Jeremias 26:9 - Ti Baro a Naimbag a Damag Biblia

⁹ Apay a kinunam iti nagan ti Apo nga agbalinto daytoy a Templo a kas iti Silo? Imbagam a madadaelto daytoy a siudad ket awanton ti agnaed.” Ket inaribungbongandak dagiti tattao.

Ti Biblia (1973)

⁹ Apay a nangipadtoca iti nagan ni Jehova, a kinunam, Daytoy a balay caslanto iti Silo, ket daytoy nga ili langalangto, nga awan ti agnaed? ket amin nga umili naurnong ken Jeremias iti balay ni Jehova.

Jeremias 26:9 Iomraidhean Croise

2 Cronicas 25:16

Agsasao pay la ti profeta idi kinuna ti ari, “Kaano pay ti panangisaadmi kenka a mammagbaga kaniak? Sumardengka amangan no papapatayka!” Nagsardeng ti profeta ngem sakbay a nagsardeng, kinunana, “Ammokon nga inkeddeng ti Dios a dadaelennaka gapu ta inaramidmo amin dagitoy ket dimo impangag ti balakadko.”

Isaias 29:21

Dadaelento ti Dios dagiti mamadpadakes, dagiti manglapped iti pannakadusa dagiti managdakdakes ken dagiti agsaksaksi iti ulbod tapno saan a matuntonan ti naimbag a tao ti kalinteganna.

Jeremias 32:3

Pinaibaludnak sadiay ni Ari Zedekias ta pinabasolnak a nangiwarwaragawag a kastoy ti kinuna ni Yahweh, “Yawatko daytoy a siudad iti ari ti Babilonia

Jeremias 33:10

Kinuna ti Apo, “Kunkuna dagiti tattao a kasla let-ang daytoy a disso. Awan tao wenno animal nga agnaed. Ket pudno ti ibagbagada. Awan tao ita kadagiti ili iti Juda wenno kadagiti kalsada iti Jerusalem. Awan tao wenno animal nga agnaed sadiay. Ngem kadagitoy a lugar, mangngegyonto manen dagiti ariwawa

Jeremias 36:29

Imbilinna nga ibagak iti ari, “Pinuoram ti pagbasaan. Sinaludsodmo ken ni Jeremias no apay nga insuratna nga umay ti ari ti Babilonia ket dadaelenna daytoy a daga ken papatayenna dagiti tattao ken animal.

Jeremias 9:11

Kuna ti Apo, “Pagbalinekto ti Jerusalem a nagrebbaan, a pagnaedan dagiti lobo iti let-ang. Aglangalangto dagiti siudad ti Juda, awanton ti agnaed kadakuada.”

Dungdung-aw 4:13

Ngem kasta ti napasamak! Nagbasol dagiti papadi ken profetana ket inyegda ti ipapatay dagiti awan basolna.

Amos 5:10

Dakayo a tattao, guraenyo ti mangikalintegan iti maisaklang ken agsao iti amin a kinapudno iti pangukoman.

Mikias 2:6

Kasabaandak dagiti tattao, ket kunada, “Dinakami man kaskasabaan. Dimo ibagbaga dagita. Dinakamto ibabain ti Dios.

San Mateo 21:23

Nagsubli ni Jesus idiay Templo. Idi madama a mangisursuro, immasideg kenkuana dagiti panguloen a papadi ken dagiti panglakayen a Judio, ket sinaludsodda, “Ania ti kalintegam a mangaramid kadagitoy? Siasino ti nangted kenka iti daytoy a turay?”

San Mateo 27:20

Dinurogan dagiti panguloen a papadi ken dagiti panglakayen dagiti tattao tapno dawatenda ken ni Pilato a wayawayaanna ni Barrabas ket papapatayna ni Jesus.

San Marcos 15:11

Ngem sinugsogan dagiti panguloen a papadi dagiti tattao tapno dawatenda a ni Barrabas laengen ti wayawayaanna kadakuada. Nagsao manen ni Pilato kadagiti tattao.

San Juan 8:20

Insao ni Jesus dagitoy bayat ti panangisursurona idiay Templo, iti kuarto a nakaikabilan dagiti kaha ti daton. Ngem awan ti nangtiliw kenkuana, ta di pay dimteng ti oras.

San Juan 8:59

Nagpidut dagiti tattao kadagiti bato a pangubor ken ni Jesus, ngem naglemmeng ket rimmuar iti Templo.

Dagiti Aramid 13:50

Ngem sinulbog dagiti Judio dagiti nalatak a lallaki iti ili, kasta met dagiti babaknang a babbai nga agdaydayaw iti Dios. Inrugida ti pannakaidadanes da Pablo ken Bernabe ket kapilitan a nagtalawda iti lugarda.

Dagiti Aramid 21:30

Rimsua ti riribuk iti entero a siudad. Nagtataray nga immay dagiti tattao manipud iti nadumaduma a lugar. Ginammatanda ni Pablo sada ginuyodguyod nga inruar iti Templo. Ket dagus a narikpan dagiti ridaw ti Templo.

Dagiti Aramid 22:22

Nagdengngeg dagiti tattao ken ni Pablo agingga iti nasaona daytoy. Ngem nagririawda a nakangngeg iti imbagana. “Patayen ti kasta a tao!” kinunkunada. “Saan a rumbeng nga agbiag!”

Dagiti Aramid 3:11

Idi kumkumpet ti lalaki kada Pedro ken Juan, nasdaaw dagiti tattao ket nagtatarayda nga immasideg kadakuada iti Pasilio ni Solomon.

Dagiti Aramid 5:12

Adu a milagro ken datdatlag a banag ti inaramid dagiti apostoles ket nasaksian dagiti tattao. Masansan nga aguurnong dagiti amin a mamati idiay Pasilio ni Solomon.

Dagiti Aramid 5:28

“Nainget ti panangbilinmi kadakayo a dikay mangisuro iti nagan daytoy a tao. Kitaenyo ti aramidyo! Nagwarasen ti pannursuroyo iti entero a Jerusalem, ket kayatyo pay nga ipabasol kadakami ti ipapatayna.”

Dagiti Aramid 6:14

Nangngegmi a kunana a rebbaen daytoy Jesus a taga-Nazaret ti Templo ket balbaliwanna dagiti ugali nga impatawid ni Moises kadatayo!”

Josue 18:1

Kalpasan ti panangparmekda iti daga, naguummong ti entero nga Israel idiay Silo ket impasdekda sadiay ti Tolda ti Dios.