagilian iti amianan, ken manipud kadagiti amin a lugar a nangiwarawaraak kadakuada. Agnaeddanto iti bukodda a daga.”

Jeremias 3:1

Kuna ti Apo, “No isina ti lalaki ti asawana, ket pumanaw ti babai sa asawaen ti sabali, saan a mabalin a sublian ti lalaki ti asawana. Daytoy nga aramid ti mangtulaw iti daga. Ngem adu idi ti kaayan-ayatmo, Israel, ket ita kayatmo manen ti agsubli kaniak!

Jeremias 3:14

“Agsublikayo, dakayo a saan a napudno a tattao agsipud ta kukuakayo. Mangalaak iti maysa kadakayo iti kada ili ken dua iti kada familia ket isublikayo idiay Bantay Sion.

Jeremias 3:18

Tumiponto ti Israel iti Juda ket agkuyogdanto nga agawid manipud iti daga iti amianan ket agsublida iti daga nga intedko kadagidi kapuonanyo a kukuada iti agnanayon.”

Jeremias 3:22

Agsublikayo, dakay amin a nangtallikud iti Apo; paimbagennakayto ket pagbalinennakayto a napudno. Kunayo, “Wen, agsublikami iti Apo, agsipud ta isu ti Diosmi.

Jeremias 3:5

Saan nga agnanayon ti pungtotmo; agpatingga ti ungetmo!’ Daytoy ti kinunam, Israel, ngem nagum-umaka a nagaramid iti dakes.”

Jeremias 3:7

Impagarupko a kalpasan ti panagaramidna kadagitoy, agsubli kaniak ngem saan a nagsubli. Nakita amin daytoy ti manangallilaw a kabsatna a Juda.

Jeremias 30:11

Umayakto kadakayo tapno isalakankayo. Pukawekto a mamimpinsan dagiti amin a nasion a nangiwarawaraak kadakayo, ngem saankayto a dadaelen. Dusaenkayto a dusaen, ngem no dusaenkayo, dikayto unay parigaten. Siak, ni Yahweh, ti nagsao iti daytoy.”

Jeremias 31:20

“Israel, napategka nga anakko, anakko a dungdungoek unay. Tunggal baliksek ti naganmo, maragsakanak a makalagip kenka. Kail-iliwnaka toy pusok; kaasiankanto.

Jeremias 31:21

Mangikabilkayo iti pagilasinan, markaanyo ti dalan; birokenyo manen daydi dalan a nagnaanyo. Agsublikayo, dakayo nga Israelita, agawidkayo kadagiti il-ili a pinanawanyo.

Jeremias 31:8

Alaekto ida manipud iti amianan; yawidkonto ida manipud iti pungto ti daga. Kumuyogto kadakuada dagiti bulsek ken dagiti pilay, dagiti inna ken dagiti dandani agpasngay. Dakkeldanto a nasion nga agsubli.

Jeremias 33:26

kastanto met ti panangtungpalko iti nakitulagak kadagiti kaputotan ni Jacob ken ni David nga adipenko. Pumiliakto iti maysa a kaputotan ni David a mangituray kadagiti kaputotan ni Abraham, ni Isaac ken ni Jacob. Kaasiakto dagiti tattaok ket parang-ayekto manen ida.”

Jeremias 4:1

Kuna ti Apo, “Tattao ti Israel, no kayatyo ti agbabawi, agsublikayo kaniak. No napudnokayo kaniak, ket ibellengyo dagiti didiosen a kagurgurak,

Dungdung-aw 3:22

Saan nga agpatingga ti ayat ni Yahweh, agnanayon ti panangngaasina.

Ezekiel 11:17

“Ibagam ngarud kadakuada ti saok, siak nga Apo a Dios. Iruarkonto ida kadagiti nasion a nakaiwarawaraanda ket isublikto kadakuada ti daga ti Israel.

Ezekiel 33:11

Ibagam kadakuada nga isapatak iti naganko nga Apo a sibibiag a Dios, diak agragsak a makakita iti ipapatay ti managbasol. Kaykayatko a makita nga isardengna ti agbasol tapno agbiag. Dakayo nga Israelita, isardengyo ti dakes nga aramidyo. Apay aya a kayatyo ti matay?

Ezekiel 39:25

Kinuna ti Apo a Dios, “Ngarud, kaasiakto dagiti kaputotan ni Jacob—dagiti Israelita ket parang-ayek manen ida. Salaknibakto ti nasantoan a naganko.

Oseas 6:1

Kuna dagiti tattao, “Agsublitayo iti Apo. Rinangrangkaynatayo, wen, ngem agasannatayto; sinugatnatayo ngem bedbedannanto dagiti sugattayo.

Levitico 26:40

“Ngem ipudnonto dagiti kaputotanyo dagiti basbasolda ken dagiti basbasol dagidi kapuonanda a nangsalungasing ken nangbusor kaniak

Zacarias 1:4

Diyo tuladen dagidi kapuonanyo. Idi un-unana, impakaammo kadakuada dagiti profeta ti saok. Binallaaganda ida nga idiandan dagiti dakes ken managbasol a panagbiagda. Ngem didak impangag wenno tinungpal.

Deuteronomio 30:2

No agsublikayto iti Apo, dakayo ken dagiti kaputotanyo, ket tungpalenyo a sipapasnek dagiti bilinna nga itedko kadakayo ita nga aldaw,