Jeremias 3:1 - Ti Baro a Naimbag a Damag Biblia

¹ Kuna ti Apo, “No isina ti lalaki ti asawana, ket pumanaw ti babai sa asawaen ti sabali, saan a mabalin a sublian ti lalaki ti asawana. Daytoy nga aramid ti mangtulaw iti daga. Ngem adu idi ti kaayan-ayatmo, Israel, ket ita kayatmo manen ti agsubli kaniak!

Ti Biblia (1973)

¹ Cuncunada, No ti maysa a lalaki pagtalawenna ni asawana, ket isu sumina kencuana, ket agbalin nga asawa ti sabali a lalaki, isu pasubliennanto aya manen kencuana? saan aya a dayta a daga matulawanto ti dackel? Ngem sica nagbalangcantisca iti adu a caayanayat; nupay casta agsublica manen caniac, cuna ni Jehova.

Jeremias 3:1 Iomraidhean Croise

Dagiti Salmo 106:38

ken kadagiti dios ti Canaan, pinapatayda dagiti awan basolna ket namulitan ti daga iti dara.

Isaias 24:5

Tinulawan dagiti tattao ti daga gapu ta sinalungasingda dagiti linteg ti Dios ket dida nagtungpal iti agnanayon a tulag.

Jeremias 2:20

Kuna ti Apo a Dios, “Israel, nabayagen a linaksidmo ti panangiturayko. Dimo kinayat ti agtulnog ken agdaydayaw kaniak. Iti tunggal nangato a turod ken iti sirok ti nalangto a kayo, nagdaydayawka kadagiti didiosen, nagiddaka a kasla balangkantis.

Jeremias 2:23

Kasano a kunam a dimo tinulawan ti bagim? Kasano a kunam a dika nagdaydayaw kadagiti didiosen a Baal? Kitaem ti panagbasolmo idi addaka iti tanap; kitaem ti inaramidmo. Arigmo ti agmaya a kamelio a taray a taray

Jeremias 2:7

Impanko ida iti nadam-eg a daga, tapno lak-amenda dagiti bungana ken amin a naimbag a masarakan kenkuana. Ngem idi dimtengda sadiay, tinulawanda dayta a daga. Pinagbalinda a makarimon ti daga nga intedko kadakuada.

Jeremias 22:20

Tattao ti Jerusalem, sumang-atkayo idiay Bantay Libano ket agpukkawkayo. Inkay idiay Basan ket agsangitkayo. Inkay kadagiti bambantay ti Moab ket agpukkawkayo agsipud ta naparmek dagiti amin a kakaduayo.

Jeremias 3:22

Agsublikayo, dakay amin a nangtallikud iti Apo; paimbagennakayto ket pagbalinennakayto a napudno. Kunayo, “Wen, agsublikami iti Apo, agsipud ta isu ti Diosmi.

Jeremias 3:9

a kas ketdin awan ti aniamanna kenkuana. Tinulawanna ti daga, ket nagbalangkantis babaen iti panagdaydayawna kadagiti bato ken kayo.

Jeremias 31:22

Kasano pay kabayag ti panagsarimadengyo, dakayo a saan a napudno a tattao? Pinarsuak ti maysa a baro a banag; naidumduma a kas iti babai a mangsalaknib iti lalaki.”

Jeremias 4:1

Kuna ti Apo, “Tattao ti Israel, no kayatyo ti agbabawi, agsublikayo kaniak. No napudnokayo kaniak, ket ibellengyo dagiti didiosen a kagurgurak,

Jeremias 4:14

Jerusalem, dalusam ta pusom iti kinadakes tapno maisalakanka. Kasano pay kabayag ti panagpampanunotmo iti dakes?

Dungdung-aw 1:2

Agpatpatnag nga agsangsangit, agar-arubos dagiti luana. Kadagiti nangay-ayat kenkuana, awanen natda a mangliwliwa. Liniputan dagiti gagayyemna, nagbalinda amin a kabusorna.

Ezekiel 16:26

Nakikaiddaka kadagiti Egipcio a naderrep a kaarrubam, ket pinagpungtotnak iti pannakikamalalam.

Ezekiel 16:30

Daytoy ti kuna ti Apo a Dios, “Inaramidmo amin dagitoy a kas awan bainna a balangkantis a babai.

Ezekiel 16:35

Ita, Jerusalem, sika a balangkantis a babai, denggem ti sao ti Apo.

Ezekiel 33:11

Ibagam kadakuada nga isapatak iti naganko nga Apo a sibibiag a Dios, diak agragsak a makakita iti ipapatay ti managbasol. Kaykayatko a makita nga isardengna ti agbasol tapno agbiag. Dakayo nga Israelita, isardengyo ti dakes nga aramidyo. Apay aya a kayatyo ti matay?

Oseas 1:2

Idi damo nga agsao ni Yahweh iti Israel babaen ken ni Oseas, kinunana, “Mangasawaka; liputannakanto ti asawam ket awanto ti duma kenkuana dagiti annakyo.”

Oseas 2:2

Annakko, kasaoyo ni inayo— uray no ibilangkon a saanko nga asawa ket saan metten a siak ti asawana. Agpakpakaasikayo kenkuana nga isardengnan ti pannakikamkamalalana ken panagbalbalangkantisna.

Mikias 2:10

Tumakderkayo ket pumanawkayo; saan a paginanaan daytoy a lugar. Gapu iti basol, nakaam-amak a pannakadadael ti mapagtengyo.

Zacarias 1:3

Ngem ita, kunak kadakayo, ‘Agsublikayo kaniak ket agsubliak met kadakayo.

San Mateo 5:31

“Naisao pay: ‘Siasinoman a lalaki a mangisina iti asawana, masapul nga ikkanna iti kasuratan ti panagsina.’

Deuteronomio 22:21

iruarda sada ipan iti ruangan ti balay ni amana. Sadiay ti pangbatoan kenkuana dagiti lallaki iti siudad agingga a matay. Nakababain ti inaramidna iti Israel gapu ta nakikaidda iti lalaki sakbay a nakiasawa idinto nga agnanaed pay laeng iti balay ni amana. Kastoy ti panangikkatyo iti daytoy a kinadakes.

Uk-ukom 19:2

Naminsan, gimmura ti babai ket nagsubli iti balay ni amana idiay Betlehem. Uppat a bulan a nagyan sadiay.