Jeremias 26:4 - Ti Baro a Naimbag a Damag Biblia

⁴ Imbaga kaniak ti Apo nga idanonko daytoy kadagiti tattao, “Siak, ni Yahweh, ti nagkuna a masapul nga agtulnogkayo kaniak babaen iti panangsurotyo iti pannursurok.

Ti Biblia (1973)

⁴ Ket cunaemto cadacuada, Castoy ti cuna ni Jehova; No didacto ipangag, tapno magnacayo iti lintegco isu nga incabilco iti sangoananyo,

Jeremias 26:4 Iomraidhean Croise

1 Ar-ari 9:6

Ngem no tallikudandak, sika wenno dagiti kaputotam, no diyo tungpalen dagiti bilin ken linteg nga ipaalagadko kadakayo, ket agserbi ken agdaydayawkayo kadagiti didiosen,

Isaias 1:20

Ngem no dikay agtulnog ket sukirendak, masentensiaankayto a matay.” Daytoy ti sao ni Yahweh.

Jeremias 17:27

Ngem masapul nga agtulnogda kaniak, ket ngilinenda ti Aldaw a Panaginana a kas nasagradoan nga aldaw. Saanda nga agawit iti uray ania nga iruar kadagiti ruangan ti Jerusalem iti dayta nga aldaw. Ta no saanda a tungpalen dagitoy, puorakto dagiti ruangan ti Jerusalem. Mauramto dagiti palasio ti Jerusalem, ket awanto ti makaiddep iti apuy.”

Jeremias 22:5

Ngem no diyo tungpalen ti saok, isapatak a madadaelto daytoy a palasio. Siak, ni Yahweh, ti nagsao iti daytoy.

Jeremias 32:23

Ngem idi immayda iti daytoy a daga ket tinagikuada, dida nagtulnog kadagiti bilinmo wenno nagbiag a mayannurot kadagiti pannursurom. Awan tinungpalda kadagiti imbilinmo nga aramidenda. Daytoy ti gapuna nga inyegmo kadakuada amin dagitoy a pannakadadael.

Jeremias 44:10

Ngem agpapan ita, dikay pay la agpakumbaba. Dikay latta agbuteng kaniak. Diyo tinungpal dagiti bilin ken linteg nga intedko kadakayo ken kadagidi kapuonanyo.

Jeremias 44:23

Napasamak kadakayo daytoy a pannakadadael, kas makitayo ita, ta nagidatagkayo kadagiti daton a mapuoran kadagiti didiosen; ket nagbasolkayo iti Apo gapu ta diyo tinungpal amin a bilinna.”

Jeremias 7:14

Ngarud, ti inaramidko idiay Silo, aramidek met iti daytoy a Templok a pagtaltalkanyo. Iti daytoy a daga nga intedko kadakayo ken kadagiti kapuonanyo, aramidekto met ti kas iti inaramidko iti Silo.

Deuteronomio 11:32

tungpalenyo a tungpalen ti amin nga annuroten ken linteg nga itedko kadakayo ita nga aldaw.”

Deuteronomio 31:20

Inton addadan iti nabaknang ken nadam-eg a daga a pangipanak kadakuada, kas inkarik kadagidi kapuonanda, agbiagdanto a narang-ay ken nanam-ay. Ngem tallikudandakto ket agdaydayawda kadagiti didiosen. Baybay-andakto ket salungasingenda ti katulagak kadakuada.

Deuteronomio 4:44

Inted ni Moises dagiti linteg ken pannursuro ti Dios kadagiti Israelita.

Deuteronomio 4:8

Awan sabali a nasion, uray kasano ti kinatan-okna, ti addaan kadagiti linteg nga awan idumdumana a kas kadagiti insurok kadakayo ita nga aldaw.

Hebreo 6:18

Saan nga agbalbaliw dagitoy dua: ti kari ti Dios ken ti sapatana. Gapu kadagitoy, dinatayo mabalin nga ulboden ti Dios. Isut' gapuna a datayo a nagkamang kenkuana, mapapigsatayo nga agtalinaed a natibker iti namnama nga adda iti masangoanantayo.