Jeremias 26:5 - Ti Baro a Naimbag a Damag Biblia

⁵ Masapul a denggenyo ti sao dagiti adipenko, dagiti profeta a masansan nga ibabaonko kadakayo. Pulos a saanyo nga impangag dagiti sinaoda.

Ti Biblia (1973)

⁵ Tapno ipangagyo dagiti sasao dagiti adipenco a mammadto, isuda nga ibaonco cadacayo, a bimmangonac met laeng a masapa ken imbaonco ida, ngem saancayo a nangipangag;

Jeremias 26:5 Iomraidhean Croise

2 Ar-ari 17:13

Imbaon ni Yahweh dagiti babaonen ken profetana a mangballaag iti Israel ken Juda. Impakdaarda: “Iwaksiyo dagiti dakes nga aramidyo ket tungpalenyo dagiti bilinko a nailanad iti linteg nga intedko kadagiti kapuonanyo, ti linteg nga intedko kadakayo babaen kadagiti profeta nga adipenko.”

2 Ar-ari 17:23

agingga a pinagtalaw ni Yahweh ida iti imatangna a kas imballaagna kadakuada babaen kadagiti adipenna a profeta. Iti kasta, naipan dagiti Israelita a balud idiay Asiria nga ayanda pay laeng agpapan ita.

2 Ar-ari 24:2

Nangibaon ni Yahweh kadagiti nakaarmas a bunggoy a taga-Babilonia, Siria, Moab ken Ammon a mangraut ken ni Joakim tapno dadaelenda ti Juda kas imbaga ni Yahweh kadagiti adipenna a profeta.

2 Ar-ari 9:7

Masapul a patayem ti apom nga ari, dayta anak ni Ahab tapno dusaek ni Jezebel iti panangpapatayna kadagiti profetak ken kadagiti dadduma nga adipenko.

ESDRAS 9:11

nga intedmo kadakami babaen kadagiti adipenmo a profeta. Imbagada kadakami a saan a nadalus ti daga nga inkam tagikuaen agsipud ta pinunno dagiti agnanaed sadiay kadagiti narugit ken makarimon nga aramid.

Jeremias 11:7

Idi iruarko dagiti kapuonanda idiay Egipto, sipapasnekak a nangballaag kadakuada, ket agpapan ita, balballaagak pay laeng dagiti tattao.

Jeremias 29:19

Mapasamakto daytoy kadakuada agsipud ta dida tinungpal ti saok a pinaibagbagak kadakuada babaen kadagiti adipenko a profeta. Saanda a nangipangag.

Jeremias 32:33

Naglikudandak, nupay diak nagsardeng a mangisursuro kadakuada. Dida latta mangikaskaso ken dida maisursuro.

Jeremias 35:15

Saanko nga insardeng ti panangibaonko kadagiti adipenko a profeta. Imbagbagada kadakayo nga isardengyo ti dakes nga aramidyo ket agaramidkayo iti naimbag. Binallaagandakayo a saankayo nga agdaydayaw ken agserserbi kadagiti sabali a dios tapno agtultuloy ti panagnaedyo iti daga nga intedko kadagidi kapuonanyo. Ngem saandak nga impangag wenno inkaskaso.

Jeremias 35:17

Iti kasta, siak, ni Yahweh a Mannakabalin-amin a Dios ti Israel, idissuorkonto kadakayo a tattao ti Juda ken ti Jerusalem dagiti amin nga inkarik a pannakadadael. Aramidekto daytoy agsipud ta didak impangag ken didak sinungbatan idi inawagankayo.”

Jeremias 44:4

Diak nagsardeng a nangibabaon kadagiti adipenko a profeta a nangibagbaga kadakayo a diyo ar-aramiden dagiti makarimon a bambanag a kagurak.

Jeremias 7:13

Inaramidyo amin dagiti nasaok a basol. Namin-adun a kinasaokayo, ngem dikay nangipangag. Dikay met simmungbat idi inayabankayo.

Jeremias 7:25

Manipud rimmuar dagiti kapuonanyo idiay Egipto agpapan ita, saan a nagressat ti panangibaonko kadagiti adipenko a profeta.

Ezekiel 38:17

Sika ti sinarsaritak idi un-unana, idi impakdaarko babaen kadagiti adipenko a profeta ti Israel, nga iti masakbayan mangibaonakto iti mangraut iti Israel.” Daytoy ti sao ti Apo a Dios.

Amos 3:7

Saan nga aramiden ni Apo Dios ti panggepna no dina ipakaammo nga umuna kadagiti babaonenna a profeta.

Zacarias 1:6

Babaen kadagiti adipenko a profeta, nangtedak kadagiti kapuonanyo kadagiti ballaag ken bilin. Saanda a nangikaskaso ket sinagabada ti dusa ti kinasukirda. Nagbabawida met laeng ket binigbigda a dinusak ida kas maikari kadakuada ken kas inkeddengko nga aramiden.’”

Paltiing 10:7

“Inton puyoten ti maikapito nga anghel ti trumpetana, ibanagton ti Dios ti nalimed a panggepna kas impakaammona idi kadagiti adipenna a profeta.”

Paltiing 11:18

Nakaunget dagiti pagano, Ta dimtengen ti tiempo ti pungtotmo, Ken ti pannakaukom dagiti natay. Tiempon a gunggonaam dagiti profeta nga adipenmo, Kadagiti amin a tattaom, ken amin nga agbuteng kenka, Natan-ok man ken nanumo, Tiempon a dadaelem dagiti nangparigat iti daga!”